Македонија
ВМРО-ДПМНЕ: Без јасни правила, доделувањето „МКарти“ ќе се претвори во фијаско како со штанцањето пасоши на криминалци
„Владата да објасни под кои критериуми ги дели картичките за иселеници, дали критериумот е ист како за пасошите на криминалците?“, прашуваат од опозициската ВМРО-ДПМНЕ.
Според официјалното известување од МНР, „МКарта“ може да добијат истакнати личности од дијаспората, кои дале придонес кон подобрување на односите помеѓу Македонија и државата во која тие престојуваат. И притоа е објавена листа во медиумите од сите лица на кои им е доделена „МКарта“, но власта не кажува кој ги избрал тиe лица и што тие направиле, велат од партијата на Мицкоски.
„Власта не кажува зошто баш тие лица добиле ‘МКарта’, а не други. Кој е критериумот по кој се бодирани или воопшто не се бодирани, туку се избрани по волја и критериуми познати само за Османи? Кога се даваат привилегии од државно значење, јавноста мора да знае кои се критериумите по кои се даваат, кој одлучува кому да му бидат дадени истите привилегии и дали лицата сами се пријавиле или некој ги избрал и кој?“, се посочува во нивното соопштение.
Без јасни критериуми и правила, додаваат од таму, се носиме во ситуација доделувањето „МКарти“ да се претвори во фијаско како со штанцањето пасоши на криминалци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дурмиши ќе учествува на конференција на министри за економија во рамки на Берлинскиот процес во Берлин
Министерот за економија и труд Бесар Дурмиши утре ќе учествува на конференција на министри за економија во рамки на Берлинскиот процес која се одржува во Берлин, Сојузна Република Германија.
Дурмиши со колегите министри за економија од земјите од Западен Балкан на бизнис формум ќе дискутираат на тема “10 години Берлински процес-Западен Балкан како економска област на патот на ЕУ“.
На конференцијата на министри покрај Дурмиши ќе присуствуваат министрите за економија на Албанија, Србија, Косово, Црна Гора, Босна и Херцеговина.
Берлинскиот процес беше воспоставен во 2014 година како платформа за соработка на високо ниво меѓу високи официјални претставници на шест земји од Западен Балкан и нивните колеги во Земјите домаќини на Берлинскиот процес.
Процесот ги вклучува и институциите на ЕУ, меѓународните финансиски институции и граѓанското општество во регионот, Регионалната канцеларија за младинска соработка RYCO и бизнисите.
Македонија
Тошковски од Охрид: Имплементација на научните достигнувања овозможува подобро да се справуваме со предизвиците на безбедноста
Денеска министерот за внатрешни работи се обрати на 15. Меѓународна научна конференција на тема „Современи безбедносни предизвици и зајакнување на отпорноста на земјите од Југоисточна Европа“ која се одржува во Охрид 23-24 септември, во организација на Факултетот за безбедност – Скопје и фондацијата „Фридрих Еберт“. Тошковски ја упати својата благодарност до организаторот за можноста да се обрати пред реномираниот собир на експерти од областа на безбедносните науки и истакна дека конкретната тема посебно погледната од аспект на моменталните глобални трендови и случувања бара сериозно експертско анализирање со цел проекција на решенија кои имплементирани ќе ја гарантираат безбедноста и отпорноста на регионот.
„Унапредување на науката и академското истражување на степен на којшто заслужува е нужно не само за научната фела, туку и за практиката како таква. Ако сакаме да зборуваме за безбедно општество, борба против сите видови сериозен криминал, нужно е да ги дискутираме темите и на ова академско и експертско ниво со цел заклучоците и научните факти кои ќе произлезат од ваквите настани, да ги имплементираме во институциите со што ќе го зголемиме нивното ниво за да се борат со сите предизвици како што се организираниот криминал, сајбер криминалот и високата корупција. Научната мисла мора да го даде својот придонес во секој од овие пилари во кои институциите како МВР ќе треба да се развиваат во иднина.“, потенцираше Тошковски.
На крајот на своето обраќање Тошковски нагласи дека со имплементирање на научната мисла и достигнувања создадени на вакви конференции и форуми овозможува подобро да се подготвиме за сите предизвици кои не очекуваат во иднината и кои се клучни за безбедноста на државата, регионот и пошироко.
Македонија
Средба Муцунски – Гераптеритис во Њујорк: почитувањето на меѓународното јавно право е од суштинско значење за обезбедување на иднина заснована на заеднички просперитет
На маргините на Генералното собрание на ОН, денеска министерот за надворешни работи и надворешна трговија, Тимчо Муцунски, се сретна со министерот за надворешни работи на Република Грција, Јоргос Герапетритис.
Оваа средба претставува важен чекор напред во зајакнувањето на регионалната соработка и значајно унапредување на дипломатските односи. Во текот на конструктивната дискусија посебно внимание беше посветено на можностите за развој на трговијата, инфраструктурата и инвестициите во енергија, како клучни области, каде постојат реални можности за проширување на соработката.
Почитувањето на меѓународното јавно право е од суштинско значење за обезбедување на иднина заснована на заеднички просперитет и одржлив мир. Заемната посветеност на овие принципи е основа за успешна реализација на идни корисни иницијативи и проекти, нагласуваат од МНР.