Во согласност со проектот „Да ја вратиме довербата на граѓаните“ („Правда за секого“), спонзорирано од „Цивика мобилитас“, здружението „Зелена лупа“ поднесе 51 иницијатива против судии на основните судови, Апелација и Врховниот  суд. Иницијативите беа поднесени до Советот на фактите, од кои се прифатени 13 иницијативи, одбиени 25 и сè уште без одговор се 13 иницијативи. Во согласност во текот на проектот беше поднесена и кривична пријава до Основното јавно обвинителство Скопје врз основа на член 274, ст. 1 од Законот за кривичната постапка против судиите.

Во врска со поднесените претставки и поплаки од граѓаните поднесени преку здружението „Зелена лпа“ во текот на 2017 година, од 51 поднесена иницијатива, досега се решени 13. Тие 13 иницијативи се однесуваат за сторена повреда на одредбите на кривичната постапка при определување на мерката притвор на Сеад Кочан. Според здружението, индикативно е што Судскиот совет ги прифати овие иницијативи затоа што и Основното јавно обвинителство Скопје презема истражни мерки за да утврди дали од одделни судови и претседатели на судови се донесени незаконски решенија во врска со укинување на мерката притвор на тоа осомничено лице.

„По однос на донесените одлуки од Судскиот совет, со кој се одбиени поднесените 25 иницијативи за утврдување одговорност за нестручно и несовесно работење на судиите, до сите добиени одлуки не се наведени никакви факти и околности од поднесените барања, ниту се дадени причини зошто тие иницијативи се одбиени како неосновани.
По однос на недонесена одлука од страна на Судскиот совет по поднесени други 15 иницијативи за утврдување одговорност на судии, досега не е донесена одлука иако во член 31 од Законот за судовите е пропишано дека Судскиот совет задолжително најмалку еднаш месечно расправа поединечно по сите претставки и поплаки поднесени од граѓани и правни лица против судиите, претседателите на судовите, како и за пролонгирање на судските постапки, и во врска со тоа донесува одлуки најдоцна во рок од 60 дена од денот на приемот во Судскиот совет“, соопшти „Зелена лупа“.