Македонија
(Видео) Во стан во „парламентарката“ надвор од УБК се обработувале прислушуваните материјали

Сведокот на специјалното јавно обвинителство за масовното прислушување, Звонко Костовски, кој ги сними телефонските разговори, на денешното рочиште за предметот „Таргет-Тврдина“, на прашање на обвинителите рече дека на посебен компјутер, надвор од УБК, биле репродуцирани, транскриптирани прислушуваните материјали.
„Во стан во зграда кај железничката станица, позната како парламентарка, имаше посебен компјутер поврзан со зградата на одделот за оперативна техника и беше во постојана криптирана комуникација по барање на Горан Грујевски за да не мора логистичарот да оди секојдневно во тие простории и да ги презема материјалите за да не се создаде сомнеж кај другите жители во зградата“, рече сведокот Звонко Костовски.
Судењето продолжува со сослушување на Костовски. СЈО побара при испрашувањето да го приложи и хард дискот со бомбите најдени кај Костовски, на што се противеа адвокатите на обвинетите. Костовски е вториот сведок на СЈО.
Според обвинението, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби. Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.