Македонија
Грковска: Слободата на изразување, заштитата на медиумите и на новинарите клучни области на кои ќе работиме во иднина
Унапредување на здравствената заштита во затворите, градење на капацитетите за борба против трговија со луѓе кај полицијата, но и во правосудниот систем, социјалните работници и трудовите инспектори, како и јакнење на капацитетите во правосудството за слобода на изразување, слобода на медиуми, заштита на новинарите, се дел од клучните области на кои мора како држава да се насочиме во наредниот период, порача вицепремиерката задолжена за политики за добро владеење Славица Грковска на завршната конференција што се одржува во Будва, Црна Гора, за проектот „ Акција против економскиот криминал“, што се спроведува во рамките на Хоризонталниот инструмент за Западен Балкан и Турција, поддржан од Советот на Европа и Европската Унија.
Таа нагласи дека во соработка со нашите меѓународни партнери, во наредниот период ќе се обезбеди зајакнување на системот во борбата против говорот на омраза и криминалот од омраза, како и подигнување на свеста за опасностите од говорот на омраза во нашето општество, борбата против дискриминацијата и заштитата на ранливите групи.
„Сето ова што го споменав е силно поврзано со работата на Владата на Република Северна Македонија, во врска со пристапувањето на земјата во Европската Унија, особено со поглавјата 23 и 24 од процесот. Изминатиов период значаен напредок се постигна во процесот на спречување и борба против трговијата со луѓе за трудова експлоатација и трговија со деца. Ги зајакнавме капацитетите и ја зголемивме свеста на трудовите инспектори и членовите на мобилните тимови за борба против трговијата со луѓе, што, пак, придонесе за зголемување на бројот на идентификувани жртви на трговија со луѓе заради трудова експлоатација од 0 во 2017 година на 42 во 2022 година“, рече Грковска.
Додаде дека јавната свест за ова кривично дело беше подигната преку наменски кампањи, како и преку зајакнување на капацитетите на медиумите кои известуваа за трговијата со луѓе.
„Несомнено морам да истакнам дека работата што се спроведуваше во текот на изминатите шест години во Република Северна Македонија, преку сите акции во рамките на хоризонталниот механизам, многу придонесе за севкупниот напредок на сите институции, корисници на овој проект“, рече Грковска и ја истакна важноста на активностите поврзани со справување со говорот од омраза, како и промоцијата на различноста и еднаквоста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Херојот кој беше убиен во Вејце – Бобан Трајковски, доби споменик
Со почит кон споменот на бранителот Бобан Трајковски, на 28 април, во центарот на Куманово, во 12 часот, ќе биде откриен мурал со неговиот лик, во пресрет на 23-годишнината од неговата херојска смрт.
Бобан Трајковски, припадник на Баталјонот за специјални намени „Волци“ на Армијата на Република Македонија на 28 години го положи својот живот на олтарот на татковината против терористите од ОНА во 2001 година кај Вејце.
Муралот е изработен од талентираните уметници Младен Трендевски – Трендо, Горан и Дејвид (сограѓани на Бобан).
Организатори на настанот се Здружението СИЛА и колегите од специјалната единица ВОЛЦИ.
Скопје
Муцунски: Аеродром го заслужува најдоброто, започнува реализацијата на голем капитален проект
Градоначалникот на Општина Аеродром, заедно со претседателот на советот, Дејан Митески и директорката на основното училиште „Блаже Конески“ утрово на работен состанок ја утврдија динамиката по која до крајот на оваа школска година треба да започне реконструкцијата и доградбата на основното училиште „Блаже Конески“.
„Станува збор за важен инфраструктурен проект, онаков каков што заслужуваат граѓаните на Аеродром. По неговото финализирање, Аеродром ќе добие модерно и современо училиште, направено согласно сите европски стандарди, училиште кое ќе биде пример за квалитетна градба, одржливост и енергетска ефикасност“, истакна градоначалникот Муцунски во својата објавата на Фејсбук.
Тој додаде дека најважно од се е што реконструкцијата и доградбата нема да го наруши нормалното функционирање на училишните активности, а нивната организација ќе биде направена во консултација и согласно барањата на родителите, со кои утрово Муцунски одржа состанок.
Македонија
(Видео) Ковачки: Со над 800 милиони евра владата од ВМРО-ДПМНЕ ќе ги решава проблемите на земјоделците
„Благодарност за поканата на нашиот градоначалник Виктор Паунов, тука сме заедно и со кандидатот за пратеник Гордана Барбашка. Како што нашиот градоначалник работи и покрај опструкциите од централната власт, гледате дека се развива и се гради. Во иднина ние планираме да дадеме 250 милиони евра за сите општини во Република Македонија без разлика кој е на власт. Само во Карбинци ќе доделиме 1,8 милиони евра за сообраќајна и комунална инфраструктура, значи дополнително општините ќе се градат и дополнително ќе се развиваат“, рече Драган Ковачки, член на ИК на ВМРО-ДПМНЕ и носител на Изборна единица 3.
„Како што работи нашиот градоначалник во Карбинци, така ќе работиме и ние на централно ниво. Дополнително за жителите од овој крај предвидуваме над 800 милиони евра во 4 годишен мандат за земјоделците што значи реконструкција на сите водоводни канали, да го решиме проблемот со водоснабдувањето, да го решиме проблемот со загарантираниот откуп, и да го решиме проблемот со загарантираната цена. Значи ќе отвораме и нови откупни центри.
Земјоделците од овој крај заслужуваат внимание, заслужуваат да си ја работат земјата тие, а не земјата да ја поседуваат феудалци како Љупчо Николовски и сличните на него.
Македонија е одлучна за промени, Македонија сака да биде горда, и Македонија заслужува да биде повторно твоја.
Затоа ги повикувам сите граѓани на 8 мај масовно да ни се приклучат да излеземе заеднички, да ставиме крај на овие црнила и овие сивила кои ги донесоа СДС и ДУИ“, изјави Драган Ковачки, член на ИК на ВМРО-ДПМНЕ и носител на Изборна единица 3.