Сцена
Интернационален детски фестивал на театар на сенки „Сонот на облачето“
Третиот Интернационален детски фестивал на театар на сенки „Сонот на облачето” ќе се одржи од 23-ти до 25-ти ноември 2015 година во просториите на Младинскиот Културен Центар (сцена Фросина).
Третиот Интернационален детски фестивал на театар на сенки „Сонот на облачето” ќе се одржи од 23-ти до 25-ти ноември 2015 година во просториите на Младинскиот Културен Центар (сцена Фросина).
Програмата вклучува претстави од Шпанија, САД, Србија и Македонија, работилница за сенки со раце, презентација на фигури, видео проекции и по некое изненадување.Фестивалот започнува со работилницата за сенки со раце, раководена од Валериа Гуглиети. На работилницата во горното фоаје на сцена Фросина во МКЦ, со поставено платно и насочен рефлектор актерката ќе демонстрира различни фигури, ликови и форми кои се направени само со движење на рацете и прстите. Следува претставата „Танцот на рацете” на театарот Sombras Chinas од Шпанија, спектакл кој мистично раскажува приказни одиграни со сенки од раце. Театарот Сенки и облаци од Македонија со претставата „Нашиот штрк Силјан” ќе го прослави својот 10-ти роденден. Круме Стефановски, основоположникот на оваа театарска група заедно со бројни изведувачи, соработници, музичари, артисти и истомисленици, кои низ годините биле скапоцен дел од оваа театарска дружина, се единствените во Македонија кои творат со техниката на театар на сенки за публика од најразлични возрасти. Влечејќи корени од Karadjoz уметничката традиција (воведена за прв пат во Македонија од Турците пред повеќе векови) претставите на театарот Сенки и облаци прераснуваат во модерна изведба со едукативни елементи. Во вторник публиката ќе има можност премиерно да ја проследи претставата „Нашиот штрк Силјан“ работена според народната приказна за Силјан штркот. Претставата зборува за одговорноста, работливоста и љубовта на Силјан кон своите најблиски во миговите на искушение, кога е штрк и подоцна кога е човек. Претходно публиката ќе може да проследи презентација на фигури за театар на сенки од Индија, Кина, Тајланд, Турција, Индонезија, водена од Андреа Каспари. Последниот ден од програмата на фестивалот „Сонот на облачeто” ќе бидат изведeни две претстави. Театарот Firefly Shadow Theatre од САД ќе ја изведе „Волкот и трите прасиња – (ново гледање на старата приказна)“ каде публиката ќе ја открие вистината за пријателството и неговата моќ преку ликовите на трите волка и едното прасе. Театарот Le Studio од Србија со „Новогодишната ноќ на едно девојче“ ќе го докаже тврдењето од бајките дека желбите стануваат реалност само кога силно се посакуваат. Пријатниот простор на фоајето пред сцената Фросина ќе биде дом на Изложбата на лампи со сенки, рачно изработени од неколку локални уметници кои решија да сонуваат во боја. “Lotus Design” ќе се погрижи за удобноста на посетителите на фестивалот, Nesquik и Јаболчело ќе обезбедат освежување, а интерактивните (криви) огледала ќе се “одговорни” за нивото на расположение кај сите посетители. „Сонот на облачето” е фестивал кој децата, како најискрена публика, ги доближува до суштинското значење на уметноста наречена театар, а тоа е постојаната игра на тенката линија помеѓу реалноста и имагинацијата. Можноста за запознавање и со техничката реализација на оваа уникатна форма, ја вметнува задолжителната нота на едукативни елементи кога станува збор за правилен раст и развој на најмладите. Темите на претставите зборуваат за традиции, културни вредности но и добро познати ликови и приказни. Фестивалот во својата публика редовно вбројува и деца кои припаѓаат на одредени општествено маргиналиизрани групи. Изминатите години дел од дружбата беа децата од СОС детско село, Трисомија 21 (асоцијација за деца со Даунов синдром и нивните семејства), а годинава фестивалот бесплатно ќе го следат децата од Шутка центарот. Организатор на фестивалот е Здружението „Сенки и облаци“ од Скопје, кое со поддршка од Министерството за култура, градот Скопје и Младинскиот културен центар во Скопје по трет пат ќе ѝ овозможи на најмладата публика да ужива во магијата на театарските претстави со сенки. Билетите се во продажба на билетарницата на Младинскиот културен центар по цена од 120 денари, а за организирани посети (+10 посетители) цената на билетот изнесува 100 денари.Програма:23-ТИ НОЕМВРИ, ПОНЕДЕЛНИК 18:00 ч. Работилница за сенки со раце со Валериа Гуглиети, Шпанија (1 час) 19:30 ч. „Танцот на рацете“, Sombras Chinas, Шпанија (45 мин.)20:30 ч. Коктел и изложба на лампи со сенки24-ТИ НОЕМВРИ, ВТОРНИК18:30 ч. Презентација на Андреа Каспари, САД на фигури од Индија, Кина, Тајланд, Турција, Индонезија (30мин.)9:30 ч. „Нашиот штрк Силјан“, театар Сенки и облаци, Македонија (40 мин.)25-ТИ НОЕМВРИ, СРЕДА19:30 ч. „Волкот и трите прасиња – (ново гледање на старата приказна)“, Firefly Shadow Theatre, САД (15 мин.)20:00 ч. „Новогодишната ноќ на едно девојче“, Theatre Le Studio, Србија (15 мин.)/крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Александар Николоски од денеска е во работна посета на Брисел
Заменик претседателот на Владата и министер за транспорт Александар Николоски од денеска е во работна посета на Брисел.
Во рамки на посетата Николоски ќе учествува на настанот “Прашања за проширување: Новата геополитичка, безбедносна и еконoмска граница на Европа” организирана од страна на “Пријатели на Европа” каде ќе има и свое обраќање. На панел дискусијата посветена на проширување на Европската Унија, покрај вицепремиерот Николоски, свое обраќање ќе имаат и Еди Рама, премиер на Албанија, Ана Брнабиќ претседател на Националното Собрание на Србија, Кристина Герасимов вицепремиер за европска интеграција на Молдавија и Герт Јан Купман, Генерален директор за источно соседство и проширување на Европската Комисија.
Николоски во петок ќе учествува на Министерскиот совет на Транспортната заедница. На состанокот на кој ќе претседава Комесарот за одржлив транспорт на Европската Комисија, Апостолис Цицикостас, ќе се разговара за напредокот на земјите од Западен Балкан во делот на транспортната политика и реализација на инфраструктурни проекти.
На министерскиот совет, вицепремиерот Николоски ќе говори за транспортните политики на Македонија, напредокот и реализација на проектите на европските транспортни Коридор 8 и 10 и 10 -д, како и за мерките и активностите за олеснување на трговијата и транспортот во земјите од Западен Балкан.
На министерскиот совет ќе присуствуваат министри за транспорт и владини претставници од Србија, Црна Гора, Албанија, Косово, Бугарија, Словенија, од Кипар, Романија, Ирска и од други европски земји.
Исто така предвидени се и значајни средби со претставници од Европската Комисија.
Култура
Соопштени наградите на МТФ Денови на комедија Куманово 2023
Жирито на 26 МТФ Денови на комедија 2023 Куманово во состав на претседателка Магдалена Ризова Черних и членови: Драгана Гунин, Кети Пауновска Стевковска, Петар Андоновски и Стефан Јакимовски ги донесе следниве одлуки за награди на Фестивалот:
- Најдобра претстава „Чекајќи го лекарот“ Театар Лесковац, Србија;
- Најдобра режија Дамјан Тенев „Седумте стола“ Театар Ловеч, Бугарија;
- Најдобра актерка Наталија Теодосиева „Илуминати“ Театар комедија – Скопје;
- Најдобар актер Александар Степанулески „Кафез кај кокони“ Драмски театар – Скопје;
- Најдобра споредна улога Бранко Атанасов „Кафез кај кокони“ Драмски театар – Скопје;
- Најдобра сценографија Радостина Тодорова „Седумте стола“ Театар Ловеч, Бугарија;
- Најдобра костимографија Раде Василев и Елена Вангеловска „Кафез кај кокони“ Драмски театар – Скопје
Култура
Претставата „Народен непријател“ гостува на два меѓународни фестивала во Црна Гора
Македонскиот народен театар во јули со претставата „Народен непријател“ од Хенрик Ибзен, а во режија на Нина Николиќ, ќе гостува на два меѓународни фестивала во Република Црна Гора.
Од 5 јули до 22 август ќе се одржи XXXVII фестивал „Град театар“ во Будва, кој оваа година е со слоганот „Сила, храброст и глупост“. Во текот на 49-те фестивалски дена на овој престижен собир на уметности ќе настапат околу 620 учесници во драмската, литературната, музичката и визуелната уметност, а нашата претстава ќе биде изведена на 16 јули во 21 часот.
Програмата е конципирана на повеќе локации: на сцената меѓу црквите, во црквата „Санта Марија“, Плоштадот на поетите, улиците на Стариот град, на платото пред хотелот „Авала“ и во амфитеатарот на манастирот „Стањевиќи“.
Второто гостување ќе се биде на XVIII меѓународен театарски фестивал „Пургаторије“ – Тиват, а покрај скопската претстава, чија изведба е закажана на 18 јули на летната сцена со почеток во 21.30 часот, во натпреварувачката програма ќе учествуваат уште 8 (осум) претстави од Белград, Загреб, Нови Сад, Подгорица, Тиват и од Сплит.
„Народен непријател“, во која играат: Никола Ристановски, Звездана Ангеловска, Дарја Ризова, Јана Вељановска, Ана Арсовска/Лана Грпчевски, Благој Веселинов, Петре Арсовски, Сашка Димитровска, Александар Михајловски/Григор Јовановски, Нино Леви и Мартин Ѓоргоски, совршено кореспондира со кризата со која повторно се соочува нашето општество. Доктор Стокман е ангажиран маж, но е и идеалист, кој верува дека промената е можна и дека е неопходна итна жртва колку и да е тоа болно, а Ибзен е вешт и ги покажува механизмите како поединецот да зборува за системската неправда и автоматски се карактеризира како предавнички.
ПР
Осумте земји на кои Трамп им најави царини поради Гренланд порачаа: Ќе останеме обединети и солидарни со Данска и Гренланѓаните
Осумте европски држави, кои се најдоа на мета на најавените царини од американскиот претседател Доналд Трамп поради поддршката за Данска...
Уставниот суд веќе ја потврди законитоста на одлуките за вонредната состојба, му одговори Пендаровски на премиерот Мицкоски
Поранешниот претседател Стево Пендаровски му возврати на премиерот Христијан Мицкоски поради неговата изјава дека има основани сомнежи за уставноста и...
Мицкоски: Мафијашки упади во времето на вонредната состојба, случајот со Жан Митрев отвора прашања и за одлуките на Пендаровски
Премиерот Христијан Мицкоски изјави дека не е изненаден од тврдењата на хирургот Жан Митрев дека поранешниот министер за здравство Венко...
Пожар во свињарска фарма во Градско, угинаа животни, неколку лица побарале лекарска помош
Вчера во СВР Велес бил пријавен пожар што избувнал во свињарска фарма на фирма во селото Долно Чичево, општина Градско....
Втор смртен случај од грип: Почина 69-годишен пациент на Инфективна
Шеесет и деветгодишен пациент починал од компликации предизвикани од сезонски грип на Клиниката за инфективни болести во Скопје, соопшти директорот...
Храна со истечен рок, лоши хигиенски услови, недостиг на санитарни книшки затекнаа инспекторите во маркетите низ државата
Приближно четириесет илјади евра во денарска противвредност е вкупната вредност на 22 казни кои ги изрекоа инспекциските служби на Агенција...
(Видео) Поплави во Австралија, евакуации во Сиднеј
Австралиските власти соопштија дека 20 лица се спасени од надојдени води во источната сојузна држава Нов Јужен Велс, поради обилните...
„Политико“ Европскиот парламент го замрзнува трговскиот договор со САД поради најавата за царини и барањата за Гренланд
Пратениците во Европскиот парламент нема да го одобрат историскиот трансатлантски трговски договор откако американскиот претседател Доналд Трамп најави нови царини...
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран...
Филипче го повика Жан Митрев да оди кај обвинител и да поднесе кривична, најави и тужби: „Ова не е политика, сега ќе ги тужам“
Претседателот на СДСМ, Венко Филипче, на прес-конференција обвини дека ВМРО-ДПМНЕ спроведува, како што рече, јавен линч против него преку лаги,...
Вандализиран паркот „Бановина“ во Аеродром – искршена урбаната опрема, оштетена фонтаната, а провалено е и во чуварската куќа
Општина Аеродром најостро го осуди вандалскиот чин што се случил синоќа во паркот Бановина, каде што била сериозно оштетена јавната...
Обвинение за помагачите во бегството на 18-годишникот што со автомобил усмрти жена на Народен фронт
Обвинителството поднесе обвинение против маж и жена кои како соизвршители се товарат за помагање, во случајот со 18-годишникот од Скопје...
Предлог-законот за пушењето не е удар по угостителството, туку заштита на здравото работно место, велат од Министерството за здравство
Предлог-законот за заштита од пушењето, подготвен од Министерството за здравство, предвидува забрана за пушење во затворени јавни и работни простории,...
„Не го чепкајте Гренланд“: Масовни протести во Данска и Нуук против плановите на Трамп
Големи протести против најавите на американскиот претседател Доналд Трамп за преземање на Гренланд се очекуваат денеска во повеќе градови во...
Украинска делегација заминува во САД за појаснување на условите за можен мировен договор со Русија
Украинските преговарачи патуваат во Соединетите Американски Држави за да ги разјаснат условите за евентуален мировен договор со Русија, изјави претседателот...
Македонија со пораз од Данска го започна Европското првенство
Ракометната репрезентација на Македонија, со пораз го започна настапот на 17-то Европско првенство во Данска, Шведска и Норвешка. Во првото...
Италијански министер ги исмева европските сили во Гренланд: „15 Французи, 15 Германци – звучи како почеток на виц“
Италија одби да се придружи на европската мисија во Гренланд, а министерот за одбрана на земјата, Гвидо Кросето, отворено ја...
Трамп им се закани на сите земји кои нема да го поддржат за Гренланд
Претседателот на САД, Доналд Трамп, се закани дека ќе воведе царини на земјите кои не го поддржуваат неговиот план САД...
МВР ќе ги тестира поставените камери: од 20 до 31 јануари на местата каде ќе се вршат активностите, нема да биде дозволен сообраќај
Министерството за внатрешни работи известува дека во рамки на проектот „Безбеден град“, во периодот од 20.01.(вторник) до 31.01.(сабота) ќе се...
Ја удирал по главата и телото, ја давел за вратот и скршил ребро: скопјанец осомничен за физички напад и загрозување на сигурноста на жена
Јавен обвинител од Основното јавно обвинителство Скопје поведе постапка против 51-годишен скопјанец за кого постои основано сомнение дека сторил кривично...
