Македонија
Наредната недела ќе се бира нов состав на ДИК
Наредната недела ќе се бира новиот состав на Државната изборна комисија. Претседателот на собраниската Комисија за избори и именувања, Илија Димовски, за „Макфакс“ потврди дека во текот на идната недела ќе ја закаже седницата на која треба да се утврди листата со кандидати. Огласот за пријавување на кандидатите за членови, претседател и заменик-претседател на ДИК е одамна завршен, но партиите не можат да се усогласат за новиот состав.
Од СДСМ обвинија дека ВМРО-ДПМНЕ одолговлекува и го запира изборот на ДИК зашто ова тело ќе биде надлежно за спроведување на референдумот. Освен ВМРО-ДПМНЕ, останатите партиите веќе ги утврдиле своите предлози – Борис Кондарко, Јанакие Витановски и Радица Ристеска од СДСМ, Дитмире Шеху од ДУИ и Енвер Салихи како заеднички канидат на опозициската Беса и Алијансата на Албанците.
Оливер Дерковски и Светлана Карапетрова се имињата кои подолго време се вртат во јавноста како можни кандидати на опозициската ВМРО-ДПМНЕ, но од партијата сè уште нема потврда.
Во случај партиите да не успеат да се договорат и наредната недела, не се исклучува можноста седницата да ја закаже собранискиот спикер Талат Џафери. Рокот до кога треба Собранието да го избере новиот состав на ДИК е 17 јули. Мандатот ќе биде шест месеци, а Комисијата уште веднаш ќе треба да се зафати со задолженија за спроведување на референдумот, кој е најавен за наесен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Џафери за порасната трева околу Владата: Градоначалничката доби соодветен одговор со изборниот резултат, граѓаните гледаат и вреднуваат
Техничкиот премиер Талат Џафери по денешниот отчет за сработеното во првите 100 дена од Владата што ја предводи, даде објаснување за порасната трева околу Владата за што имаше многу реакции од граѓаните. Одговарајќи на новинарско прашање за тревата, Џафери објасни дека тоа е обврска на Град Скопје, па од таму и изборниот резултат на партијата што ја предводи градоначалничката на Скопје, Данела Арсовска.
„Разбирам дека има реакции по тоа прашање. Според процедурите и прописите, земјиштето е сопственост и во надлежност на Град Скопје. Според договореното и обврските, ‘Паркови и зеленило’ како јавно претпријатие што се грижи за изгледот на градот е надлежно и за оваа работа. Владата ниту има предвидено средства ниту, пак, може да предвиди средства за работи што се надлежност на друга институција. Во овој контекст, јас жалам што излезе вака, но, секако, и на изборите соодветен одговор доби и градоначалничката на градот Скопје во однос на изборниот резултат. Граѓаните гледаат, граѓаните оценуваат, вреднуваат и си го дадоа својот одговор“, рече Џафери.
Нова алтернатива, партијата која на изборите ја предводеше градоначалничката Данела Арсовска, освои 3.516 гласа, односно 0,35 отсто од гласовите на запишаните избирачи.
Македонија
(Видео) Џафери: Груби ниту е Влада ниту е партија
Ниту Европскиот фронт ниту ДУИ не повикува ниту, пак, мотивира на бојкот, беше оставено на слободната волја на граѓаните да ја изразат на гласачкото место, рече премиерот Талат Џафери на денешната прес-конференција.
Во однос на бојкотот на Артан Груби на вториот круг на претседателските избори, Џафери рече дека неговиот став е индивидуален и дека не став ниту на Владата ниту на партијата.
„Индивидуалните ставови не може да се претставуваат како генерални ставови на субјектот. Груби ниту е Влада ниту е партија. Јас имав изјава како премиер на избирачкото место и потврдив дека ги зедов двете ливчиња и гласав. Индивидуалниот став не е општ став по кој може да се извлече заклучок. Нека си е министер, индивидуа е во однос на Владата, не е став на Владата, ниту на партиските органи. Индивидуално може да каже што сака, тоа е слобода и на мисла и на изразување“, одговори Џафери и додаде дека не може да се повикува на одговорност.
Македонија
Главчев: Се надевам дека Северна Македонија ќе ја продолжи европската перспектива, повеќе нема да правиме отстапки
Се надевам дека Северна Македонија ќе ја продолжи својата европска перспектива. Од наша страна, немаме каде да правиме повеќе отстапки. Згора на тоа, позицијата што ја имаме е паневропска позиција.
Ова го изјави вршителот на должноста премиер на Бугарија, Димитар Главчев по победата на кандидатот на ВМРО-ДПМНЕ Гордана Силјановска-Давкова на претседателските избори во Северна Македонија, јави „БГНЕС“.
„Да почекаме да видиме каква влада ќе се формира во Северна Македонија“, рече привремениот премиер.
Главчев додаде дека Бугарија нема повеќе да прави отстапки во однос на пристапните преговори на РСМ во ЕУ и ставот што го имаат е паневропската позиција.
„На нашите пријатели од Северна Македонија мора да им биде јасно дека ако не ги почитуваат барањата за прифаќање членство во ЕУ, тоа нема да функционира“.