Македонија
Директорите се плашат за своите фотелји, ако се способни, нека работат сами, не ја исклучуваме можноста од штрајк: Тасевски по случувањата во М-НАВ
Претседателот на Синдикатот на контролорите на летање, Александар Тасевски, потврди дека вчера бил повикан во МВР, каде што, како што рече, му била презентирана пријава од страна на двајца од тројцата директори, кои поднеле кривична пријава против него и се пожалиле дека им се заканувал.
„Најодговорно тврдам дека соджината на тој имејл не содржи нешто што асоцира на закани. Оценувам дека тенденциозно и намерно тоа се интерпретира така за овие информации да се искористат против мене како еден вид притисок со намера да се откажеме од нашите активности. А преку мене и до Синдикатот на контролорите на летање, а со самото тоа и до сите професионалци, кои во изминатиот период покажаа доблест и се охрабрија да го кренат својот глас и да покажат дека навистина се подготвени да застанат во одбрана на својата професија и да кажат стоп на клиентелизмот и на непотребните и нестручни вработувања“, рече Тасевски.
Според него, последните чекори преземени од страна на инженерите и техничарите што си дадоа оставки од своите позиции и функции, дефинитвно, кај директорите покажале одреден страв, но тој страв, како што рече, не е за нивните животи, туку е страв што се однесува на директорските фотелји.
„Тоа само дополнително им покажува дека ние сме на вистинската патека. И ова што се случи вчера, дефинитивно, нема да нѐ заплаши“, вели тој.
Најави дека од денеска ќе се почне со депонирање оставки на контролорите и нивните заменици, кои имаат раководни функции, а не ја исклучи и можноста од организиран штрајк.
„Не ја исклучуваме можноста да се продолжи повторно со штрајк, нормално, тоа нема да биде во наредните неколку дена, но верувам дека овој пат нема да биде штрајк на контролорите на летање, туку ќе биде штрајк на сите вработени во македонска навигација“.
Навраќајки се на огласот за вработување, Тасевски вели дека тој бил доста контроверзен. Не бил почитуван временскиот рок, селекцијата била спречена, Синдикатот не бил известен за спроведување на огласот и наспроти обврската на работодавецот.
Тасевски нагласи дека ќе биде поведена постапка и ќе се бара оспорување на конкурсот за вработување, а ќе се оспорат и вработувањата на претходните директори.
Побара вклучување и на Трудовата инспекција, која треба да ги испита сите нерегуларности, но и вклучување на антикорупциската комисија и сите други надлежни институции за случувањата во М-НАВ.
„Треба да покажеме дека не може вака да се продолжи и директорите да работат под притисок кон вработените и кон Синдикатот. Со ваков начин на вработување нека продолжат да работат сами ако се способни за такво нешто. Ова што се случи нема да нѐ заплаши и да нѐ отргне од нашата идеја“, нагласи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Модернизација на водоводната мрежа во општина Илинден
Локалната самоуправа и ЈКП „Водовод” – Илинден континуирано работи на одржување, подобрување и обнова на водоводната и канализационата мрежа на територија на општина Илинден, со цел задоволување на потребите на корисниците.
Со цел поквалитетни услуги побезбедна и поздрава вода за пиење на граѓаните како и здолемување на капацитетот на водоснабдувањето, деновиве се работи на обнова и модернизација на главната водоводна мрежа на ул. 9 во н. Илинден и улица 532 во Марино, односно на потегот од Халк Банка до Црна река Петрол во должина од 600 метри, извести општина Илинден.
Увид во градежните работи направија градоначалникот на општина Илинден, Александар Георгиевски и директорот на ЈКП ,,Водовод”-Илинден, Ивица Трипуновски. Градоначалникот Георгиевски истакна дека модернизацијата опфаќа замена на старите ПВЦ цевки со нови полиетиленски, поради честите дефеци и загуби на вода на овој дел од водоводната мрежа.
Обезбедувањето на квалитетна вода за пиење е еден од приоритетите во работењето на локалната самоуправа, така што општина Илинден во соработка со ЈКП „Водовод” и во наредниот ќе продолжи со модернизација и подобрување на водоводниот систем, се додава во соопштението на општина Илинден.
Македонија
Милошоски: Новата влада се очекува до 20 јуни, веројатно ВМРО-ДПМНЕ, Вреди и ЗНАМ
„Новата влада се очекува до 20 јуни, најверојатно ВМРО-ДПМНЕ, Вреди и ЗНАМ“, напиша Антонио Милошоски, актуелен пратеник од редовите на ВМРО-ДПМНЕ, на социјалната мрежа Икс.
#Macedonia 120-seat Parliament election 🇲🇰 :
VMRO DPMNE+-EPP: 58
DUI~S&D|EPP|NI: 18
SDSM+-S&D|RE|G/ECR: 18
VREDI~NI: 14
Levica~LEFT: 6
ZNAM-*: 6 MPs
…
The new government is expected until 20.June, most probably VMRO +VLEN +ZNAMhttps://t.co/Wz7ygeAWwG #Избори2024 #IzboriMK pic.twitter.com/QKxvor6FrI— Antonio Macedonian (@AMiloshoski) May 22, 2024
По вчерашното прегласување, Милошоски го објави официјалниот распоред во македонското собрание.
Македонија
Одземен пасошот на Иџет Мемети, ќе треба да се јавува во суд
Судија на претходна постапка при Основниот кривичен суд Скопје постапи по предлогот на Основното јавно обвинителство за гонење организиран криминал и корупција и му определи мерки на претпазливост на И. М., второосомничен во истрагата поврзана со примање награда за противзаконито влијание за што веќе информираа од ОЈО.
„По денешното произнесување на осомничениот во присуство на неговиот бранител, како и ценење на фактите и доказите во прилог на ОЈО ГОКК, донесе решение со кое предлогот се уважува. На осомничениот му се опредлуваат мерки за претпазливост од чл. 146 ст. 1 т. 2 и 3, односно обврска на осомничениот повремено да се јавува на определено службено лице во судот и одземање на патната и друга исправа за напуштање на државната граница, како и забрана за издавање нова.
Мерките важат до правосилноста на постпаката, а против ова решение странките имаат право на жалба пред Кривичниот совет на овој суд“, извести Кривичниот суд.