Контакт

Истражувања

Газдата на земјиштето спроти „Холидеј ин“ е во бизнис-релации со Мијалкови

Објавено пред

Фирмите на Зоран Антиќ, еден од сопствениците на фирмите „Обновители“ и на „МГ Фешн“, кои станаа газди на земјиштето спроти ГТЦ каде што е предвидено да се градат висококатници, се поврзани со компании на поранешниот директор на УБК Сашо Мијалков, покажуваат податоците од Централниот регистар.

dobivaj vesti na viber

Овие две фирми со заеднички именител – кумановскиот бизнисмен Антиќ пред еден месец со непосредна спогодба го купија државното земјиште спроти „Холидеј ин“ од 9 илјади квадратни метри за 312 евра по квадрат. На ова место е предвидено да се градат 60-катници, но засега Општина Центар има ставено мораториум за градби.

По обелоденувањето на информацијата, во јавноста почна многу да се говори за МПЦ како нов сопственик на земјиштето, а малку за кумановскиот бизнисмен Антиќ, кој е бизнис-партнер и со црквата, преку фирмата „Обновители“, но и со фирма во Прага, преку која се поврзува со Мијалков.

Екипата на „Макфакс“ изврши увид во речиси сите фирми каде што газдата на познатиот бренд „Битсиани“, Зоран Антиќ, фигурира како сопственик. Негова фотографија речиси и не се појавува во медиумите, во архивите не можат да се најдат негови изјави, а сепак, неговите бизниси се поврзуваат со многу атрактивни локации во центарот на Скопје.

Според Централниот регистар, Антиќ се јавува во сопствеништвото на осум компании. Едната е фирмата „Обновители“, каде што сопственици се Зоран Антиќ заедно со Македонската православна црква (МПЦ).

Втората фирма e „МГ Фешн“, каде сопствеништвото го делат Зоран Антиќ и неговата сопруга Тања. Оваа компанија се јавува како сопственик на повеќе фирми, од кои едната води кон Прага, Чешка.

Па така, „МГ Фешн“ е еден од сопствениците на компанијата „Волис проперти ФЛ“, заедно со „Квалитет пром“ од Куманово и „Билдинг капитал“. Фирмата мајка на „Билдинг капитал“, пак, се наоѓа во Прага, Чешка.

Сопственик на „Билдинг капитал“ е Build Fashion Group SRO од Прага, а документите од чешкиот регистар говорат дека управител на оваа компанија е Зоран Антиќ. Последните промени се направени во мај годинава, кога Антиќ му дава полномошно на чешкиот државјанин Горан Гацов, кога основачкиот влог на фирмата се зголемува од 250 илјади на 500 илјади круни, односно на речиси 20 000 евра.

Горан Гацов во јавноста е познат по тоа што директоруваше со фирмите од Чешка на поранешниот директор на УБК Сашо Мијалков. Ова го обелодени СДСМ на прес-конференција уште пред 3 години.

„Сашо Мијалков во неговиот анкетен лист нема пријавено цела една фирма во Чешка во негова 100-процентна сопственост, тоа е фирмата ‘Миртланис’. Директорот на УБК ја продаде фирмата.Го прикажуваме договорот кога Мијалков ја купува фирмата ‘Миртланис’. Склучен на 26 февруари 2013 година. Под потписот на купувачот Сашо Мијалков се наоѓа потпис на лицето Горан Гацов. Познато е дека фамилија Гацови ги води бизнисите на Мијалков во Чешка. Значи Горан Гацов станува управител на фирмата ‘Миртланис’“, објави СДСМ.

И веб-порталот „Нова“ пишуваше дека долгогодишниот директор на фирмите на Мијалков, Горан Гацов, останал директор и откако заврши трансферот на сопственоста на фирмата „Миртланис“.

Втората поврзаност со Мијалков е преку фирмата „Капитал проперти инвестмент“, каде што сопственик е Антиќ, заедно со „Дивелоп груп“. Сопственици на „Дивелоп груп“, пак, се Александар Ивановски (во јавноста познат како Алек Теранова) и „Бест Веј инвестмент“, фирма чиј сопственик е синот на Сашо Мијалков, 24-годишниот Јордан.

Мрежа од сестрински компании го градат централното градско подрачје

Името на Зоран Антиќ беше актуелно во јавноста во 2016 година кога се поплави градилиштето спроти зградата на МНР и се претвори во езеро од фекалии. Поплавата што се случи веднаш до новата барокна зграда на Факултетот за драмски уметности отвори опасност од свлечиште на земјиштето кое можеше да ги загрози и соседните згради.

Инвеститор во овој проект беше компанијата „Волис проперти ФЛ“, додека изведувач е Рапид Билд, а сопственици на оваа градежна компанија се двете фирми „Квалитет пром“ и „Детоил“ ДОО Куманово.

Тогаш порталот „Нова“ пишуваше за „Рапид билд“, каде кумановецот Тони Каранфиловски преку семејните компании „Детоил“ и „Квалитет пром“ ги има речиси сите удели заедно со братот и таткото.

Во фирмата инвеститор, „Волис проперти ФЛ“мнозински сопственик со 50 проценти е фирмата со чешки капитал „Билдинг капитал“.

„Рапид билд“ е една од двете фирми на кумановскиот бизнисмен Тони Каранфиловски, за кои медиумите пишуваа дека ќе бидат вклучени во милионскиот бизнис со изградба на гасоводната делница во земјата. Во овие две фирми како сопственик се јавува компанијата „Квалитет пром“, која е семејна компанија на Каранфиловски.

Кумановската фирма „Рапид билд“ е исто така компанијата која ја доби изградбата на гасоводот на Водно, против што повеќепати протестираа активистите и здруженијата за заштита на зеленилото, откако булдожерите започнаа да копаат на планината.

„Волис проперти ФЛ“ е инвеститор, а „Рапид билд“ е изведувач и на барокниот деловен објект „Св. Мина“ во центарот на Скопје, каде што се наоѓаат просториите на „ВИП-ОНЕ“.

Богдановиќ: Лично сметам дека таму не треба да има висококатници

Фирмите на Антиќ, „МГ Фешн” и „Обновители“ сега располагаат со градежна парцела од 13.653 квадратни метри, од кои 4.605 квадрати претходно ги имат купено од физички лица кои ги имаат добиено со денационализација. Откупувајќи ги приватните парцели тие се стекнале со над 30 проценти од градежната парцела, а Законот за градежно земјиште, како што рече министерот за транспорт и врски, Горан Сугарески, им овозможува да направат дооформување на парцелата. На овој начин, двете фирми го докупиле државното земјите од 9.048 квадратни метри за само 312 евра по квадрат.

Од МПЦ веќе изјавија дека ќе ја отстапат својата парцела за да добијат станови и деловен простор во објектите што ќе се градат таму.

„Тука сè е согласно законот“, рече Сугарески пред неколку дена.

Градоначалникот на Скопје, Саша Богдановиќ, денеска уште еднаш повтори дека е ставен мораториум на извршувањето на урбанистичките планови. Тој вети дека за понатомошните одлуки ќе бидат вклучени граѓаните. Лично тој смета дека таму не треба да има висококатници.

Големи се реакциите во јавноста на архитектите и граѓаните кои се против изградба на висококатници во централното јадро на градот бидејќи сметаат дека освен уште многу бетон, сивило и пари, треба да се води сметка и за здравјето на луѓето.

Сепак, останува можноста дека на паркингот спроти „Холидеј ин“ можеби нема да се изградат 60-катници, туку згради со помала катност, што повторно нема да ги задоволи барањата на граѓаните кои се категорично против изградба на објекти – дел од нив бараат изградба на плоштад, а дел изградба на парк.

Мери Јордановска, Кристина Озимец

Истражувања

(Видео) Нафтениот тајкун и пратеник од ДУИ, Јахоски, му ја продал куќата на Таравари во Тафталиџе, комшии му се министри и бизнисмени

Објавено пред

Куќата во скопско Тафталиџе на Арбен Таравари, актуелен градоначалник на Гостивар и лидер на Алијансата за Албанците, по цена далеку пониска од пазарната му ја продал пратеникот од ДУИ, Исмаил Јахоски, кој пет мандати беше градоначалник на Пласница и чие семејство е сопственик на „Пуцко петрол“. „Макфакс“ дојде до официјалниот документ, кој покажува дека последниот сопственик на куќата во Тафталиџе пред Таравари да ја купи бил пратеникот Јахоски заедно со сопругата Љупка-Еда Јахоска.

dobivaj vesti na viber

Со купувањето на куќата, Таравари во соседството е опкружен со видни бизнисмени, но и политичари од партијата ДУИ. На неколку чекори од неговиот двор живее министерот за финансии, Фатмир Бесими. На истата улица кај Бесими куќа има и бизнисменот Фатмир Етеми, кој е поранешен пратеник од ПДПА, кој изгради деветкатница кај „Мајчин дом“ во Аеродром.

Иако му ја продаде куќата, семејството Јахоски останува прв сосед на Таравари оти Љупка-Еда Јахоска, според податоците од Катастарот, е сопственичка на соседната парцела.

Историјатот од Катастарот покажува дека Јахоска во 2013 станала сопственичка на куќата што денес ја поседува Таравари. Делела по една половина со Иса Јаоски. Во 2017 година делот од Иса Јаоски како дар го добил пратеникот Јахоски. По четири години, во 2021 година, врз основа на договор за купопродажба како сопственик е внесен Таравари.

Таравари во анкетниот лист истовремено ги пријавил куќата од 150 илјади евра и кредит од 100 илјади евра

Според анкетниот лист пријавен во Државната комисија за спречување корупција, Таравари за квадратен метар платил 576,5 евра, иако пазарната цена за квадрат надминува 1.500 евра и сега и во 2021 година кога била направена купопродажбата. Извештаите на Државниот завод за статистика (ДЗС) покажуваат дека и во 2019 година, две години пред Таравари да ја купи куќата, просечната цена на квадрат во Скопје била 1.000 евра, а од тогаш наваму цените се во постојан пораст.

Таравари смета дека цената од 150 илјади евра за 261 квадрат во Тафталиџе е реална и нагласува дека цените сега и пред две години се разликуваат

Таравари за „Макфакс“, сепак, тврди дека платил реална цена за куќата и не даде никаков коментар на обвинувањата за партиски пазар и сомнеж за корупција.

„Куќата е купена во јуни 2021 година со комплетно уредна документација. Пријавена е во анкетниот лист уште 2021 година, а според состојбата во која беше купена куќата во 2021 година, таа ѝ е реалната цена за тоа време. Инаку, цените на становите и куќите сега и пред две години се разликуваат“, рече Таравари.

Пратеникот Јахоски вели дека има обичен мобилен и не ги гледа пораките со прашања за купопродажбата

Пратеникот од ДУИ, Јахоски, не одговори на прашањата од „Макфакс“ зошто му направил попуст на Таравари и со тоа оставил простор за сомнеж за корупција и политички пазар, како што обвинува опозицијата.

„На седница сум“, рече пратеникот, кој самиот се јави во „Макфакс“ оти, како што рече, му стигнала празна порака, но спушти слушалка кога ги слушна прашањата што му беа испратени во пораката. Рече дека има обичен телефон и не гледа прашања, а не одговори ниту на прашањата испратени по имејл.

Таравари, истовремено, со купувањето на куќата за која навел дека вреди 150 илјади евра, во анкетниот лист пријавил и кредит од 100 илјади евра.

Државната комисија за спречување корупција ги истражува сите наводи во анкетниот лист на Таравари, вклучително и цената на куќата.

„Имаме предмет за Таравари, но сè уште се работи и во овој момент немаме исход што би можел да се соопшти“, вели Билјана Ивановска, претседателка на ДКСК, за „Макфакс“.

Управата за финансиска полиција, пак, како најповикана институција за следење на патот на парите и откривање криминал во функционерските кругови, една недела не одговара на прашањата од „Макфакс“ за цената што Таравари ја платил за куќата по јавно искажаните сомнежи за корупција ниту, пак, извести дали на кој било начин оформиле предмет за овој случај. Новиот директор на Управата, Горан Иванов, не контактира со медиумите, освен во случаи кога Управата преку соопштение, еднострано, ѝ се обраќа на јавноста. За случајот на Таравари, досега од оваа институција немаше соопштение.

Прикажи повеќе...

Истражувања

Разрешена директорка зела плата и го возела службениот автомобил

Објавено пред

Ексдиректорката на Државниот комунален инспекторат, Елизабета Јованчева, и разрешена зела плата, го возела службениот автомобил и потпишувала документи, а нејзините колеги сведочат и дека заминала на обука во Италија за која си зела и дневници. Инспекторатот сега судски бара ексдиректорката да врати 26.832 денари, што ѝ биле префрлени како плата по разрешувањето, а откако ќе ја добие пресудата за платата, ќе поведе постапка и за сите останати трошоци што ги направила во периодот по одлуката на Владата.

dobivaj vesti na viber

„Владата ја разреши Јованчева на 15 мај 2018 година, без образложение, со назнака дека одлуката стапува на сила веднаш, но таа си остана на функцијата до јуни. Место само за 15 дена од мај, таа си потпиша плата за цел месец. Одвреме-навреме доаѓаше и на работа. Кога ја прашавме зошто доаѓа и по одлуката на Владата, таа кажуваше дека чека официјално известување“, велат вработени во Инспекторатот кои сакаа да останат анонимни.

Инспекторатот бил без директор до август 2018 година кога Владата го назначила Зоран Маџовски за в.д. директор, но по само две недели го разрешила и него и за в.д. директор е назначен Сали Ајдини, кој сè уште е на функцијата. Со негов потпис, Државниот комунален инспекторат во октомври лани побарал од Јованчева да ги врати парите што ги добила како вишок средства со платата. Со истиот допис ја известиле ексдиректорката дека ако не ги врати парите, ќе почнат судска постапка.

Јованчева им одговорила дека барањето им е неосновано, па Инспекторатот побарал милење од Државното правобранителство. Правобранителството го прифатило барањето и го известило Инспекторатот дека случајот е испратен за постапување до Државното правобранителство во Штип, надлежно да постапува доколку е потребно да биде поведена судска постапка.

„Правобранителството нè извести дека подготвително рочиште за предметот е закажано за во март годинава. Нашиот став е дека поранешната директорка треба да ги врати парите за половина месец оти одлуката на Влада за нејзино разрешување стапи на сила веднаш и таа беше одјавена од социјално осигурување“, изјави директорот Ајдини за „Макфакс“.

Државниот комунален инспекторат во октомври лани побарал од Јованчева да ги врати парите што ги добила како вишок средства со платата

„Макфакс“ ја контактираше ексдиректорката Јованчева, но таа не сакаше да зборува за случајот.

Владата, која ја назначи и ја разреши Јованчева, не одговори на прашањата кое е образложението за нејзиното разрешување и зошто постојано дозволуваат Инспекторатот да е без директор.

„Во однос на кадровските прашања во Владата на Република Македонија, има комисија за кадровски прашања, која за секое лице поединечно ги проверува содржините на поднесената документација за да се провери дали ги исполнуваат условите за именување и соодветно на фактите, со потврдата за исполнување на условите за именување, Владата ги именува истите“, е коментарот на Владата како одговор на прашањата за смената на Јованчева.

Владата ја назначи за директорка Јованчева на 26 јануари 2018 година откако Инспекторатот беше три месеци без директор, оти дотогашниот стана градоначалник, а вработените беа без плата. Една од првите обврски на Јованчева беше потпишувањето на платата.

 

Прикажи повеќе...

Истражувања

(Видео) „Лимак“ и Градот ги изиграа скопјани, се гради хотел место прво да се изгради подземната сообраќајница

Објавено пред

Место прво да ја изгради подземната сообраќајница па потоа да ги гради содржините над земја, турската компанија „Лимак“ кај Стара железничка прво гради хотел. Зад „Рамстор“ веќе се гледа објект од приземје и четири ката, а во исто време на трасата на подземната сообраќајница видливи се само подготовки за градење. Овој проект е уште еден во низата проекти што имаат поддршка и од ВМРО-ДПМНЕ и од СДСМ. Во време на ВМРО-ДПМНЕ во 2012 година беше продадено државното земјиште, но се молчеше иако со години не се градеше, а властите од СДСМ, пак, лани наплатија комуналии за сите предвидени објекти и издадоа одобренија за градење и покрај мораториумот за градење во Центар.

dobivaj vesti na viber

Сега властите молчат за редоследот на градење. Обврската прво да ја изградат подземната сообраќајница на Турците им ја наметна поранешниот градоначалник на Скопје Коце Трајановски, веднаш по продажбата на земјиштето во 2012 година. Трајановски ги уверуваше скопјани дека Град Скопје склучил договор со Турците кој нема да дозволи тие да си ги изградат комерцијалните содржини над земја и да ја баталат подземната сообраќајница бидејќи се обврзале прво да ја изградат сообраќајницата, а дури потоа да почнат да ги градат другите содржини. Изградбата се одолговлекуваше со години, а кога веќе почнаа да градат минатата година, Турците покажаа дека приоритетен им е хотелот, спротивно на уверувањата на поранешниот градоначалник.

Иако објектот зад „Рамстор“ секојдневно расте, и од Град Скопје и од „Лимак“ велат дека не е прекршен договорот за изградба на подземната сообраќајница.

Од Градот тврдат дека е на сила договорот што го потпишал поранешниот градоначалник, но го сокрија кога „Макфакс“ со барање за пристап до информации од јавен карактер побара копија. Не одговорија на барањето и по истекот на законскиот рок од еден месец.

„Градот Скопје го нема променето договорот склучен помеѓу Град Скопје и ‘Лимак’ од 12.03.2012 година“, кусо одговорија од Градот на прашањето кога го смениле договорот што го обврзува „Лимак“ прво да ја изгради подземната сообраќајница, а потоа да ги гради останатите содржини со оглед на сегашната состојба на градилиштето зад „Рамстор“.

Од „Лимак“ избегнаа да одговорат директно на прашањето зошто не ја изградија подземната сообраќајница пред да почнат да ги градат другите содржини. Велат дека и покрај одолговлекувањето, ќе ги исполнат обврските од договорот потпишан во 2012 година.

„Според распоредот за изградба на ‘Лимак’, подземната сообраќајница ќе биде прва точка од проектот на ‘Лимак’, кој ќе се гради на парцелата 1.1. ‘Лимак’ прво ќе ја гради подземната сообраќајница на секвенци на парцелата 1.1 и ќе работи нагоре за да ги комплетира паркинзите, а дури потоа ќе почне со активности за изградба на станбените објекти и трговскиот центар кои е предвидено да се наоѓаат на ова место. Според инженерите, ова е сосема изводлив проект. Планирано и буџетирано е дека ‘Лимак’ ќе инвестира до 250 милиони евра за да го заврши овој проект“, изјавија од „Лимак“ за „Макфакс“.

Од компанијата се правдаат дека почнале да го градат хотелот зад „Рамстор“ оти заедно со локацијата го презеле и одобрението за градење што претходниот инвеститор го добил во 2008 година. Морале да почнат да градат оти биле обврзани во рок од десет години од издавањето на одобрението градбата да заврши. Поради истечениот рок за завршување на градбата „Лимак“ плаќа казна од два милиона денари месечно.

Официјално изградбата на комплексот кај Јужен булевар Турците ја почнаа лани во септември и најавија дека подземната сообраќајница ќе биде готова за 20 месеци, односно до средната на 2020 година. Ќе се гради прво потпорен ѕид од 17.000 квадратни метри околу сите парцели опфатени со проектот.

„Лимак“ на просторот кај Стара железничка станица покрај подземната сообраќајница најави изградба на мултифункционален комплекс со четири дваесеткатници, трговски центар, простор за рекреација, угостителски објекти и паркинг. Земјиштето со вкупна површина од 41.824 квадратни метри во 2012 година го купи за 3,7 милиони евра. Лани за комуналии на Град Скопје се обврза да му исплати 6,5 милиони евра на рати, а за 20 отсто помала сума треба да исплати на име комуналии и во Општина Центар.

Прикажи повеќе...

Најново

Македонија10 часа

Гордана Силјановска-Давкова: Однесувањето на ДУИ е врв на султанатот во Македонија

Денеска, во рамките на својата кампања за претседателка на Македонија, професор д-р Гордана Силјановска-Давкова, одржа говор во Берово. – Врв...

Свет11 часа

САД изгласа помош на Украина: Ова може да го промени текот на војната

Претставничкиот дом на американскиот Конгрес денеска го изгласа законот за дополнителна помош за Украина, дел од пакетот од 95 милијарди...

Македонија11 часа

Пендаровски: Јас сум ваш, вие сте мои, а сите заедно сме наши – ќе успеееме

Зборувајќи пред граѓаните на Василево, кандидатот за претседател Стево Пендаровски потенцираше дека Македонија веќе е горда на постигнатото, а со...

Македонија12 часа

Ковачевски: Само со ЕУ е можна реална и суштинска промена во нашето општество

Само со ЕУ е можна реална и суштинска промена во нашето општество. Само со ЕУ можеме да ги одобриме состојбите...

Македонија14 часа

Со полициски хеликоптер пренесен македонски државјанин од Унгарија до Скопје

Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до...

Македонија14 часа

Мицкоски: ВМРО-ДПМНЕ и Коалицијата ќе направат трансформација во Македонија, со „Платформа 1198“ ќе се решат проблемите на граѓаните

„Во очите на граѓаните има една желба да што побргу заврши сето ова кое што се случуваше шест и половина...

Македонија17 часа

Пендаровски: Прифаќам дебата со сите противкандидати

Кандидатот за претседател Стево Пендаровски ја прифати поканата на националниот јавен сервис за учество на дебата со сите противкандидати во...

Македонија17 часа

Коалицијата ВЛЕН најавува спектакуларен митинг во понеделник на плоштадот Скендербег – не добиле дозвола на митинг на Плоштад Македонија

Шефовите на изборната кампања на Коалицијата ВЛЕН денеска ја информираа јавноста за централниот митинг што ВЛЕН (ВРЕДИ) планира да го...

Свет17 часа

Лидерот на Хамас пристигна во Истанбул, ќе се сретне со Ердоган

Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува...

Македонија18 часа

Гордана Силјановска Давкова учествуваше на одбележувањето на 75 годишнината од крајот на Граѓанската војна во Грција и 76 годишнината од прогонството на Македонците од егејскиот дел на Македонија

Во организација на Сојузот на здруженијата на Македонците и децата бегалци од Егејскиот дел на Македонија МАКЕДОН, на 20 април...

Регион20 часа

(Видео) Силно невреме со поплави во Грција, Волос без струја

Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а...

Свет21 час

Десетгодишно дете призна дека убило човек пред две години, полицијата во Тексас во шок

Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им...

Македонија21 час

Изет Меџити од Берлин: Дијаспората ја совлада Југославија, ќе го совладат и ДУИ

Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората...

Свет21 час

Северна Кореја тестираше „супер голема“ боева глава за крстосувачка ракета

Северна Кореја денеска соопшти дека тестирала боева глава со „супер-голема“ крстосувачка ракета и нова противвоздушна ракета. Тестот за моќност на...

Македонија23 часа

Во вторник предизборен молк, до тогаш продолжува презентацијата на изборните програми

Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици...

Македонија23 часа

Пендаровски: Понудата на Мицкоски за коалицирање е знак на слабост

Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира...

Македонија23 часа

Силјановска-Давкова со 8 прашања, како граѓаните да се решат дали и за кого ќе гласаат на изборите 

Во својот говор на синоќешниот митинг во Крива Паланка професорката Горданa Силјановска -Давкова порача дека оваа власт не креира рационални политики,...

Македонија1 ден

(Видео) Понудата на Мицкоски за коалицирање е знак на слабост, рече Пендаровски

Кандидатот за претседател Стево Пендаровски вечерва од Бутел рече дека е легитимно и дека е демократски избор секој да коалицира...

Македонија1 ден

Ковачевски до Мицкоски: На Македонија и е потребно национално единство за интеграција во ЕУ, а не за мораториум

Вчера, Мицкоски зборуваше за некакво македонско единство и за мораториуми. За жал, се повеќе и повеќе луѓе сфаќаат дека единствен...

Македонија1 ден

(Видео) Силјановска -Давкова: Пендаровски на многу закони, а и на најважниот, Кривичниот законик не стави вето

„Осум години претседателот повикува на ветинг. Тоа значи или генерален реизбор или пак другата форма на ветинг, кога треба да...