Лидерот на ДУИ, Али Ахмети во друштво на Артан Груби, во среда попладне пристигна во резиденцијата на претседателот Ѓорге Иванов, на консултации, што е прв пат откако Иванов е претседател, затоа што не го признава неговиот легитимитет.

Кај Иванов, денеска се одржуваат консултации со сите парламентарни политички партии, откако во законскиот рок, мандатарот Никола Груевски, лидер на ВМРО-ДПМНЕ, по предвремените парламентарни избори одржани на 11 декември, не успеа да состави влада.

Најпрво на средба беа претставници на движењето БЕСА, по кој лидерот Билал Касами не даде изјава, само рече дека „топката“ е во Собранието.

Од партијата не сакаа да дадат изјава за што се разговарало, само кратко рекоа дека „топката“ е во Собранието и оној кој ќе обезбеди мнозинство тој ќе формира Влада.

Иванов продолжи со средба со претставници од Алијанса за Албанците, а и Зијадин Села од Алијансата по завршување на средбата рече дека нема коментар.

Претседателот продолжи со средба со лидерот на ДУИ, а во 16 часот Иванов има средба со лидерот на СДСМ Зоран Заев, додека во 17.30 часот ќе се сретне со претседателот на ВМРО-ДПМНЕ, Никола Груевски.

На консултации со претседателот Иванов, како што информираат од неговиот кабинет, поканети се и претставници на ДПА.

Имено, по одржувањето на предвремените парламентарни избори, мандатот да состави влада го доби лидерот на ВМРО-ДПМНЕ, Никола Груевски, чија партија освои 51 пратеничко место, додека СДСМ освои 49 мандати. Груевски не успеа да формира влада откако не се договори со досегашниот коалициски партнер ДУИ, партија која има 10 пратенички мандати и се која се стигнува до бројка за парламентарно мнозинство. Од друга страна пак, на изборите 5 мандата доби новоформираното албанско движење БЕСА, 3 мандата Алијансата на Албанците на Зијадин Села и 2 мандата освои ДПА, чиј претседател Мендух Тачи пак, си даде оставка на функцијата поради слабите резултати на изборите. /крај/мф