Македонија
(Видео) Заканата за блокирани граници нема да го натераат Бесими да им го даде додатокот на цариниците
![](https://makfax.com.mk/wp-content/uploads/2023/06/Screenshot-2023-06-14-at-12.17.33.jpg)
Петочниот протест на вработените во Царинската управа нема да го натера министерот за финансии, Фатмир Бесими, да им го исплати додатокот од 30 отсто. Тој посочи само дека се работи на методологија, која ќе важи за сите во однос на општиот колективен договор. Прашан кога ова решение ќе биде договорено – тој немаше одговор.
„Ние сме во преговори. Три страни преговараат во економско-социјалниот дијалог. Ние стоиме на принципиелниот став дека се работи на потпишување и усогласување општ колективен договор, кој ќе важи за сите во јавниот сектор. Се водат преговори во однос на тоа. Вториот став, кој е принципиелен, е дека се воспоставува системска методологија, системско право на вработените во јавниот сектор во однос на тоа што значи заштита од инфлација и следење на продуктивноста. Ова се дискутира и она што ќе биде таму ќе важи за сите“, рече Бесими.
Тој посочи дека има раст на платата во јавниот сектор. Прашан дали решението што го договара Владата со синдикатите ќе биде готово до крајот на годината, немаше конкретен одговор.
„Сега јас не можам да прејудицирам. Се водат преговори со сите синдикати. Таму ќе го решиме тоа“, рече Бесими прашан кога ќе биде готово ова решение.
Царинската управа излегува на протест, а вчера на протест беа излезени и судските административци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.