Македонија
Како да реагирате и да се заштитите во случај на земјотрес
Штом се случи земјотрес, најчесто и поголемиот број од нас прво проверуваме на социјалните мрежи или на веб-страницата каде што се регистрираат земјотреси дали навистина имало или ни се причинило.
Наместо најпрво да проверуваме информации на интернет што се случило и кој бил интензитетот, првата реакција секогаш треба да биде да се заштитиме себеси и блиските.
Како да се заштитите?
Прво е исклучително важно да останете смирени и да размислувате рационално. Паниката може да резултира со погрешни чекори и евентуални несакани последици.
Важно е да знаете, во просторијата во којашто се наоѓате, кои се носечките внатрешни ѕидови и греди и веднаш да застанете под нив, покривајќи ги главата и вратот. Запомнете! Не користете лифт или скали за брзо напуштање на објектот, ниту за време на ударот, ниту по завршувањето на земјотресот, сè до информацијата дека е безбедно.
Останете подалеку од надворешните ѕидови, прозорците, вратите, ормарите и плакарите, изворите на топлина, апаратите од бела техника, огледалата, лустерите и поголемите висечки светлосни тела и сл. кои би можеле да се затресат или придвижат како резултат на земјотресот.
Ако сте во кревет и немате време да се засолните, останете во креветот, а со перницата и рацете покријте ги главата и вратот. Доколку над креветот има масивен лустер или светилка, тогаш засолнете се покрај креветот или внатрешниот ѕид покривајќи ги главата и вратот.
Креветите поставете ги подалеку од прозорците или од масивниот мебел и огледала. За да не се случи незгода, потешките предмети ставете ги на подолните полици, а кршливте предмети чувајте ги во затворени шкафови. Лесно запаливите течности и хемикалиите не чувајте ги до извор на топлина, за да спречите настанување пожар.
Имајте предвид дека како последица од земјотресот, може да дојде до прекин на доводите на струја, вода и телекомуникации. Исто така, можеби ќе се вклучат противпожарните инсталации и алармите.
Доколку сте на отворено, засолнете се подалеку од згради, објекти, рекламни паноа или високи дрва. Во вакви околности, големи се шансите како резултат од земјотресот да паднат оџаци, кровови или други предмети. Затоа, спуштете се на земја и заштитете ги главата и вратот со рацете.
Земјотресите имаат потенцијално најголемо влијание во смисла на загуба на животи и долгорочни штети и загуби на општеството и локалните заедници.
Подготвеноста може да спаси животи, нашиот и на другите околу нас.
Информирајте се за состојбите во вашата средина, кои се потенцијалните опасности, ризици и закани во местото во коешто живеете.
Телефонски броеви за итни повици:
Минатиот месец се воведе Единствениот европски повикувачки број 112 кој е нов и единствен број за повикување помош за каков било вид на итни и кризни состојби.
Останатите телефонските броеви за итни повици се:
– 195 Центар за управување со кризи
– 194 Итна медицинска помош
– 193 Територијални противпожарни единици
– 192 Полиција
Институт за демократија „Социетас цивилис“ – Скопје, преку проектот „Подобрен капацитет за управување со кризи на општините во Северна Македонија“, им помага на општините во развојот на стратегии и планови за превенција и управување со кризи и ги информира граѓаните за начините на кои тие можат да придонесат во намалувањето на ризикот од катастрофи.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.