Македонија
Викендов меѓународен ридско-брзински натпревар FIA-CEZ PONIKVA 2023
Автомобилистичката федерација на Македонија и техничкиот организатор, автоклубот „Перформанс“, овој викенд ќе го организираат 33. традиционален меѓународен натпревар, кој се бодира за шампионатот FIA-CEZ и воедно и за домашниот шампионат на ридско-брзинските натпревари ПОНИКВА 2023.
Натпреварот ќе се одржи на регионалниот пат од Кочани, поточно на 1,5 км од раскрсницата на селото Бејли со старт на натпреварот поточно од местото наречено Губриште кон планинскиот рекреативен центар „Пониква“, а со цел на местото наречено Пашаџамина шума.
Патеката е во должина од 5,3 км и на неа ќе настапат 30-ина возила, меѓу кои ќе настапат и возачи од Македонија, Србија, Црна Гора, Словенија, Босна и Херцеговина, Бугарија, Косово и од Полска.
Oрганизатор на трката е автоклубот „Перформанс“, формалностите пред и по трката ќе се одржат во кругот на Здружението на возачите на Кочани со следниот распоред:
Петок 21.7.2023 – верификација и технички преглед на возилата од 18 до 22 ч
Сабота, 22.7.2023 во 7.30 часот – затворање на патеката
9 часот неофицијален тренинг, а 30 минути по завршување, ќе се вози официјалниот тренинг.
Недела, 23.7.2023 во 7.30 часот затворање на патеката
9 часот – официјален старт на првата трката, а 30 минути по завршувањето на првата трка, ќе се вози втората
Конечните резултати и прогласувањето на победниците ќе се одржи во кругот на Здружението на возачите на Кочани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во мај уште еден продолжен викенд
Денеска се одбележува вториот ден на Велигден според православниот календар и е неработен за сите граѓани на земјава.
Овој месец ни престои уште еден неработен ден, а тоа е 24 мај (петок) кога се одбележува „Св. Кирил и Методиј“ – Ден на сесловенските просветители.
За граѓаните од православна вероисповед неработен ќе биде 21 јуни (петок), Духовден, петок пред Духовден.
На 23 мај (четврток) се одбележува Националниот ден на Власите и ќе биде неработен за припадниците на оваа националност, додека 16 јуни (недела) муслиманите во земјвата ќе го слават Курбан Бајрам, а неработен ќе биде првиот ден на Курбан Бајрам.
Македонија
СДСМ: Граѓаните масовно да излезат на изборите на 8 ми мај, се одлучува за иднината
СДСМ ги повикува граѓаните масовно да излезат на изборите на 8 ми мај и да гласаат за Стево Пендаровски за претседател и за пратеничките листи на СДСМ и Коалицијата за европска иднина.
„На 8 мај се одлучува за иднината. Во овој клучен момент државата се наоѓа на крстопат. На една страна е враќање назад кон изолација, конфликти, меѓуетничка нетрпеливост и внатрешни поделби со ДПМНЕ. А на другата, продолжување напред, кон прогресот и просперитетот на Македонија во ЕУ, со СДСМ и Коалицијата за европска иднина“, дополнуваат од СДСМ.
Според нив, на 8 мај постои само една социјалдемократска опција, само една лева прогресивна опција која се вика СДСМ.
„Граѓаните со моќта на својот глас можат да кажат стоп за враќањето во кошмарното минато на поделби и тензии и да испратат јасна и гласна порака на сите ретроградни сили дека во Македонија живеат прогресивни луѓе, кои сонуваат за подобра европска иднина за себе и своите деца“, завршуваат од СДСМ.
Македонија
Православните верници денеска слават втор ден Велигден и Ѓурѓовден
Денес, освен вториот ден од Велигден, се празнува и Ѓурѓовден, празник во чест на Свети великомаченик Георгиј Победоносец, празникот на обновувањето на природата и на животот воопшто.
Празникот на светиот великомаченик Георгиј познат како Ѓурѓовден се празнува на 6 мај според новиот или на 23 април според стариот календар.
Тој се смета за најголем пролетен празник што го празнува не само христијанското туку и целото население во Македонија што од друга страна значи дека во неговата основа е празнувањето на природата, на разбудувањето на вегетацијата и на животот воопшто.