Македонија
(Видео) Полиција околу „Св. Спас“: пристап до гробот на Гоце Делчев имаат само лица со дозвола

Полициско обезбедување на улицата Самуилова има и утринава, а во пресрет на утрешното чествување на Гоце Делчев во црквата „Свети Спас“. Околу местото кружат и полициски патроли бидејќи утрешниот настан е проценет како од висок ризик. Затворањето на „Самуилова“ се протега на потегот од улицата Иљо Војвода (вијадукт Самуилова) до крстосницата со улицата Прохор Пчињски.
Пристапот до црквата „Свети Спас“ ќе биде дополнително ограничен во текот на утрешниот ден. Пристап ќе имаат акредитирани новинари и лица што ќе имаат дозвола, а настанот ќе се одвива по строг протокол. Веќе е познато дека МВР според безбедносна процена ќе запира и Бугари, кои ќе сакаат да влезат во Македонија, а претставуваат ризик за нашата држава.
На одбележувањето навивачката група „Комити“ повика да се одбрани Гоце Делчев. Присуство најавија бугарски делегации бидејќи чествувањето ќе биде заедничко. Европратеникот Ангел Џамбаски, кој го негира постоењето на македонскиот народ, исто така најави дека ќе дојде на гробот во „Свети Спас“.
Во изминатите два дена претседатели на одредени политички партии и претседатели на граѓански патриотски здруженија биле повикувани на разговор во полициска станица, а поводот бил чествувањето на раѓањето на Гоце Делчев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.