Македонија
(Видео) Стоилковски: Со 40 милиони евра, наместо лиценци, ќе купеа „трикафта“ за сите пациенти
Владата и СДС не одговараат зошто се исплаќаат 40 милиони евра за лиценци на фирма избор на Рашковски? Не одговараат ниту зошто по три години продолжуваат да ѝ плаќаат на фирмата избрана од Рашковски иако таа услуга пред три години била 15, а сега 25 милиони евра, реагира на прес-конференција Наум Стоилковски, портпарол на ВМРО-ДПМНЕ.
Молкот, како што вели, не е само обид за гасење на темата, туку и криење можен криминал и, секако, непочитување на јавноста.
„Вчера, споредив дека со парите за изборот на Рашковски ќе се направеше цела нова клиничка болница, денеска ќе направам друга споредба.
Ако, почитувани, со 2.2 милиона евра Владата набави ‘трикафта’ за 8, а потоа уште за 4 пациенти за цела година – со цена договорена во директна спогодба со производителот, тогаш за сите 60 пациенти што чекаат ‘трикафта’ во Македонија би биле потребни 11 милиони евра годишно.
Или, со овие 40 милиони, што Владата сега ги дава на фирма, избор на Драги Рашковски, би се излекувале сите болни од цистична фиброза во Македонија на кои им е потребна ‘трикафта’ во следните речиси 4 години“, рече Стоилковски.
Нема да се навраќам, додаде тој, како и дојде до набавка на лекот во Македонија, дека почина човек и јавноста се крена на нозе.
„Со СДС нема ништо друго, освен порази, скандали, криминали и сиромаштија“, оценува Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од неколку скопски општини без струја
Регионалниот центар за управување со кризи на Град Скопје, по добиеното известување од ЕВН, ги известува граѓаните дека поради технички зафати во електро дистрибутивната мрежа без електрична енергија ќе останат:
· од 08:00 – 14:00 часот, корисниците од дел од с. Студеничани. (Општина Студеничани)
· од 09:00 – 14:00 часот, корисниците од дел од улиците: Ринхини и Езерци во нас. Влае. (Општина Карпош)
· од 10:00 – 12:00 часот, корисниците од ул. Пелистерска бр. 2, во нас. Карпош 3. (Општина Карпош)
· од 13:00 – 14:30 часот, корисниците од дел од ул. Миле Поп Јорданов, (објектите во околината на Градинката Пролет). (Општина Карпош)
Македонија
Сончево и топло време преку ден, попладне краткотројно невреме
Времето денес ќе биде сончево и топло со мала до умерена облачност.
Попладне ќе има локален развој на нестабилна облачност со пороен дожд и грмежи, наместа со услови за појава на краткотрајно невреме. Ќе дува умерен до засилен ветер од југоисточен правец најизразен долж Повардарието. Минималната температура ќе биде во интервал од 10 до 16, а максималната ќе достигне од 23 до 27 степени, јавува УХМР.
Во Скопје променливо облачно со повремен дожд. Попладне во делови од котлината ќе биде нестабилно со краткотраен пороен дожд и услови за појава на грмежи. Ќе дува умерен ветер од југоисточен правец. Минималната температура ќе се спушти до 16, а максималната ќе достигне до 26 степени.
До среда ќе се задржи нестабилно време, претежно во попладневните часови со локален пороен дожд и грмежи. Наместа процесите ќе бидат поинтензивни во форма на краткотрајно невреме, со засилен ветер, обилен пороен дожд за кратко време и изолирана појава на град. Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок. Температурите ќе бидат без значителна промена.
Македонија
Уапсен врховен судија поради сомненија за примање поткуп
Врховниот судија Наке Георгиев е уапсен поради сомнеж за примање поткуп.
„Денеска 20 мај, лишен од слобода е судија од Врховниот суд поради сомневања за сторено кривично дело Примање награда за противзаконито влијание. Судијата е лишен од слобода на лице место при извршување на кривичното дело. Се чекаат натамошни насоки од надлежен јавен обвинител“, велат од МВР.
Засега не е позната локацијата каде што е приведен судијата, ниту пак, за колкава сума станува збор.