Сцена
Џеси од Breaking Bad ќе го игра Лук Скајвокер во целовечерна адаптација
Американскиот актер Аарон Пол ќе го толкува ликот на Лук Скајвокер, а Џеј Кеј Симсон ликот на Дар Ведер во целовечерното читање во живо на сценариото за филмот „Империјата го враќа ударот“ кое во четврток ќе го постави во театарот „Bing“ во Лос Анџелес режисерот Џејсон Рејтман, пишува Consequence of Sound.
Американскиот актер Аарон Пол ќе го толкува ликот на Лук Скајвокер, а Џеј Кеј Симсон ликот на Дар Ведер во целовечерното читање во живо на сценариото за филмот „Империјата го враќа ударот“ кое во четврток ќе го постави во театарот „Bing“ во Лос Анџелес режисерот Џејсон Рејтман, пишува Consequence of Sound.
Аарон Пол е познат по улогата на Џеси Пинкмен во серијата „На пат кон надолу “(Breaking Bad), а Џеј Кеј Симсон по ролјата на ариевецот Вернон Шилингер во телевизиската сериз а за затворениците „Оз“. Во актерската екипа се вклучени уште и Денис Хејсберт кој ќе толкува ликот на Ленд Калрисиан, комичарот КЕвин Полак во улогата на Јода и Стивен Мерчант во улогата на роботот СР30.
Станува збор за настан во најновото во серијалот читања во живо на филмските сценарија коишто Рејтмен ги поставува секој месец во театарот „Bing“, кој се наоѓа во рамките на „County Museum of Art“, доведувајќи нови актери за да создаде некој вид кавер верзија на омилените филмови.
Рејтман ги чита режисерските напатсвија во сценаријата, додека сцените од филмовите се проектираат зад актерите. Сценариото коешто се чита е најавено само неколку дена претходно, некои актери се најавени многу претходно, но целата листа на актерската екипа и улогите се држи во тајноста до самиот настан. Актерите претходно не одат на проби.
Читањата се одвиваат само една вечер и не се снимаат поради авторските права. Оттаму, влезниците за 600 места во театарот се распродаваат многу брзо. Рејтман истакнува дека смислата на овие настани е да и’ се покаже на публиката како актерите ги создаваат ликовите.
Режисерот, меѓу другите, претходно ги постави читањата во живо на сценаријата од „Принцези невести“ (The Princess Bride), „Истерувачи на духови“(Ghostbusters), „Американска убавина“ (American Beauty) и „Apartmana“ (The Apartment)./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Александар Николоски од денеска е во работна посета на Брисел
Заменик претседателот на Владата и министер за транспорт Александар Николоски од денеска е во работна посета на Брисел.
Во рамки на посетата Николоски ќе учествува на настанот “Прашања за проширување: Новата геополитичка, безбедносна и еконoмска граница на Европа” организирана од страна на “Пријатели на Европа” каде ќе има и свое обраќање. На панел дискусијата посветена на проширување на Европската Унија, покрај вицепремиерот Николоски, свое обраќање ќе имаат и Еди Рама, премиер на Албанија, Ана Брнабиќ претседател на Националното Собрание на Србија, Кристина Герасимов вицепремиер за европска интеграција на Молдавија и Герт Јан Купман, Генерален директор за источно соседство и проширување на Европската Комисија.
Николоски во петок ќе учествува на Министерскиот совет на Транспортната заедница. На состанокот на кој ќе претседава Комесарот за одржлив транспорт на Европската Комисија, Апостолис Цицикостас, ќе се разговара за напредокот на земјите од Западен Балкан во делот на транспортната политика и реализација на инфраструктурни проекти.
На министерскиот совет, вицепремиерот Николоски ќе говори за транспортните политики на Македонија, напредокот и реализација на проектите на европските транспортни Коридор 8 и 10 и 10 -д, како и за мерките и активностите за олеснување на трговијата и транспортот во земјите од Западен Балкан.
На министерскиот совет ќе присуствуваат министри за транспорт и владини претставници од Србија, Црна Гора, Албанија, Косово, Бугарија, Словенија, од Кипар, Романија, Ирска и од други европски земји.
Исто така предвидени се и значајни средби со претставници од Европската Комисија.
Култура
Соопштени наградите на МТФ Денови на комедија Куманово 2023
Жирито на 26 МТФ Денови на комедија 2023 Куманово во состав на претседателка Магдалена Ризова Черних и членови: Драгана Гунин, Кети Пауновска Стевковска, Петар Андоновски и Стефан Јакимовски ги донесе следниве одлуки за награди на Фестивалот:
- Најдобра претстава „Чекајќи го лекарот“ Театар Лесковац, Србија;
- Најдобра режија Дамјан Тенев „Седумте стола“ Театар Ловеч, Бугарија;
- Најдобра актерка Наталија Теодосиева „Илуминати“ Театар комедија – Скопје;
- Најдобар актер Александар Степанулески „Кафез кај кокони“ Драмски театар – Скопје;
- Најдобра споредна улога Бранко Атанасов „Кафез кај кокони“ Драмски театар – Скопје;
- Најдобра сценографија Радостина Тодорова „Седумте стола“ Театар Ловеч, Бугарија;
- Најдобра костимографија Раде Василев и Елена Вангеловска „Кафез кај кокони“ Драмски театар – Скопје
Култура
Претставата „Народен непријател“ гостува на два меѓународни фестивала во Црна Гора
Македонскиот народен театар во јули со претставата „Народен непријател“ од Хенрик Ибзен, а во режија на Нина Николиќ, ќе гостува на два меѓународни фестивала во Република Црна Гора.
Од 5 јули до 22 август ќе се одржи XXXVII фестивал „Град театар“ во Будва, кој оваа година е со слоганот „Сила, храброст и глупост“. Во текот на 49-те фестивалски дена на овој престижен собир на уметности ќе настапат околу 620 учесници во драмската, литературната, музичката и визуелната уметност, а нашата претстава ќе биде изведена на 16 јули во 21 часот.

Програмата е конципирана на повеќе локации: на сцената меѓу црквите, во црквата „Санта Марија“, Плоштадот на поетите, улиците на Стариот град, на платото пред хотелот „Авала“ и во амфитеатарот на манастирот „Стањевиќи“.
Второто гостување ќе се биде на XVIII меѓународен театарски фестивал „Пургаторије“ – Тиват, а покрај скопската претстава, чија изведба е закажана на 18 јули на летната сцена со почеток во 21.30 часот, во натпреварувачката програма ќе учествуваат уште 8 (осум) претстави од Белград, Загреб, Нови Сад, Подгорица, Тиват и од Сплит.
„Народен непријател“, во која играат: Никола Ристановски, Звездана Ангеловска, Дарја Ризова, Јана Вељановска, Ана Арсовска/Лана Грпчевски, Благој Веселинов, Петре Арсовски, Сашка Димитровска, Александар Михајловски/Григор Јовановски, Нино Леви и Мартин Ѓоргоски, совршено кореспондира со кризата со која повторно се соочува нашето општество. Доктор Стокман е ангажиран маж, но е и идеалист, кој верува дека промената е можна и дека е неопходна итна жртва колку и да е тоа болно, а Ибзен е вешт и ги покажува механизмите како поединецот да зборува за системската неправда и автоматски се карактеризира како предавнички.
ПР

