Македонија
Имотот на Камчев во Русија, Бугарија и на Бахамите – пречка да излезе од притвор
Фирми во Русија, Бугарија, Холандија, Косово, Србија и Хрватска и офшор компании во даночните раеви се само дел од имотот што го поседува бизнисменот Орце Камчев, а тој е и краен сопственик на офшор фирмата „Финзи“, стои во решението на притвор за бизнисменот Камчев до кое дојде „Макфакс“.
Имотот што го поседува, како и бугарското државјанство се само една од причините зошто на бизнисменот му беше продолжен притворот за уште 30 дена.
Во решението стои дека „сите овие околности укажувале дека доколку осомничениот Камчев се брани од слобода, тој лесно ќе се даде во бегство во која било држава надвор од Македонија, особено во Бугарија, каде што има развиен бизнис и стан, а како државјанин на Република Бугарија нема да биде екстрадиран во Македонија“.
Можноста за бегство судот ја гледа и во фактот што Камчев последнава година 80 пати ја преминал државната граница. Не се отфрла ниту можноста за влијание врз сведоците бидејќи, како што ценел судијата на претходна постапка, голем дел од нив се вработени во неговите фирми, а тој често ги менувал управителите и седиштата на правните лица кои се дел од истрагата.
Кои се фирмите во странство на бизнисменот Камчев
Руската фирма „Здравје оптима“ во Ростов на Дон е една од фирмите што се поврзуваат со бизнисменот Орце Камчев. Уделите во фирмата во март годинава тој ги пренел на „Орка холдинг“ АД Скопје, а во април годинава уплатил 100 000 евра на име инвестиција во истата компанија. Сопствеништвото во оваа руска компанија „Орка холдинг“ го дели со Јован Дабевски, поранешен генерален менаџер на „Здравје Радово“ и извесен Антон Георгиевиќ. Втората руска фирма, отворена во 2015 година, „Семимол“, освен со Георгиевиќ и Дабевски, Камчев ја дели со бизнисменот Сергеј Самсоненко.
Според решението за притвор, Камчев се јавува и како краен сопственик на фирмата „Финзи“, иако неговото име не се појавува во документите на оваа офшор компанија со седиште во Албани, САД. Предистражната постапка наводно покажала дека Камчев бил краен сопственик од отворањето на сметката на „Финзи“ во 2009 до 2012 година.
Директор на офшор фирмата „Финзи“, која е поранешен сопственик на порталот „Нетпрес“, беше Коста Крпач, кој во 2016 додека беше сведок за истрагата на специјалното јавно обвинителство, изврши самоубиство. Според аудиоснимките на СДСМ, „Финзи“ беше една од фирмите преку кои, со посредство на Сашо Мијалков, се одвивала спорната набавка на израелската опрема за прислушување за потребите на МВР.
„Макфакс“ ги поседува сите документи од отворањето на фирмата „Финзи“ до сега, но таму не е споменато името на бизнисменот Камчев. Единственото име што се споменува е она на Владислав Стајковиќ, сопственик на фирмата НВСП, исто така осомничен за случајот „Империја“, како прв директор на фирмата.
Меѓу фирмите на Камчев се споменува и компанијата ПЗУ „Систина нефроппулос Кавадарци“, чиј основач е „Орка холдинг“. Во 2014 година оваа компанија уплатила 200 000 евра преку кипарска банка на офшор фирмата „Десимарг лимитед“, каде што управител е еден од осомничените за „Империја“, Ненад Јосифовиќ. Во 2015 година Јосифовиќ го овластува Камчев да ја ликвидира оваа компанија.
Фирмата од Бахамите, „Десимарг лимитед“ беше дел од големиот проток на документи за офшор компаниите „Панама пејперс“, за која веќе објави Меѓународниот центар за истражувачко новинарство.
Уште една од фирмите што се споменуваат во судските документи е и фирмата „Камил“ во Софија, која аплицирала за кредит од 24 милиони евра во Бугарија, пари со кои Камчев имал план да ги откупи уделите на партнерите во „Пелагонија енерџи“. Во документите се споменува и бугарската болница „Токуда“, каде што Камчев преку „Орка холдинг“ бил акционер во болницата со учество од 11 отсто од капиталот.
Молк од СЈО за случајот „Империја“
И еден месец по отворањето на истрагата, од специјалното јавно обвинителство не излегуваат со информации на што точно се однесува случајот „Империја“ и кои фирми се инволвирани. Од СЈО не одговараат на прашањата на „Макфакс“ поврзани со овој случај. Засега, она што е познато е дека преку фирми на инволвираните лица биле испрани над 10,5 милиони евра – 8 милиони евра пари од Македонија и 2.5 милиони евра преку офшор фирми.
За случајот во притвор, освен Камчев, е и Ненад Јосифовиќ – соработник на Камчев, директорот на „Ексико“ – Тодор Мирчевски, Цветан Панделески – директор на ЗК „Пелагонија“, и Зорица Арсовска – сметководител во фирмите на Камчев. Притвор за случајот му беше определен и на поранешниот директор на УБК Сашо Мијалков, но подоцна, по барање на СЈО, за него се укина притворот за „Империја“, а мерката му беше одредена за случајот „Таргет – Тврдина“.
За „Империја“ има вкупно 12 осомничени, меѓу кои и мајката и сестрата на Орце Камчев.
Бизнисменот Камчев и неговите соработници можат да бидат во притвор максимум 6 месеци, а по истекот на овој рок, СЈО ќе мора да поднесе обвинение или ќе мора да им дозволи на осомничените да се бранат од слобода.
Осомничените можат да поднесат жалба до Апелацискиот суд и да побараат укинување на притворот, со тоа што имаат можност да побараат да се бранат од слобода со гаранција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На Јаневска ѝ е рано да размислува за ресорот здравство: Имам толку многу да доработам во Образование во овој мандат, премиерот ќе одлучи
Премиерот и преговарачкиот тим во коалицијата ќе одлучат кој ќе биде нов министер за здравство на местото на Арбен Таравари, кој излезе од Владата, рече денес министерката за образование, Весна Јаневска. Дека се спомнува нејзиното име во пресметките за распределба на ресорите во владината коалиција, рече дека дознала од медиумите по изјавата на Билал Касами, кој вчера рече дека „Вреди“ ќе го добие ресорот образование, а ВМРО-ДПМНЕ здравство.
„Прочитав во медиумите, но во овој момент јас како министерка за образование и наука имам толку многу работа да доработам за цел мандат, нели, што навистина не мислам, ниту сум вклучена во тие преговори. Има одговорно лице, кое ќе каже како треба да биде“, вели министерката Јаневска, која денес присуствуваше на панел-дискусијата на тема „Образование на иднината: градење лидери, мислители и иноватори“ на 14. самит на Македонија 2025.
На прашањето дали ќе прифати доколку ѝ ја предложат функцијата во Здравство, не даде конкретен одговор.
„Сосема е рано да се размислува за такво нешто. Кажав кои се одговорни, кога ќе дојде тој момент, тогаш ќе разговараме“, рече министерката Јаневска.
Највисокото раководство на Алијансата за Албанците, чиј лидер е Арбен Таравари, синоќа и официјално одлучи партијата да оди во опозиција.
Освен Таравари, од Алијансата за Албанците во овој владин состав е и заменик-претседателот на Владата задолжен за добро владеење, Арбен Фетаи.
Македонија
Јаневска: Растат платите во образованието, инвестираме во инфраструктурата и во нови наставни програми и учебници
Образовниот систем создава кадар каков што му е потребен на македонското стопанство, на индустријата, економијата, трговијата, па и администрацијата. Но проблемот е друг, демографски. Лошите политики во изминатите години го намалија бројот на населението. За 7 години, бројот на ученици е намален за 17 илјади. Имаме 7 илјади студенти помалку. Не можат да се пополнат сите новосоздадени места или испразнети постојни. Ние како нова Влада се трудиме да го спречиме трендот на иселување и да го стимулираме наталитетот со квалитетни политики и мерки.
Ова го истакна министерката за образование и наука Весна Јаневска на панел дискусијата „Образование на иднината: градење лидери, мислители и иноватори“ во рамки на 14-от годишен Самит на Македонија 2025, одговарајќи на прашање дали образовниот систем продуцира кадар со потребни вештини и дали бизнис заедницата е доволно вклучена во образованието на младите.
„Особено ме радува што сé повеќе се зголемува општествената одговорност кај компаниите и тие сфаќаат дека се важна алка во образовниот систем и без нив, без нивно учество во едуцирањето на младите, државата не би можела да создаде работна сила каква што тие очекуваат. Успешен пример на соработка е дуалното образование. Над 550 компании примаат деца на практична обука и нудат можност за нивно вработување по стекнувањето на дипломата, се разбира доколку ученикот не изрази желба за понатамошна академска надградба“, рече Јаневска, потенцирајќи дека соработката меѓу образовните установи и компаниите е помалку изразена во високото образование и постои потенцијал за воспоставување нови релации.
Говорејќи за приоритетите на Владата кога е во прашање образованието, Јаневска рече дека три клучни столбови го детерминираат квалитетот на наставата: наставни програми и учебници, мотивиран наставен кадар и инфраструктура.
„Се трудиме постојано да ги зајакнуваме сите три столба. Заедно со Бирото за развој на образование изготвуваме нови наставни програми, со унапредена содржина која ги има интегрирано глобалните образовни трендови, нови достигнувања, факти и слично. Врз основа на тие наставни програми се изработуваат и нови учебници, без грешки и небулози кои ги имаше во минатото. По некои предмети воопшто немало учебници и децата немале од што да учат. На пример по цели шест години од септември ќе имаме учебници странски јазици“, рече Јаневска.
Потсети дека платите на наставниот кадар во два наврати за 10 месеци се зголемени вкупно за над 12%, додека согласно договорот со СОНК во текот на владиниот мандат ќе се зголемат до 60% во зависност од степенот на инфлација. Се воведуваат можности за кариерен развој и напредување во звања, како и за професионален развој преку повеќе обуки на различни теми. Платите во високото образование од јануари 2025 се зголемени за 14% на професорите и за 8% на административниот кадар.
„Третиот столб е инфраструктурата. Ќе споделам дека само во моментов имаме активни 30тина инвестиции во вкупна вредност од 32 милиони евра. Градиме 7 нови училишни објекти, 20тина реконструираме, градиме 4 спортски сали, реконструираме два студентски дома. Училиштата ги опремуваме со нови клупи, столчиња, нова ИТ технологија, интернет онаму каде за жал недостасувал досега“, додаде министерката.
Владата се труди да ги следи глобалните образовни трендови, повеќе да ги насочи младите кон етичка примена на вештачката интелигенција, развој на дигитални вештини, медиумска писменост, избор на СТЕМ области и слично.
Говорејќи за квалитетот во високото образование и науката, рече дека преку контроли на министерството и на Државниот просветен инспекторат биле затекнати фрапантни ситуации, поради кои 13 приватни научни институти се затворени, бидејќи во најголем дел не работеле по закон. Рече дека има приватни универзитети кои постојат како трговски претпријатија, штанцале дипломи години наназад и Владата им се спротивстави. Но, посочи и дека има приватни универзитети кои навистина добро работат.
„Не сум против отворање на приватни школи, универзитети и слично, но секој мора да го почитува законот и уште поважно, тие да не се отвораат исклучиво за бизнис цели, туку со мисија навистина да помогнат во подобрување на квалитетот на образованието во државата и да градат добро подготвени млади генерации. Мораме наместо кон квантитет, да се ориентираме кон квалитет“, заклучи Јаневска.
Македонија
Фрчкоски реагира: Кривичната пријава е банална, срамна и полна со неправилности
Љубомир Фрчкоски, поранешниот шеф на Постојаната мисија на Македонија при ООН во Њујорк, реагира по кривичната пријава за злоупотреби во службата.
Вели дека власта и Министерството за надворешни работи направиле срамна, банална и полна со неточности кривична пријава за да извршат притисок врз неговите јавни настапи, кои се критички кон власта.
„По голема пауза на процена дали професорот ќе молчи или ќе ја критикува власта за погубните политики, МНР сепак одлучило да изврши притисок со појава на комична и полна неточности кривична пријава за целата екипа на Амбасадата на РСМ во Њујорк со цел ширење страв и замолчување.
Во пријавата, без срам и перде, се наведува дека имало:
– пречекорување на сметките за мобилни (?);
– поправка на возило без дозвола на МНР (?);
– земање аванс за службено патување (иако целиот аванс е вратен во буџетот, сепак МНР не било задоволено (?));
– вонредни авиобилети по повод смртен случај во фамилијата (исто така, редовно вратени во буџетот), но МНР пак не било задоволно (?).
Според Законот за МНР и правилникот за плати и надоместоци на МНР, амбасадорот е овластен и може законски да врши пренамена на средства според потребите на работата на Амбасадата и сите сторени пречекорувања се во рамките на неговите законски овластувања.
Но, најголемо незнаење е манипулацијата со парите добиени од сукцесија (продажба на објектот на СФРЈ) во Њујорк, кои дојдоа на сметка на Мисијата. Имено, се вели дека наспроти инструкциите на МНР и на Финансии не бил ВЕДНАШ уплатен во буџетот целиот износ, туку на неколку рати бил уплаќано (целиот износ сепак е уплатен без сомнеж). Тоа било нужно да биде така бидејќи финансиските служби на Њујорк инсистираат да останат средства од сукцесијата на сметката – како гаранција за наплатен данок. Додека купувачот на објектот не го плати данокот (тој е задолжен за тоа), средства мора да има на сметките на сите републики од бившата СФРЈ во Њујорк – за да може во ситуација на проблем, данокот сепак да биде нплатен од нивните сметки. Тоа е обврска и задолжение од финасиските власти и сите републики не ги вратиле парите во своите буџети, туку задржале дел на своите сметки на мисиите во Њујорк. Така направила и Македонија. Кога данокот (по една година дена) е наплатен од купувачот, тие средства се ослободени за сите републики и тие ги вратиле во своите буџети. Така направила и Македонија. Но, МНР, бидејќи нема поим за ова, го обвинува амбасадорот –-не постапил по инструкциите на МНР и на Финансии да ги врати сите пари веднаш?! Тој, и да сакал, не можел. Но, тоа е тоа, со законски непознавања останува само лошата намера за притисок по секоја цена“, се вели во реакцијата.
На Јаневска ѝ е рано да размислува за ресорот здравство: Имам толку многу да доработам во Образование во овој мандат, премиерот ќе одлучи
Премиерот и преговарачкиот тим во коалицијата ќе одлучат кој ќе биде нов министер за здравство на местото на Арбен Таравари,...
Фрчкоски реагира: Кривичната пријава е банална, срамна и полна со неправилности
Љубомир Фрчкоски, поранешниот шеф на Постојаната мисија на Македонија при ООН во Њујорк, реагира по кривичната пријава за злоупотреби во...
(Видео) Манасиевски: Таравари се интересира само за бизниси и за Груби и за Заев, досега не се разговарало за размена на ресори
Вечерва партијата ќе има редовна седница на Извршниот комитет на која што ќе се разговара за обвинувањата на Таравари за...
Во историјата на овој суд не е изречена 12 години казана затвор за вакво дело, но го задржуваме правото да бараме поголема, рече обвинителот
Обвинителот Александар Марковски го задржа правото да бара поголема затворска казна од 12 години колку што денес му пропиша Основниот...
Таткото на Фросина: Судот ги скри клучните сведоци, кои биле во возилото со Васил, едниот снимал, па ја избришал снимката
Дванаесет години казна е награда за ова најбрутално убиство во сообраќајот, изјави таткото на усмртената Фросина, Тодор Кулаков. Тој повика...
Дванаесет години затвор за Васил Јованов, кој ја усмрти Кулакова на пешачки премин
Судот изрече 12 години затворска казна за 20-годишниот Васил Јованов, кој смртно ја прегази Фросина Кулакова на пешачки премин. Во...
МВР со апел до граѓаните: Внимавајте на лажни е-пораки – фишинг-линкови, се злоупотребуваат имињата на повеќе македонски компании
Секторот за компјутерски криминал при Бирото за јавна безбедност на Министерството за внатрешни работи периодов констатира зачестена појава на таканаречени...
Со какви санкции му се заканува ЕУ на Путин?
Главните европски сојузници на Украина ја повикаа Русија на безусловно 30-дневно примирје и се заканија со нови санкции, според заедничкото...
Несреќа на патниот правец Берово – Виница, сообраќајот во прекин
АМСМ извести дека се случила сообраќајна незгода на патниот правец Берово – Виница, кај село Будинарци. Поради незгодата од 07:30...
(Видео) Трамп: ЕУ игра повалкано од Кина
Американскиот претседател Доналд Трамп вчера повторно ја нападна Европската Унија, велејќи дека е полоша од Кина во многу аспекти, само...
Кинескиот претседател по договорот со Трамп: Малтретирањето води до самоизолација
Кинескиот лидер Кси Џинпинг ги осуди малтретирањето и хегемонијата во своето прво јавно појавување откако САД и Кина постигнаа привремен...
Опожарено возило во Аеродром
Во периодот од 01:40 до 02:40 часот, пожарникарите гаснеле запалено патничко моторно возило, на површина од 2м2 на булеварот Видое...
(Видео) Трогателна средба: Еден Александар го прегрнува своето семејство откога Хамас го ослободи
Израелско-американскиот заложник Еден Александар се врати на своето семејство во Израел откога помина 19 месеци во заробеништво на Хамас во...
Ултиматумот на Европската Унија до Путин и Русија истече
Украина и европските лидери се согласија на безусловно примирје во траење од 30 дена, почнувајќи од 12 мај, со поддршка...
Одиме во опозиција, доколку има сомнежи во тие што се во Владата, нема што да бараме таму, соопшти Таравари
Минатата година со гордост ја донесовме промената во албанскиот блок после 20 години и за тоа сме многу гроди, изјави...
Зеленски: Ќе бидам во Турција, се надевам дека ќе дојдат и Путин и Трамп
Украинскиот претседател Володимир Зеленски изјави дека ќе отпатува во Истанбул на мировни преговори и дека е подготвен да се сретне...
Орбан: Никој не се осмелува да признае, но ја загубивме војната во Украина
Зapaдната стратегија насочена кон уништување на Русија не успеа, санкциите не ја постигнаа својата цел, а Русија ја спречи Украина...
Левицата предлага инспекторат кој ќе казнува за непочитување на грбот, знамето и химната: МВР реагира за сквернавење, но не влегува во канцеларии
Партијата Левица оваа недела ќе поднесе предлог-закон за формирање инспекторат за употреба на грбот, знамето и химната на државата, како...
Мицкоски: Државата беше во слободно паѓање, ни требаше стабилизација во оваа прва година
Премиерот, Христијан Мицкоски, на денешниот Самит 2025 во организација на „Македонија 2025“ истакна дека првиот ден од стапување на функцијата...
Се зголемуваат цените на бензините, се намалува на дизелот
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
