Македонија
(Видео) Нема ни страв ни казна за социопатите што малтретираат и убиваат животни, велат од „Анима мунди“
Нема ни страв ни казна за социопатите што малтретираат и убиваат животни, а нема ни крај на страдањето на животните во Македонија, велат од Здружението за заштита на животните „Анима мунди“.
„Во една од најурбаните и најфрекфентни населби во Скопје, Ново Лисиче, во парк, кој секогаш е полн со луѓе, деца, човек мртов ладен колеше и закла зајак. И покрај реакциите на некои поединци, животното е убиено од психопат, кој мртов ладен дојде со нож и обезглави живо битие. Најверојатно, се работи за миленик, кој имал повредена нога, па така наместо на ветеринар, заврши без глава“, се истакнува во нивната реакција.
Ова, според нив, е резултат на моралната бездна во која се наоѓа Македонија, игнорирањето на страдањата на животните, неказнивоста на социопатите и насилниците, неспособноста и инертноста на институциите, смешните казни што се предвидени со Кривичниот закон и со Законот за заштита и благосостојба на животните, кои и како такви не се спроведуваат.
„Ова е резултат на игнорирањата на барањата на здруженијата за заштита на животни за сериозно зголемување на кривичните казни и конечни измени на Законот за заштита на животните. 15 години од кога постоиме, еден одговорен функционер не се најде да ја сфати сериозната на насилството врз животните како девијација, која неминовно води до поголеми насилства и кривични дела, се реперкуира на целото општество и систем, да види еднаш и се запраша што воопшто бараат од ‘Анима мунди’ – нашите предлог-измени на закони, иницијативи, барања аргументи, куп пишани документи се доставувани кај сите и очигледно се фрлени во канта или се заглавени во фиока. Затоа и живееме во држава во каква што живееме, во која хуманост, ред и правда се мисловни именки.
Бараме итно да се истражи овој настан, да се лоцира сторителот и да се стави зад решетки“, се наведува во реакцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На 30 јуни внатрепартиски избори за претседател на СДСМ
На денешната седница Извршниот одбор на СДСМ донесе Одлука за распишување вонредни внатрепартиски избори за претседател на СДСМ на 30 јуни 2024 година (недела), по повлекувањето од функцијата на претседателот Димитар Ковачевски.
Согласно роковите во Статутот на партијата ќе има доволен период за подготовка на кандидатурите и програмите, претставување на кандидатите пред членството и активна регистрација, соопшти партијата.
На седница којашто ќе се одржи в четврток, 30 мај 2024 година Централниот одбор на СДСМ треба да го усвои Правилникот за критериумите, начинот и роковникот за спроведување на постапката на највисоко демократско ниво од страна на Централната изборна комисија.
Македонија
Мицкоски на средба со евроамбасадорот Гир: злоупотребите со европското знаменце нема да се применуваат, потенцирана европската заложба на ВМРО-ДПМНЕ како идна влада
Претседателот на ВМРО-ДПМНЕ Христијан Мицкоски заедно со потпретседателот Тимчо Муцунски оствари средба со амбасадор на ЕУ во Македонија, Дејвид Гир.
На средбата беше потенцирана силната европска заложба на ВМРО-ДПМНЕ како идна влада, што е еден од трите главни постулати на делување, покрај борбата со криминалот и корупцијата и забрзаниот економски развој.
Мицкоски кажал дека државата мора да се трансформира во секое поле и да се подобри значајно животот на луѓето.
Идната влада предводена од ВМРО-ДПМНЕ, како што е наведено во соопштението, своето делување ќе го базира исклучиво на законите, и злоупотреби како претходната влада во минатото со европското знаменце нема да се применуваат.
Заклучок е дека граѓаните заслужуваат европска иднина, и таа мора да дојде што побрзо, информираат од ВМРО-ДПМНЕ.
Сервисни информации
Сообраќајна несреќа на патот Василево-с.Градошорци, сообраќајот пренасочен
Во 18.15ч. магистралниот пат Василево-с.Градошорци е затворен во двата правци и сообраќајот е пренасочен по стариот пат, поради случена сообраќајна незгода, информираат од АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.