Иднината на вработувањето се случува овде и сега – бидете дел!

Ако барате нова работа или шанса за почеток на вашата кариера, подгответе го вашето CV за првиот онлајн саем за вработување во Македонија – www.denovizavrabotuvanje.mk.

Саемот започна денес, а ќе трае во наредните осум дена. Организатор е Vrabotuvanje.com, во соработка со своите партнерски портали MojPosao (Хрватска), Infostud (Србија) и Posao.ba (БиХ).

На саемот учествуваат 83 реномирани компании од Македонија, Хрватска, Србија и Босна и Херцеговина. Се што ви треба за да ги посетите штандовите на било која од нив е пристап до интернет. Саемот е достапен за сите, од секаде и посетата е целосно бесплатна.

Саемот годинава бележи рекорден број на огласи и изложувачи, па за да можете полесно да се снајдете во пребарувањето истите се поделени во четири тематски капсули: Трговија, ИКТ, Финансии и Образование.

Покрај можноста да аплицирате за некои од вкупно 550 слободни позиции во било која од 4те земји учеснички на саемот, лесно може да стапите во комуникација во реално време со претставник од компанијата, користејќи ја опцијата чат.

Освен тоа, сите учесници на саемот имаат можност да учествуваат во виртуелниот настан “Лов на богатство“ кој може да им донесе вредни награди, како што се: iPhone X 64 GB, Лаптоп LENOVO V130, Електричен тротинет XIAOMI M365 и Спортски часовник HUAWEI GT Active.

Штандовитте на А1 Македонија, Кроациа Осигурување – Живот, Teleperformance, НЛБ Банка, Македонски Телеком, Van Hool, Apave, Asseco, Kromberg & Schubert, Lactalis, Marquardt, Kessler, Nelt ST, ParkLand Hospitality Group, Vrabotuvanje.com и голем број други компании во регионот се отворени и ве очекуваат на www.denovizavrabotuvanje.mk.

(ПР-текст)

„1ТВ“ досега нема побарано да се изврши промена на сопственоста, соопшти Агенцијата за аудио и аудиовизуелните медиумски услуги. Од таму појаснуваат дека во согласност со Законот за аудио и аудиовизуелните медиумски услуги, радиодифузер, вклучувајќи ја и „1ТВ“, не смее да направи промена на сопственичка структура пред таа да биде одобрена од страна на Агенцијата.

Воедно, додаваат од АВМУ, Централниот регистар не треба да впишува промена на сопственичката структура, без одлука на Агенцијата со која се дозволува планираната промена.

„Досега од Агенцијата ниту е побарана ниту е одобрена промена на сопственичката структура на ‘1ТВ’“, се наведува во соопштението.

Изминатиот период, велат од таму, имајќи ги предвид последните случувања поврзани со „1ТВ“, Агенцијата почна низа активности за утврдување дали оваа телевизија ги исполнува условите и обврските утврдени во законот и во дозволата за телевизиско емитување. Покрај проверката на посебните минимални просторни и кадровски услови, како и исполнувањето на програмскиот концепт за кој е доделена дозволата, се наведува во соопштението, Агенцијата е во координација и со Министерството за внатрешни работи во врска со одредени аспекти од работењето на оваа телевизија.

Градоначалникот на општина Аеродром, Златко Марин, денеска изврши увид во градежните активности на новиот паркинг што се наоѓа во непосредна близина на детската градинка „Бубабара“ во Ново Лисиче.

Изградбата на овој паркинг-простор, со кој се обезбедуваат 50 нови паркинг-места, е во завршна фаза. Паркингот е адаптиран на посочениот простор и притоа се зачувани дрвјата на постојната локација.

Со неговата изградба се решава долгогодишниот проблем на жителите од околината. Општина Аеродром во изминатиот период исто така ги прошири паркинзите на три локации во непосредна близина на булеварот Видое Смилевски-Бато.

Општината продлжува со реализација на инфраструктурни проекти за проширување на постојните и изградба на нови паркинзи на ниво на целата територија.