Македонија
(Видео) Коциќ: Процесот на масовна вакцинација тече непречено и без проблеми
Процесот на масовна вакцинација тече непречено и без проблеми, со доволно обезбедени дози на вакцини, истакна на денешната прес конференција пратеникот од СДСМ, Ненад Коциќ.
„Од денеска секој граѓанин, без разлика дали има закажан термин или не, може да се вакцинира во некој од здравствените домови. Истовремено, започна и процесот на теренска вакцинација во руралните средини. Од денеска жителите на руралните населени места ќе бидат посетувани од мобилни здравствени екипи кои ќе вршат имунизација на населението“, истакна тој.
Процесот за теренска вакцинација, информира Коциќ е организиран во соработка со здравствените домови од секој град, локалната самоуправа и месните заедници, а заинтересираноста на граѓаните во првиот ден од теренската вакцинација е исклучително голема.
Тој информираше дека од почетокот на вакцинацијата па се до 9 јули, вкупно се аплицирани 662.372 дози вакцини, а ревакцинирани се 245.231 граѓани.
„53% од населението над 70 години имаат примено барем една доза вакцина, а 50 % од населението над 65 години имаат примено барем една доза вакцина. Епидемилошката состојба е мирна, имаме доволно вакцини, односно создадени се идеални услови да се вакцинираат што поголем број на граѓани. Сите вакцини се безбедни и овозможуваат заштита од последиците од коронавирусот“, истакна пратеникот на СДСМ.
Апелираше до сите граѓани кои не се вакцинирани, тоа да го направат што поскоро, само на тој начин ќе го заштитиме своето и јавното здравје и ќе ставиме конечен крај на пандемијата со коронавирус, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.