Македонија
Даниловски до Комисијата за заразни болести: Дали сте, бре, нормални, ќе сте набавеле „паксловид“ во иднина, ако не сте дораснати да се справите со предизвиците, одете си дома

Познатиот епидемиолог Драган Даниловски на социјалните мрежи со реакција до Комисијата за заразни болести откога во јавноста беше објавено дека нема набавка на лекот против Ковид, „паксловид“.
„На Комисијата за заразни болести се дискутирало да се набави лекот против Ковид-19, ‘паксловид’, ама не сега, туку во иднина, ако се зголеми бројот на позитивни случаи. Министерството за здравство навело дека набавката ќе оди лесно и дека во моментот кога ќе побараат количини од производителот, ќе има доволно на располагање. Дали сте, бре, нормални? Ќе сте набавеле ‘паксловид’ во иднина, ако се зголеми бројот на позитивни случаи? Набавката ќе одела лесно?
Тактизирате, а? Зошто?
Сте чуле ли дека со зголемување на бројот на позитивни случаи пропорционално расте и веројатноста да се зголеми бројот на случаи со тешка клиничка слика, кои бараат хоспитализација, како и бројот на умрени?“, прашува Даниловски во напишаното.
Сте чуле ли дека „паксловид“ се дава кај ризични пациенти со лесна и средна клиничка слика во првите пет дена од почетокот на симптомите токму за да се спречи да не добијат тешка клиничка слика и да завршат во болница или на гробишта? Како тоа да се спречи ако немаме „паксловид“?
Конечно, сте чуле ли дека веројатноста за појава на постковид-синдромот (т.н. долг Ковид) е поголема кај оние со тешка клиничка слика?
Дали воопшто знаете колку ризични поединци во моментот имаат респираторни инфекции? Не знаете.
Дали знаете дека бројот на настинки постојано расте? Е, тоа го знаете. И ќе расте сè повеќе.
Ако „паксловидот“ веќе го имавме на располагање, ќе можевте да му советувате на министерот за здравство да ги повика ризичните поединци да се тестираат – самостојно или кај својот матичен лекар. Па, ако се утврди коронавирус, матичниот лекар да процени дали смеат да се лекуваат со „паксловид“. И тие што би смееле да го земат, би биле спокојни.
Како тоа да се спроведе ако немаме „паксловид“?
Дознавам од мои извори дека неделава ќе сте собирале некаква работна група од клиничари за да ги „апдејтира“ лековите? Работна група? За што? Да проценува дали е потребно да се набави „паксловид“?
Кои ќе бидат критериумите за донесување одлука за набавка? Бројот на потврдени случаи на Ковид-19? Или бројот на хоспитализирани? Или бројот на смртни случаи?
Колку време ќе биде потребно за набавка? Недела, две, месец, два?
Во меѓувреме, колкумина ризични граѓани (ако се заразат) ќе бидат изложени на (избеглив) ризик да завршат во болница? Или на гробишта? Кој ќе сноси одговорност за тоа?
Четирите принципи на медицинската етика се:
1. Полза (прави добро)
2. Незлобност (не прави штета)
3. Автономија (давање на пациентот слобода да избира слободно, онаму каде што е можно)
4. Правда (обезбедување правичност)
Вие ги кршите првите два принципа!
Ако не сте дораснати да се справите со предизвиците, одете си дома“, потенцира во напишаното доктор Даниловски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски до Беџети: Никого не сум oбвинил пред време, Обвинителството ќе се произнесе за пожарот во Кочани

Колку што сум информиран од страна на Министерството за внатрешни работи, истрагата сѐ уште е во тек и претпоставувам по службена должност комуницира со ОЈО и во рамките на таа истрага дека или ќе има или ќе нема нови елементи, ќе видиме ОЈО ќе се произнесе, му одговори претседателот на Владата Христијан Мицкоски на пратеникот од ДУИ, Блерим Беџети на денешната собраниската седница за поставување на пратенички прашања во однос на трагедијата во Општина Кочани.
Мицкоски потенцираше дека ОЈО треба да ја заврши истрагата и да се утврди дали приведените лица имаат сторено криминал или не, посочувајќи му дека тој не може да обвинува никој како што Беџети вели дека обвинувал предвреме.
„Јас никогаш не се изразив така како што вие велите, да осудам предвреме иако и јас лично и како политичка партија и голем дел од нас, знаат што значи да се биде жртва на таков тип на политички квалификации, сме го почувствувале тоа изминатите 7 години. Знаеме точно тоа како изгледа и не би сакале никому да им го правиме, бидејќи за нас важи едно правило, не им го прави на луѓето тоа што не сакаш тебе да ти го прават.
Така што истрагата е во тек, ОЈО претпоставувам ќе се произнесе кога ќе ја заврши и доколку ја заврши таа истрага, претпоставувам, а и вие како правни многу подобро од мене и повешто го знаете, ќе се произнесе дали лицата кои во моментот кои што се обезбедени имаат основано сомневање за сторено кривично дело или немаат. Јас не би навлегувал во детали, ниту пак би обвинувал, ниту пак сум обвинувал, како што вие велите“, му порача Мицкоски на Беџети.
Мицкоски истакна дека вакви фалсификувани лиценци издадени од секторот угостителство под Министерството за економија и труд се утврдени од страна на Државниот пазарен инспекторат низ целата држава.
„Точно е тоа дека јавно кажав дека е возможно да влијаам на истрагата ако кажам дека постои фалсификуван документ односно лиценца за истиот клуб во кој што се случи овој трагичен настан. И точно е дека откако се провери во архивата на Министерството за економија и труд под тој архивски број е поинаков документ заведен. Јас не го измислив тоа, тоа го покажа сопственикот на клубот во текот на самата истрага. Дали тоа ќе влијае позитивно или негативно не знам, исто како што господине Беџети ДПИ и Министерството за економија и труд констатираа дузина вакви слични документи за други клубови во Македонија.
Еве ако влијаеме селективно како што вие велите во овој клуб, тогаш што со останатите дузина вакви документи за дузина вакви ноќни клубови во целата држава“, праша Мицкоски и посочи дека таквите документи биле издавани од страна на Министерството за економија односно Сектор за угостителство.
Мицкоски нагласи дека од 2008 година министер за економија е лице на предлог на политичката партија на ДУИ.
„Од 2008 година па наваму министри биле на предлог на ДУИ и ако се види почетокот на овој клуб кога започнува да функционира во 2012 или 2013 година повторно министер во тоа министерство бил предлог на ДУИ. Од тогаш па натаму додека постоел тој клуб министер бил на предлог на ДУИ. Се поставува тогаш прашањето кој ги потпишувал и кој ги издавал овие документи, таму стои по овластување на некого, овластување на министерот, а некои и своерачно ги потпишувал министерот, но тоа ќе оставиме да покаже истрагата и да даде одговор“, вели Мицкоски.
Македонија
Црвениот крст: Собрани приближно 2 милиона евра за помош на семејствата на повредените и починатите во Кочани

Црвениот крст денеска ја изврши и втората исплата за поддршка на семејствата на повредените и починатите во трагичната несреќа во Кочани. Од таму информираат дека поради големиот интерес за донирање, апелот за собирање средства останува отворен. Според податоците од Црвениот крст, досега се собрани речиси два милиона евра.
„Заклучно со денешниот ден, во апелот на Црвениот крст на РСМ за настраданите од пожарот во Кочани собрани се 112.595.482 денара. Досега Црвениот крст на РСМ изврши првична исплата на средства на семејствата на сите починати и повредени лица што се лекуваат во странство и во земјата. Денес е извршена и втората исплата за поддршка на настраданите семејства од трагичната несреќа во Кочани. Од двата трансфера вкупно се исплатени 60.850.000,00 денари од досегашните донирани средства“, соопшти Црвениот крст.
Од таму додаваат дека во соработка со внатрешните професионални институции во државата, како и надлежните министерства и Владата, кои ги покриваат прашањата на процените на видовите штети во вакви ситуации, се работи на изнаоѓање пристап, кој ќе се примени во понатамошна дистрибуција на средствата што се собираат во Црвениот крст, кој ќе значи реална поддршка во вистинско време за лекување и справување со последиците од катастрофата.
Црвениот крст, додаваат, заедно со нашите партнери продолжува со испораката на психосоцијална и друга поддршка на настраданото население.
Од таму напоменуваат дека поради сè уште големиот интерес за донирање, апелот за собирање средства продолжува и понатаму.
Македонија
(Видео) Токсично загадување на Крива Река, водата да не се употребува ни за наводнување, порача градоначалникот Митковски

Врз основа на анализата направена од Институтот за јавно здравје на барање на риболовното друштво „Мрена“, водата во Крива Река е сериозно загадена и спаѓа во најлошата категорија загадени води, неупотреблива за која било намена.
Градоначалникот Сашко Митковски рече дека е зголемено нивото на олово, надминувања има и на цинк и на кадиум, а киселоста на водата е штетна за рибите. Со оваа концентрацијаа на штетните супстанции водата не смее да се користи за ништо, ниту за наводнување.
„Според добиените резултати, концентрацијата на олово во водата достигнува 36,65 микрограми на литар, што е речиси четирипати повисоко од максимално дозволеното ниво. Концентрацијата на кадмиум е повеќе од 20 пати над дозволената граница, а присуството на манган и на цинк е исто така загрижувачки. Матноста на водата изнесува 170 NTU, што е значително над дозволените 10, а суспендираните материи се над 7.876 микрограми на литар – повеќе од 120 пати над дозволеното“ изјави Митовски.
Рече дека не е јасно како компанијата „Булмак 2016“, која управува со рудникот „Тораница“, може да тврди дека хаваријата во нивниот рудник нема никаква врска со загадувањето кога анализите недвосмислено покажуваат присуство на метали што се користат во нивниот производствен процес.
Градоначалникот апелира институциите да реагираат бргу, а Обвинителството да отвори постапка.