Македонија
(Видео) Кичевски: Наместо за тендери во Скопје, Мицкоски и ДПМНЕ да го решат хаосот што го создадоа
За само една година локална власт, ВМРО-ДПМНЕ го направи она што најдобро го знае, хаос во градот Скопје. Граѓаните за една година власт од ДПМНЕ добија блокади на сите страни, блокиран Јавниот транспорт, блокиран проект за прочистителна станица, блокирана Универзална сала, 0 развој, 0 проекти, изјави Васко Кичевски, претседател на градска огранизација на СДСМ – Скопје.
Според Кичевски, одговорноста за катастрофата што му се случува на Скопје е само на ВМРО-ДПМНЕ.
„ Тие ја кандидираа Данела Арсовска за градоначалник на град Скопје и ја добија подршката од граѓаните, но не само за градоначалник туку и за мнозинство во советот, претседател на совет, а следствено на тоа и членовите на управните одбори. Сите до еден се во тесна релација со ВМРО-ДПМНЕ и Христијан Мицковски и одговорноста за хаосот е само нивна.
И наместо да бара решение, Христијан Мицковски повторно изиграва шпицен градоначалник, раскажува постапки за тендери и кажува како треба да се реализира тендер за набавка на гориво за потребите на ЈСП. Штом се споменат тендери, провизии, рабати, ете го Мицко дава насоки како да се реализираат“ рече Кичевски.
Тој додаде дека Мицковски и ДПМНЕ ги имаат сите механизми да го сопрат хаосот во Скопје и да ги прекинат блокадите на главниот град.
„ Наместо да се занимаваат со тендери и јавни набавки, нека седнат во белиот дворец и нека почнат да работат за да ги прекинат блокадите. Скопјани не заслужуваат блокиран град кој наместо да се развива, стагнира“ порача тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.