Основниот кривичен суд Скопје информира дека вработен во судската писара, а за кој биле објавени информации дека е позитивен на ковид-19, веднаш бил тестиран за коронавирус и дека резултатот е негативен.

„ Посочениот колега веднаш беше упатен на тестирање и по добиените резултатит истиот е НЕГАТИВЕН НА ВИРУСОТ, за што до управата на судот е доставен и резултатот од тестирањето.

Како суд апелираме до медиумите и сите останати субјекти кои лиферуваат информации на порталите и социјалните мрежи за судот, да ги проверуваат информациите пред нивно објавување. Судот се залага за транспарентно и отчетно работење и има одлична соработка со поголем дел од медиумите. Но, потребно е да се напомене дека секоја непроверена и неточна информација освен што наштетува на угледот на институцијата може негативно да се одрази и на некои недолжни колеги или граѓани како во овој случај.

Досега неколку пати ја информиравме јавноста дека како суд строго се придржуваме до препораките за заштита од вирусот. Судниците и судските простории редовно се дезинфицираат, на вработените и странките кои влегува во судот им се мери температурата со безконтактни уреди, секој е должен да носи заштитна маска и ракавици, се одржува растојание на присутните во судниците, канцелариите и писарниците, а сите вработени кои се хронично болни, самохрани родители или чуваат дете помало од 10 години се ослободени од работа.

До овој момент ниту еден вработен не пријавил дека имал котакт со заболен и дека му е дадена препорака за самоизолација, а доколку некој пријави дека е позитивен на вирусот судот ќе ги преземе сите мерки согласно напатствијата на здравствените власти“ се наведува во соопштението од судот.

Клиниката за психијатрија активно е вклучена во борбата за справување со коронавирусот и отворени се повеќе телефонски линии за психолошка поддршка.

Оттаму најавуваат дека во наредниот период ќе се организираат и повеќе активности за превенција и заштита на менталното здравје.

Во моментов оваа установа е координатор на меѓународно истражување за менталното здравје на населението за време на мерките за контрола на пандемијата.

Истражувањето се спроведува во повеќе европски земји, а глевен координатор е италијанското здружение за социјална психијатрија „Societa Italiana di Psichiatria Sociale“.

Оваа студија се спроведува со цел проценка на влијанието на пандемијата на Ковид-19 и воведениот карантин врз менталното здравје кај нашето население, со цел да се развијат соодветни здравствени интервенции.

Истражувањето до кое може да пристапите на следниов линк е доброволно, анонимно и информациите ќе бидат третирани како доверливи и во согласност со постоечките закони, информираат од Клиниката за психијатрија.

Времето денеска претпладне ќе биде сончево со мала до умерена облачност и со слаб до умерен ветер од западен и северозападен правец. Во пладневните часови ќе има извесно зголемување на облачноста со изолирана појава на краткотраен локален дожд. Минималната температура ќе биде од 4 степени, а максималната до 25 степени Целзиусови.

Во Скопје слично време, со температури од 9 до 23 степени.

И наредните денови претпладе ќе биде сончево со мала до умерена локална облачност. Во попладневните часови ќе има нестабилна облачност проследена со пороен дожд и грмежи.