Македонија
Исчезнато е момче од Пласница, се бараат информации за пронаоѓање
Исчезнат е Мелхи Азизоски од селото Пласница.
Исчезнувањето го пријавил неговиот брат Јашар Азизоски.
Градоначалникот на општина Пласница, Алија Јаоски ги повика граѓаните да помогнат во потрагата по исчезнатото момче.
„Од страна на лицето Јашар Азизоски е пријавено исчезнувањето на неговиот брат Мелхим Азизоски од село Пласница. Поради тоа Ве повикувам сите да се здружиме и да ги пребараме сите напуштени куќи и места на територија на општина Пласница.
Ако имате било какви сознанија обратете се на најблиските“ напиша Јаоски.
Мелхим (39) е исчезнат веќе два дена. Како што информираат од семејството, Мелхим домот го напуштил околу 7 часот наутро на 24.04.2023 кога тргнал за на работа, облечен во работничка униформа, висок околу 1.65 цм. Од тој миг му се губи секаква трага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без вода дел од општина Кисела Вода
Од ЈП Водовод и Канализација известуваaт дека денеска поради изведување на водоводен приклучок на ул. Борис Трајковски 39, прекинато водоснабдување ќе имаат корисниците на дел од истата улица и ул. Иван Козаров.
Водоснабдувањето ќе биде прекинато од 08:00 часот до завршување со работните активности.( општина Кисела Вода ).
Македонија
Извлечено девојчето кое падна во дол над Струмица, има повреди на главата
Шестнаесетгодишното девојчето кое падна во дол над Струмица е извлечено и во моментот се наоѓа во струмичката болница, соопшти директорот на Центарот за управување со кризи, Стојанче Ангелов.
Како што претходно информираа од ЦУК, девојчето вечерва паднало во дол кај манастирот Свети Илија над Струмица.
Случајот на 112 го пријавила мајката и известила дека нејзината ќерка има повреди на главата, но не ја знаела точната локација.
„По барање на операторите, и тинејџерката потоа се јавила на 112 и вознемирена раскажала за повредите, но не знаела да го посочи точното место на кое што паднала“, вели директорот на Центарот за управување со кризи, Стојанче Ангелов.
Операторите преку системот на 112 ја утврдиле точната локација, а спасувачките екипи веднаш излегле на терен, ја пребарале посочената локација и откако најпрво викајќи оствариле гласовен контакт со повреденото и исплашено лице набргу потоа успеале да ја најдат.
Македонија
Во тек спасувачка акција во Струмица: се извлекува 16-годишно девојче кое паднало во дол
Спасувачките служби се обидуваат да извлечат 16-годишно девојче кое вечерва паднало во дол кај манастирот Свети Илија над Струмица.
Случајот на 112 го пријавила мајката и известила дека нејзината ќерка има повреди на главата, но не ја знаела точната локација.
„По барање на операторите, и тинејџерката потоа се јавила на 112 и вознемирена раскажала за повредите, но не знаела да го посочи точното место на кое што паднала“, вели директорот на Центарот за управување со кризи, Стојанче Ангелов.
Операторите преку системот на 112 ја утврдиле точната локација, а спасувачките екипи веднаш излегле на терен, ја пребарале посочената локација и откако најпрво викајќи оствариле гласовен контакт со повреденото и исплашено лице набргу потоа успеале да ја најдат.
Во моментот се работи на нејзино извлекување.