Македонија
(Видео) Ковачки: Магиите на Тунџев не помогнаа, постои хациенда на земјиште кое до 2020 година било во сопственост на Петровска
На вчерашната прес конференција Петровска призна дека била сопственик на парцела која ја продала пред 10 години. Демантот на оваа информација на Петровска стигна од директорот на Катастар кој јавно изјави дека земјиштето било продадено во текот на 2020-та година, изјави на денешната прес-конференција пратеникот од ВМРО-ДПМНЕ, Драган Ковачки.
„ Значи парцелата не била продадена пред 10 години туку пред не цели 2 години. Дали парцелата која неспорно е сопственост на Петровска била пријавена во Анкетниот лист, која била должна да ја пријави? Секако не? Зошто?
Сега за втората лага.
Незадоволни од изјавата на Петровска СДСМ одлучи доцна вечерта да го активира и директорот на катастар со задача да и биде спасител, односно да ја убеди јавноста дека на лице место не постои објект.
Ако пет години директорот на катастар спие не значи дека Google спие. Во прилог ви прикажувам слики од кои може да се види целата историја на објектот. На првата слика може да видите дека до 2007 година на парцелата не постои никаков објект. На следната слика може да се види дека во 2009 година без никаква градежно техничка документација министерката Петровска гради објект. Значи на снимката од Google за првпат е регистриран објект на парцела која неспорно е сопственост на министерката Петровска.
Токму во овој период е и систематското запишувања на правата на недвижности од страна на катастарот, кој согласно правилниците кои се објавени во Службен весник, Петровска била посетена од службениците, ги пуштила да влезат во објектот истите ја измериле внатрешната површина и им соопштила дека таа е сопственик на објектот, истите тоа го запишале и ја повикале градежната дозвола и проектот за објектот треба да ги донесе во катастар“ изјави Ковачки.
Според него, доказ за тоа е Пописниот лист за објект, кој до ден денес постои во катастарската евиденција. Пописниот лист е доказ дека Славјанка Петровска не поседува градежнотехничка документација односно на нејзината парцела изградила дивоградба.
„ Според Google во 2012-тата година покрај куќата Петровска гради и базен! Да потсетам само дека во 2011-та година по донесувањето на Законот за легализација на дивоградбите, донесени се измени на Кривичниот законик каде бесправното градење е кривично дело. Значи ова е првото кривично дело. Според Google во 2016-тата година Петровска гради помошен објект кој исто така е дивоградба, значи уште едно кривично дело бесправно градење.
Магиите на директорот Борис Тунџев не помогнаа, на лице место постои хациенда изградена во периодот од 2009-та до 2016-тата година на земјиште кое до 2020-та година било во сопственост на Петровска. Во катастарската евиденција до ден денес се води дивоградбата на име на Петровска, а таа ниту земјиштето, ниту објектот не го пријавила во антикорупциската комисија, и можеби најважното до последните избори од минатата година 2021 година место на живеење на Петровска е токму овој објект односно оваа луксузна хациенда и истата гласа на избирачко место бр. 2948/1 токму во Радишани.
Овде имаме многу јасна ситуација – има хациенда со базен, која во системот на Агенцијата за катастар е запишана на име на Славјанка Петровска. Тој податок е актуелен и не е променет. Еве го деталниот преглед на податоци за имотниот лист број 117, кој постои во системот на Катастар, и од кој јасно се гледа името на Славјанка Петровска.
Петровска после ваквиот чин на прикривање на сопствениот имот и служејќи се со манипулации и навреди кон оние кои ја зборуваат вистината докажува дека бега од одговорност. Јавноста чека одговорност од Петровска, а потоа таа треба да остане доследна на своите ветувања и да каже кога ќе ја подари луксузната хациенда на здруженијата на бранителите“ порача Ковачки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
И Фетаи го напушта Таравари: Нема враќање како ништо да не било, ДУИ ќе се соочи со вистината
Заменик-претседателот на Владата задолжен за добро владеење и висок функционер на Алијансата за Албанците, Арбен Фетаи, со емотивна порака им се обрати на членовите, симпатизерите и поддржувачите на партијата, нагласувајќи дека оваа политичка структура не е само партија, туку чувар на идеал и кауза која никогаш не се предала.
„Вие што ја изградивте оваа Алијанса со труд и посветеност, дури и кога сè беше против нас. Вие што бевте прогонувани поради вашите политички убедувања и не се предадовте повеќе од 20 години. Вие што не дозволивте Алијансата да стане алатка за лични интереси“, истакна Фетаи.
Во обраќањето, тој посочи дека се доближува момент на историска одлука и дека членството и гласачите јасно бараат правда, чист пат и достоинствена иднина.
„Не можеме да живееме во минатото. Мора да ја изградиме иднината со истрајност и достоинство“, порача Фетаи, додавајќи дека не смее да се дозволи враќање на Демократската унија за интеграција (ДУИ) „како ништо да не се случило“.
„ДУИ мора да се соочи со вистините што ги избегнуваше две децении. Ова не е борба за поединец, ова е борба за достоинството на сите нас“, рече тој.
Фетаи порача дека неговиот глас е гласот на членовите и на сите оние што не се предаваат и не се продаваат:
„Ние сме гласот на патот на Арбр. А тој пат никогаш не минува преку Али Ахмети или преку некој што не ѝ го посакува доброто на нашата заедница.“
Обраќањето заврши со порака за гордост, истрајност и непокорност:
„Ви благодарам на сите. И останете горди.“
Македонија
„Национални шуми“ превентивно расчистуваат терени и прават обрачи против пожари
Вработените во Јавното претпријатие „Национални шуми“ активно расчистуваат шумски терени и поставуваат заштитни обрачи со механизација, во обид да се спречат катастрофалните пожари какви што ја зафатија земјата минатото лето, кога изгореа илјадници хектари шума, а беа уништени животи на дивеч и птици.
Заменик-директорот на претпријатието, Кире Михаилов, објаснува дека оваа пракса веќе дала резултати.
„Лани, со поставување на заштитни обрачи успеавме да спречиме целосно опожарување на неколку села под планината Серта“, изјави Михаилов.
Во тек се активности за расчистување на постојните шумски патишта, нивна санација, како и отворање нови пристапи до ризичните зони.
„Тоа значи правење на заштитни обрачи за заштита од евентуални пожари“, додава Михаилов.
Паралелно, се работи на изготвување Национална стратегија за заштита од пожари, преку владини работни групи. Михаилов признава дека ниту една институција во државата досега не била целосно подготвена да се справи со огнената стихија.
„Стратегијата ќе предвиди набавка на нова опрема и возила, бидејќи состојбата е алармантна – нашите луѓе лани гаснеа пожари буквално со влечки, без соодветна опрема, без обезбедено здравствено покритие“, потенцира тој.
Според податоците на Европскиот информациски систем за шумски пожари (Коперник), во текот на минатата година во земјава биле опожарени над 94.000 хектари површина.
Македонија
ДУИ: Мицкоски ја дели албанската заедница и ја враќа државата во деведесеттите
Демократската унија за интеграција (ДУИ) остро реагираше на последното јавно обраќање на премиерот Христијан Мицкоски, обвинувајќи го за, како што велат, опасна и дискриминаторна реторика насочена кон албанската заедница.
„Премиерот Мицкоски повторно се впушта во реторика која го дели општеството и ги понижува Албанците, определувајќи кој е ‘прифатлив’, а кој не. Ова потсетува на мрачната политика на Милошевиќ од деведесеттите“, се вели во реакцијата на ДУИ.
Според партијата, наместо да се фокусира на реформите, економијата и евроинтеграциите, Мицкоски продолжува со националистичка агенда „која создава подредени, послушни и неми Албанци“.
ДУИ предупредува дека ваквиот пристап не само што е штетен, туку веќе произведува обратен ефект – политичко обединување на Албанците, без разлика на нивните партиски разлики, со цел да го одбранат достоинството и политичката автономија на својата заедница.
„Остатоците од Вреди кои сè уште се на функции благодарение на Мицкоски треба да се запрашаат – дали сакаат да бидат соучесници во оваа политика на поделби?“, прашуваат од ДУИ.
Партијата завршува со порака до власта дека граѓаните се будат и се подготвени да го кажат својот став на претстојните избори, какви и да бидат тие.
Путин: Ќе ставиме крај на војната под наши услови
Рускиот претседател Владимир Путин изјави дека крајната цел на специјалната воена операција во Украина е воспоставување на долгорочен и одржлив...
Мицкоски најави чистка по конгресот: Ќе останат само оние што работат за граѓаните
По одржувањето на редовниот партиски конгрес на крајот на годинава, или најдоцна на почетокот на 2026 година, ќе следува голема...
Папата Лав XIV: Ќе работам на единството, Црквата да биде симбол на мирот во светот
На инаугуративната миса одржана денеска на плоштадот „Свети Петар“ во Ватикан, новоизбраниот папа Лав XIV вети дека ќе се залага...
Пратеникот Сулејмани поднесе оставка: Не сакам да бидам дел од компромис со луѓе на црни листи
Пратеникот Салим Сулејмани денеска ја информираше јавноста дека поднесува оставка од сите партиски функции во рамки на Алијансата за Албанците,...
(Видео) Осум часа агонија во Киев, Русите лансираа дури 273 дронови, има и жртви
Во продолжениот ноќен напад со руски беспилотни летала загина жена во регионот на главниот град Киев и беа повредени најмалку...
Два земјотреси утринава ги разбудија граѓаните на Охрид и на Струга, епицентарот во Пештани
Два земјотреси со епицентар во подрачјето Пештани–Охрид–Струга беа регистрирани рано утринава од страна на Сеизмолошката опсерваторија при Природно-математичкиот факултет во...
МЕПСО: Прекинот на струја е поради европски проблем со висок напон, системот е стабилизиран
Во раните утрински часови денеска, делови од земјава се соочија со краткотраен прекин во напојувањето со електрична енергија, откако дојде...
Половина Македонија се разбуди во мрак, граѓаните бесни чекаат одговори
Голем број граѓани од различни региони на Македонија утрово пријавија неочекуван прекин на електричната енергија, кој започнал нешто по 5...
Наутро минус, а попладне пролет
Неделата ќе започне со утрински температури од -1 до 8 степени, при што во повисоките места и на планините ќе...
Трамп пресече: Понеделник ќе биде „Денот Д“
Американскиот претседател Доналд Трамп изјави дека ќе разговара телефонски со рускиот претседател Владимир Путин во понеделник, 19 мај. Разговорот со...
Таравари: Не сме навикнати да бидеме декорација, така беше во Владата
Арбен Таравари, поранешниот министер за здравство, ја објасни својата оставка во интервју за албанската телевизија МЦН. Како причина за напуштањето...
Ноќва ќе се смрзнеме, УХРМ предупредува за минусни температури
Наспроти најавите за потопло време, Управата за хидрометеоролошки работи (УХМР) предупредува дека ноќва и утре изутрина температурите во некои делови...
„Шахтерм“ ќе инвестира 50 милиони во Скопје, прва фабрика надвор од Турција
Со поставување камен темелник денеска официјално започна реализацијата на инвестицијата на турската компанија „Шахтерм“, производител на грејачи и отпорници за...
„Мудис“ го урна највисокиот рејтинг, Трамп во незгодна ситуација
Агенцијата за кредитен рејтинг „Мудис“ го намали кредитниот рејтинг на Соединетите Американски Држави од највисокото ниво „Ааа“ на „Аа1“, наведувајќи...
Путин го откри планот за октомври, а кој нема да му се допадне на Западот
Рускиот претседател Владимир Путин ги покани лидерите и генералниот секретар на Лигата на арапските држави да учествуваат на првиот руско-арапски...
Мицкоски: Британците доаѓаат со 6 милијарди евра инвестиции во здравството и во инфраструктурата
Со потпишување на стратешки договор за партнерство со Обединетото Кралство, Македонија го отвора патот за инвестиции вредни шест милијарди евра,...
Ахмети му порача на Мицкоски дека Албанците не се гости во оваа држава
На завршниот мобилизациски собир на ДУИ во Арачиново, лидерот Али Ахмети испрати остри политички пораки до премиерот Христијан Мицкоски, обвинувајќи...
На заробените Украинци им вадат и бушат нокти, им сечат прсти, им вадат очи со лажица…
Војната во Украина, која започна во февруари 2022 година со руската инвазија, трае повеќе од три години и има сериозни...
Денес облаци и дожд, утре стабилизација и температури до 26 степени
Во текот на денешниот ден времето во Македонија ќе биде променливо облачно, со повремен локален дожд во западните делови од...
Мицкоски најави инвестиции од 6 милијарди евра од Велика Британија
Премиерот, Христијан Мицкоски, најави инвестициски циклус во вредност од 5 милијарди фунти, 6 милијарда евра, во делот на инфраструктурата, железницата, здравството…...
