Контакт

Македонија

Села смета дека не треба референдум, ќе гласа воздржано

Објавено пред

Алијансата за Албанците нема да ја поддржи одлуката за распишување референдум, нејзините пратеници ќе гласаат воздржано.

„Јас сум еден од пратениците што овој процес го платија со крв. Референдумот не трба да опфаќа и договор, туку само името на државата. Алијансата смета дека не треба референдум, не навлегувам во тоа како е формулирано прашањето. Сепак, овој состав во Собранието ќе одлучи за уставни измени“, рече Села.

Во Собранието во тек е седницата за распишување одлука за референдум за името. Иницијативата беше поднесена денеска од пратениците од СДСМ, ДУИ и од Беса. Во предлог-одлуката е предложено референдумот да се одржи на 30 септември, тој да биде консултативен, а референдумското прашање да гласи: Дали сте за членство во ЕУ и НАТО преку поддршка на договорот помеѓу Република Македонија и Република Грција?.

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

СЈО засега не бара притвор за Мијалков по другите обвиненија

Објавено пред

Специјалното јавно обвинителство освен за случајот „Таргет-Тврдина“, засега нема побарано притвор за Сашо Мијалков по другите предмети кои се водат против поранешниот директор на Управата за безбедност и контрарузнавање. Во однос на тоа дали ќе има притвор за Мијалков по другите предмети, извори упатени во истрагата за Макфакс велат дека се зависи од одлуката на судот по жалбите на адвокатите за притворот на Мијалков.

Покрај обвиненијата за случаите „Таргет-Тврдина“ и „Империја“, Сашо Мијалков е обвинет и во предметите „Титаник 2“ за изборни нерегуларности, „Тортура“ за начинот на кој бил уапсен лидерот на Обединети за Македонија, Љубе Бошкоски и случајот „Трезор“ кој се однесува на злоупотреба на средства од Буџетот на РМ во висина од 862 илјади евра.

Во јавноста се шпекулира дека за поранешниот директор на УБК подоцна ќе се бара притвор за најновиот предмет на СЈО, „Империја“ за кој досега е притворен бизнисменот Орце Камчев како и сопственикот на „Пелистерка“, Цветан Панделески заедно со уште тројца соработници кои се поврзуваат фирмите на Камчев.

Сашо Мијалков од вчера вечер е во истражниот затвор „Скопје“ во Шуто Оризари по одлука на Основниот суд Скопје 1 Скопје, а по барањето на Специјалното јавно обвинителство. Како што дознава Макфакс, во решението на кривичниот суд за притворот на ексдиректорот на тајната полиција, за случајот „Таргет-Тврдина“ стои дека мерката му е определена поради опасност од бегство. Специјалното јавно обвинителство во барањето за притвор навело дека за обвинетиот имаат оперативни информации дека презема дејствија и активности со кои планира да се даде во бегство. Во решението на советот, сепак, не е наведено на кои околности СЈО ја темели ваквата претпоставка.

Засега СЈО не побарало да му биде замрзнат имотот на ексдиректорот на тајната полиција, со оглед на тоа што во решението за притвор за предметот „Таргет-Тврдина“, пишува дека правни и физички лица кои се поврзани со Сашо Мијалков поседуваат над 8 милиони евра имот.

Адвокатот на Сашо Мијалков, Антонио Апостолски денеска изјави дека ќе биде упатена жалба по одлуката на судот за одредување мерка притвор на обвинетиот. Тој исто така уште вчера потенцираше дека е недозволиво да се одреди мерка притвор без претходно да биде сослушан обвинетиот.

Виктор Јованов

Прикажи повеќе...

Македонија

Мицевски: Има простор за дебата, да се подобри нашиот предлог за амнестија

Објавено пред

Дали целта е вистинско помирување или порамнување, запраша координаторот на ВМРО-ДПМНЕ, Никола Мицевски, на прес-конференција истакнувајќи дека од неговата партија очекувале негативно мислење од Владата по однос на предлог-законот за аменстија на сите осомничени, обвинети и осудени за 27. април, зошто како што кажа тој, сè е претходно смислено сценарио.

Мицевски рече дека има можност за дебата, да се подобри нивното законско решение преку амандмани.

„Ние не поддржуваме насилство, тоа е немил настан, но она што го нуди  Телото за помирување е селективност во правда. Сепак, ако се донесат одлуки за неселективна правда, ние можеби ќе ги почитуваме“, истакна координаторот.

Мицевски додаде дека од неговата партија ќе чекаат да видат што конечно ќе понуди Телото, дали ќе се чека да завршат уставните измени или може и порано да почне процесот со цел да се заврши, како што кажа, агонијата на лицата обвинети за 27. април.

Вчера Владата даде негативно мислење на предлог-законот за аменстија на сите осомничени, обвинети и осудени за 27. април, предложен од ВМРО-ДПМНЕ. За овој предлог закон ќе се расправа на седницата во понеделник.

Прикажи повеќе...

Македонија

Заев-Самуелсен: Данска ги поддржува перспективите на Македонија во ЕУ и ја смета за добредојдена во НАТО

Објавено пред

Претседателот на Владата на Република Македонија, Зоран Заев, денеска се сретна со Андрес Самуелсен, министер за надворешни работи на Кралството Данска.

Министерот, Самуелсен, рече дека нашата држава е добредојдена во НАТО, дека Данска ги поддржува аспирациите на Македонија за членство во НАТО и Данска ги поддржува перспективите на Македонија во Европската унија.

Данскиот министер Самуелсен изрази надеж за успешни реформи во рамки на техничка подготовка за почеток на преговорите, во делот на владеењето на правото, како и резултати од законите што се носат во Парламентот. Исто така ги поздрави добрососедските односи на Македонија и Договорот со Грција, како дел од интеграциските процеси на нашата земја и како добар пример на решавање билатерални прашања.

Претседателот на Владата, Заев, соопшти јасна определеност на Владата кон реформите во важните области за интеграцијата на Македонија во ЕУ и НАТО и за квалитетот на живот на граѓаните во земјава. Премиерот Заев посебно ги објасни реформите што се прават во делот на правосудството и владеењето на правото, борбата против криминалот и корупцијата, професионалните безбедносни служби, медиумите, ефикасната јавна администрација.

„Фокусирани сме на изградба независни институции во држава. Посебно сме насочени кон обезбедувањето владеење на правото. Реформите ги правиме низ инклузивен процес. Свесни сме дека политичката стабилизација на државата и евро-атлантските интеграции значат и економски развој на државата и во таа насока ги преземаме сите чекори. Градиме добрососедски односи, што го покажуваат договорите со Бугарија и со Грција. Заокружувањето на уставните измени ќе го отвори патот на Македонија кон ЕУ и НАТО и очекуваме тоа да се случи, бидејќи огромното мнозинство граѓани во Република Македонија очекува евро-атлантска иднина на нашата држава“, рече премиерот Заев.

На средбата се разговараше за актуелни политички прашања во земјава и во регионот. Потенцирано е дека добрите односи меѓу државите се важен предуслов за развој на земјите на Балканот и на регионот во целина, како и дека е важно билатералните прашања да се затворат низ принципот на регионална стабилност и безбедност.
На состанокот, данскиот министер, Самуелсен, ја поздрави улогата на Македонија во бегалската криза. Премиерот Заев се заблагодари за принципиелната и мотивирачка поддршка од Кралството Данска на демократските процеси во Република Македонија.

Прикажи повеќе...

Најново

Македонија1 час

Унгарскиот министер за правда: Унгарија не може да го екстрадира Груевски, тој може да добие патнички документи

Унгарскиот министер за правда, Ласло Трочањи, за телевизијата „Еко“ изјави дека Никола Груевски може да аплицира за патнички документи како...

Македонија2 часа

Сијарто: Унгарските дипломати не го шверцуваа Груевски преку границите, тој имаше документи

Унгарскиот министер за надворешни работи, Петер Сијарто, денеска одржа прес-конференција на која рече дека Груевски морал да премине преку три...

Македонија3 часа

(Видео) Апостолски: Недозволиво е да се одреди мерка притвор без да биде сослушан обвинетиот

Денеска, го добивме решението за мерката притвор на Сашо Мијалков. Без да се повика на сослушување, недозволиво е на обвинетиот...

Македонија3 часа

Директорот на затворот „Скопје“: Мијалков е во ќелија со други затвореници, има право на посети и два часа прошетка

Нема наредба од судот за ексдиректорот на УБК, Сашо Мијалков, да биде спроведен на рочиштето за предметот „Таргет-Тврдина“ поврзан со...

Македонија3 часа

Хан очекува објаснување од Орбан за азилот на Груевски

Еврекомесарот за проширување, Јоханес Хан на Твитер објави дека доколку е потврдена информацијата дека Унгарија одобрила азил за Никола Груевски,...

Свет3 часа

(Видео) Напад во Денвер, едно лице загина, двајца напаѓачи се уапсени

Доцна синоќа во центарот на Денвер две лица отвориле оган при што неколкумина беа ранети, а едно лице загина. Шефот...

Свет4 часа

(Видео) Американскиот Сенат преку писмо побара од Трамп втора истрага за Кашоги

ЦИА не успеа со сигурност 100 %, да утврди дали саудискиот престолонаследник го наредил убиство на новинарот Џамал Кашоги, изјави...

Македонија4 часа

МЗД: Да се разреши составот на Комисијата која утврди дискриминација кон Груевски

Со утврдувањето дискриминација кон Никола Груевски, Комисијата за заштита од дискриминација покажа селективно и непрофесионално работење, смета Мрежата за заштита...

Македонија14 часа

СЈО барало притвор за Мијалков поради оперативни информации дека ќе бега

Во решението на кривичниот суд за притворот на ексдиректорот на тајната полиција, Сашо Мијалков, пишува дека мерката му е определена...

Македонија16 часа

Адвокатот на Мијалков: Недозволиво е што тој не беше известен за притворот

Недозволиво е судија на претходна постапка или кривичен совет да не ја извести странката, во случајов Сашо Мијалков, дека за...

Македонија17 часа

(Видео) Мијалков спроведен во затворот во Шуто Оризари

Поранешниот шеф на УБК, Сашо Мијалков, вечерва е спроведен во истражниот затвор во Шуто Оризари поради опасност од бегство, велат...

Македонија18 часа

Владата го одби предлог-законот за амнестија предложен од ВМРО-ДПМНЕ

Владата на денешната владина седница донесе негативно мислење за предлог-законот за амнестија за настаните од 27 април. „Владата донесе негативно...

Uncategorized21 час

Амнестија во текот на судскиот процес, прекин на постапката за тие што не тепале на 27 април?

Кој ќе се спаси од кривична одговорност за инцидентите од 27 април, најверојатно ќе се утврдува според обвинителниот акт, односно...

Македонија21 час

Влада: Очекуваме Будимпешта да го предаде Груевски во Македонија

Владата соопшти дека официјално покрај протестната нота доставена вчера за улогата на амбасадите на Унгарија во бегството на Груевски од земјата,...

Бегството на Груевски22 часа

Груевски: Добив азил во Унгарија, продолжувам да ја барам правдата

Поранешниот премиер Никола Груевски, на неговиот „Фејсбук“ профил, ги потврди информациите дека добил политички азил во Унгарија. Тој себе си...

Македонија22 часа

Кривична за директор на јавно претпријатие кој незаконски си зел аванси од над 2 милиона денари

Гевгелиската полиција поднесе кривична пријава против 29-годишен директор од Дојран поради сомнение за сторено кривично дело „проневера во службата“. Како...

Бегството на Груевски23 часа

Министерството за правда го испрати барањето за екстрадиција на Никола Груевски

Министерството за правда го испрати барањето за екстрадиција на Никола Груевски до Министерството за правда на Република Унгарија. „Барањето за...

Македонија1 ден

Сведокот ги препозна двајцата напаѓачи што го претепаа Никола Саздовски

На денешното рочиште за убиството на 20-годишниот навивач на групата „Комити“ повеќе од два часа сведочи сведокот Миле Алексовски, кој...

Свет1 ден

(Видео) Девојка со српско потекло меѓу убиените во Чикаго

Една од трите жртви на пукањето во болницата „Мерси“ во Чикаго е 25-годишна девојка со српско потекло, пишуваат српските медиуми....

Македонија1 ден

При апсењето на Бошкоски пронајдени се пиштол и хрватски пасош

Денешното рочиште за случајот „Тортура“, кој се однесува на апсењето на претседателот на партијата ОМ, Љубе Бошкоски, продолжи со репродуцирање...

Досие