Македонија
Демократски е ставот на Заев за одбрана на Анѓушев, но Ковачевски ги охрабри институциите да постапат и да побараат информации од САД
![](https://makfax.com.mk/wp-content/uploads/2023/12/zaev-angjusev-kovacevski-1.jpg)
Одбраната од експремиерот Зоран Заев за поранешниот вицепремиер Кочо Анѓушев откога САД го стави на црна талиста, сегашниот премиер Димитар Ковачевски вели дека е легитимен и демократски став. Тој не сакаше да ги коментира ставот на Заев и влијанието на тој став врз партијата СДСМ, но ги повика домашните институции, доколку сметаат дека е потребно, да побараат информации од институциите во САД.
„САД се наш стратешки партнер. Тие своите одлуки ги носат врз основа на информации и процедури што се спроведуваат во нивните институции. Јас во тоа не можам да навлегувам ниту, пак, имам информации. Ставовите на секого во ова демократско општество се легитимни, не би можел да дадам дополнителни коментари. Сепак, се работи за одлука на САД. Имаше и брифинг од нивата амбасадорка во Скопје. Она што останува е во согласност со нашите процедури во Северна Македонија, од наши институции, доколку сметаат дека има потреба да може и да побараат информации од институциите на САД во однос на процесите што тие ги водат“, рече премиерот Ковачевски по промоцијата на монографијата „Сојуз на борците од НОАВМ и граѓаните (1948-2023)“.
Реакција од домашните институции за Анѓушев побара и министерката за одбрана, Славјанка Петровска. Таа во ставањето на Анѓушев на црната листа не гледа задна намера од САД, туку смета дека е порака доашните институции да направат дополнителни проверки.
Во одбрана на Анѓушев отворено застана само поранешниот премиер Зоран Заев. Тој пред два дена ѝ се спротивстави на американската амбасадорка Анџела Агелер и во писмо до медиумите рече дека Кочо Анѓушев и неговиот тим биле едни од најпосветените и најспособни луѓе во Владата во периодот додека тој бил премиер.
САД на почетокот на месецот ги стави на црната листа поранешниот вицепремиер Кочо Анѓушев, неговата сопруга и двете деца поради значителна вмешаност во корупција. Амбасадорката Агелер, пак, оваа недела, на брифинг со неколкумина новинари рече дека за Анѓушев имаат цврсти докази во повеќе случаи и најави дека на листата ќе се најдат нови лица од Македонија. Агелер рече дека во земјата има епидемија на корупција, но изостанува реакција кај судската и извршната власт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.