Македонија
Арслани: Не покажаа ништо во судницата, па сега сакаат да се пресметаме надвор од неа
Мефаиљ Арслани, адвокатот што го застапува пратеникот од ДУИ, Ејуп Аљими, во случајот на СЈО за изборни нерегуларности „Титаник 3“, за кривичната пријава што обвинителот Гаврил Бубевски денеска ја поднесе против него, вели дека обвинителите од СЈО во судницата не покажале ниту еден аргумент со кој го поткрепуваат обвинението, па сега се обидуваат да се пресметаат со него надвор од неа.
„Не дозволуваат професионално да си ја водиме работата. Нашата арена е во судот со правни аргументи во предметот. Во случајот што тие го застапуваат не приложуваат ниту еден аргумент и одеднаш излегува нешто небулозно. Доколку, како што велат, заканите биле лани, зошто сега се кажува. Не знам дали сакаат да се прикажат како жртви и да се изврши притисок врз судот“, вели Арслани за „Макфакс“.
Адвокатот на Аљими и понатаму тврди дека не упатил никакви закани до Бубевски. Тој вели дека од изјавите на обвинителите може уште веднаш да се заклучи дека тој не се заканувал.
„Првин рекоа дека заканите биле во судот, па во ходниците на судот, па на крајот излезе кај ‘Мавровка’. Ако јас сум се заканил. се знае како се постапува, се повикува полиција, се прави записник. Требало да биде пријавено тоа, од лани до сега сме имале многу рочишта, никој не спомена такво нешто“, рече Арслани.
Адвокатот вели дека не е воспитан да ги дели луѓето на етничка, верска или каква било основа. Тој изјави дека остава на судот да утврди дали се вистинити обвиненијата дека упатил закани до Бубевски.
„Ниту сум воспитан така ниту скроен да се заканам и да ги делам луѓето на таков начин. Сите со кои работам во мојата канцеларија се Македонци, пораснав во Скопје со Македонци, оставам на судот да утврди дали тоа е вистина или не“, вели Арслани.
Во неа стои дека додека сведокот А.И. го управувала возилото во кое се наоѓала обвинителката Фатиме Фетаи обидувајќи се да пронајде паркинг-место, го здогледале Мефаиљ Арслани. Сведокот го отворил прозорецот за да го поздрават и му рекле „Добар ден, Мефо, што правиш, како си“, при што адвокатот Арслани со висок и агресивен тон одговорил: „A бе, еве, не знаеме што да ѝ правиме на оваа пошто е наша (покажувајќи со рака кон Фатиме Фетаи), а на тој каурот матер ќе му расплачеме, фамилија ќе му е*еме“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.