Од ЕВН Македонија АД известуваат дека денеска без електрична енергија ќе останат:

– во периодот од 09.00 до 13.00 часот, корисниците од дел улицата 24, корисниците после ТС Ицемак во општина Аеродром;

– во периодот од 09.00 до 12.00 часот, корисниците од дел од улиците Ловќенска 1, Ловќенска 2, Ловќенска 3 и Ловќенска 9 во општина Карпош.

Од ЈП Водовод и канализација известуваат дека денеска поради дефект на приклучна цевка ф-1“ на ул. Варшавска 62б, прекинато водоснабдување ќе имаат корисниците на дел од истата улица, односно потегот од ул. Виенска до ул. Лондонска.

Водоснабдувањето ќе биде прекинато од 10:00 часот до завршување со санација на дефектот. (општина Карпош)

-поради изведување на водоводен приклучок ф-150 мм на ул. Скупи 3а/бб (спроти “ Олимпико“), прекинато водоснабдување ќе имаат корисниците на ул Скупи-крак 3а, 5а и место викано Криви Дол.Водоснабдувањето ќе биде прекинато од 09:00 часот до завршување со работните активности.(Општина Карпош)

Променливо облачно во западните делови од наутро со повремен дожд. Во текот на денот врнежите ќе се прошират во поголемиот дел од земјата, а ќе бидат пообилни во западните и северозападните делови, а ќе продолжат и преку ноќта . Ќе дува засилен до силен јужен ветер (наместа над 70 km/h). Минималната температура ќе биде во интервал од 1 до 8, а максималната ќе достигне од 12 до 17 степени.

Во Скопје променливо облачно од пладневните часови со повремени врнежи од дожд кои ќе продолжат и преку ноќта. Ќе дува повремено засилен јужен ветер. Минималната температура ќе се спушти до 2, а максималната ќе достигне до 16 степени.

Од утре до сабота под влијание на влажни воздушни бранови времето ќе биде променливо облачно со повремени врнежи од дожд. Во текот на ноќта кон четврток ќе има пообилни врнежи од дожд, а во петок и до сабота во пладневните часови врнежите повторно ќе бидат пообилни (и над 25 л/м²) и ќе преминат во снег понекаде и на пониските места. На планините и на повисоките места во западните и северните делови ќе се формира снежна покривка. До сабота ќе дува засилен до силен ветер (и над 70 km/h).