Македонија
Ахмети: Гласајте за бројот 9, за достоинствен премиер за сите граѓани
![](https://makfax.com.mk/wp-content/uploads/2020/07/109159947_764034384401420_3620018658292354370_n.jpg)
Цетралниот Изборен Штаб на Демократската Унија за Интеграција во рамките на изборната кампања за Предвремените Парламентарни избори 2020 кои ќе се одржат на 15 јули каде граѓаните ќе можат да ги изберат пратениците кои се на листите и кои ќе ги претстават во новиот парламентарен состав во Република Северна Македонија, престојуваше во Охрид.
Претседателот на Демократската Унија за Интеграција Али Ахмети пред граѓаните и симпатизерите од Охрид рече дека кампањата започна од Преспа и завршува во Охрид за да даде порака.
„ Во овој град се постигна договор кој на земјата и овозможи иднина, развој и помирување. Се постигна договор без кој земјата ќе одеше во погрешна насока затоа што заедниците ќе се поделеа. Од овој Договор зависеше и иднината бидејќи се направи големо дело за што потрошивме наша енергија за овој Договор да се постигне во многуте средби како што беа низ целиот свет. Ова се постигна благодарение на соработката и јас не сум неблагодарен за придонесот на другите затоа што работите треба да ги направиме заедно”, истакна Ахмети.
Во продолжение на неговиот говор, Ахмети подвлече дека со членството во НАТО земјата стана посигурна и може да се постигне и развојна економија.
„ Членството во НАТО е во прилог и на регионот бидејќи имаме побезбеден и поиздржлив развој. Овој завршен собир се одржува во Охрид, како потсетување и посветување на Охридскиот Договор со што симболиката е во тоа што овој документ има големо и посебно значење со што придобивка имаа сите заедници. Заедниците се претставени со културата, јазикот и националните симболи. Со окото на пријателот нè гледаат малите заедници и тие треба да се ослободат од предрасудите дека некој може да ги фаворизира или од тоа дека некој може да им ги одзема правата”, истакна Ахмети.
Претседателот на ДУИ даде до знаење дека сега веќе е отворено ново поглавје каде заедно треба да ги градиме политиките бидејќи осамени ниту една страна не може да ја однесе земјата напред.
„ Ги отворивме преговорите за членство во ЕУ. Имаме уште многу работа исполнувајќи ги стандардите кои не доближуваат со Европа и овие работи се постигнуваат оставајќи ги настрана групните и личните интереси, и тоа исполнувајќи го владеењето на правото, спроведувањето на Ветингот во сите институции. Јас сум оптимист дека овие прашања можат да се постигнат бидејќи имаме кадар и кој има повеќе од ДУИ што има спремено национално богатсво”, истакна Ахмети.
На крај на неговиот говор Претседателот на интегративците, Ахмети ги повика граѓаните на Охрид на 15 јули да излезат и да гласаат заокружувајќи го бројот 9.
„ Покажете кои сте и колку вредите. Ве повикувам како браќа на 15 јули да се испее новата песна, заедно да ја прославиме првата победа за премиерот Албанец кој сите ќе не зближи и обедини. Достоинствен претставник за сите граѓани на ова земја”, заврши Ахмети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Поминаа три години од пожарот во модуларната болница во кој изгореа 14 луѓе
![](https://makfax.com.mk/wp-content/uploads/2023/08/modularna-bolnica-tetovo-pozar.jpg)
До денес изминаа точно три години од пожарот во модуларната болница во Тетово во кој животот го загубија 14 луѓе, а десетина беа повредени.
Од жртвите кои починаа поради пожарот, 12 беа на болничко лекување таму како заболени од ковид-19, додека двајца беа членови на семејствата на болните.
Основен суд Тетово спроведе судски процес во текот на 2022 и 2023 година, а со решение на Апелациски суд годинава требаше да почне и повторено судење за дел од обвинетите.
По пожарот на 8 септември 2021 година, почна истрага, која резултираше со обвинителен предлог до Основен суд Тетово на 27 јули 2022. Првиот судско рочиште беше закажано за 6 септември 2022 година, но по неколку одложување процесот почна на 4 декември 2022 година.
По шест месеци, на 5 јуни 2023 година Основен суд Тетово одреди условна осуда за Флорин Бесими и Артан Етеми, директори на Клиничка болница Тетово за кривично дело „тешки дела против општата сигурност“, додека правното лице ЈЗУ Клиничка болница беше прогласено за виновно за делото „предизвикување општа опасност“ во судскиот процес по пожарот во модуларната болница во Тетово во 2021 година кога животите ги загубија 14 луѓе.
Судот тогаш одлучи да има ослободителна пресуда за докторот Бобан Вучевски и Клиничка болница за делото „непостапување по здравствени прописи“.
Основното јавно обвинителство Тетово на 10 јули 2023 година поднесе жалба на изречената првостепена пресуда.
По оваа жалба расправаше Апелацискиот суд во април 2024 година, а при тоа донесе решение со кое наложи да има повторно судење за поранешните директори на тетовската болница Флорин Бесими и Артан Етеми, како и Јавната здравствена установа Клиничка болница Тетово како правен субјект. За докторот Бобан Вучевски, Апелацискиот суд ја одби жалбата на Обвинителството и ја потврди првостепената ослободителна пресуда за него.
На 26 јуни 2024 година беше закажано првото рочиште за повторното судење за двајцата директори, но беше одложено за 25 септември 2024 година поради отсуство на претставници на Клиничка болница Тетово.
Во првичната пресуда од 5 јуни 2023 година на обвинетите Флорин Бесими и Артан Етеми им беше утврдена казна затвор од по една година и шест месеци, условна осуда и утврдената казна затвор нема да се изврши доколку обвинетите секој за себе во време од по три години не сторат ново кривично дело. Правно лице требаше да плати парична казна во висина од еден милион денари, 30 дена по правосилност на пресудата.
На 8 септември 2023 година на двегодишнината беше одржан јавен марш и протест пред судот во Тетово во организација на семејствата на 14 луѓе кои ги изгубија животите во пожарот во тетовската модуларна. Семејствата организираа јавен марш и протест и на 15 септември 2023 година и во Скопје. Протестниот марш почна на плоштадот Скендербег и заврши пред зградата на Јавното обвинителство.
Македонија
Агелер по повод 8 Септември: Денес и секогаш, ја почитуваме вашата историја
![](https://makfax.com.mk/wp-content/uploads/2023/07/ageler-2.jpg)
Амбасадорката на Соединетите Американски Држави, Анџела Агелер упати честитка по повод Денот на независноста на земјава – 8 Септември.
Во видео обраќањето кое го објави Амбасадата на САД во Скопје, Агелер вели „на овој посебен ден се придружуваме на Северна Македонија и на сите вас во прославата на вашата независност и вашите динамични и разновидни заедници“.
Како и нашата независност, вашата беше тешко здобиена, со безброј жртви направени од оние кои верувале во моќта на слободата и демократијата. Денес и секогаш, ја почитуваме вашата историја, вашата сегашност и светла иднина, рече Агелер.
Македонија
Филипче за 8 Септември: Во овие три децении, Македонија ги зајакна своите институции
![](https://makfax.com.mk/wp-content/uploads/2024/08/Venko-Filipce.jpg)
Денешниот 8 Септември и 33 години независност на нашата Македонија нѐ потсетуваат на силата, единството и храброста што ја имавме кога го избравме патот на суверенитет и самостојност, наведува во постот на Фејсбук лидерот на СДСМ, Венко Филипче.
Во изминатите 33 години, нашата татковина се изгради како независна, суверена држава, одлучна да го заземе своето место на европската и на светската сцена, потенцира тој.
-Овој пат не беше лесен и беше исполнет со предизвици, но и со многу достигнувања. Патот што го избравме пред три децении е потврда на нашата колективна волја за достоинство и просперитет. Во овие три децении, Македонија ги зајакна своите институции, ја обезбеди својата меѓународна позиција и создаде услови за економски и социјален напредок, вели Филипче.
Претседателот на СДСМ потенцира дека нашата држава денес се наоѓа пред многу искушенија, кои бараат од нас да покажеме уште поголема зрелост, сплотеност и одлучност.
-Во ова време на нови предизвици поврзани со понатамошниот пат по кој ќе се движи Македонија, време е нашата сила и способноста на нашите граѓани да ја искористиме за да ја надминеме секоја препрека што стои на патот кон подобро утре. Пред нас е одговорноста да ја продолжиме изградбата на општество каде што секој граѓанин ќе има еднакви можности, а нашата земја ќе биде пример за стабилност, толеранција и напредок. Честит 8 Септември!, стои во честитката на претседателот на СДСМ, Венко Филипче.