Македонија
(Видео) Костовски: Мора да има истрага и одоговорност за кластерот Геријатрија Скопје
Додека триото Филипче, Спасовски, Заев прогласија победа во борбата против епидемијата со Ковид-19, во Геријатрија Скопје има нов кластер меѓу најранливата категорија на граѓани. Станува збор за дваесеттина лица заболени во оваа установа, соопшти Дарко Костовски од ВМРО-ДПМНЕ.
„ Ако е вистина, како што велат од Геријатрија Скопје, дека веднаш постапиле согласно протоколите за изолирање на болните од останатите пациенти, и дека воедно била спроведена епидемиолошка анкета на вработените, како тогаш се случи од две заболени лица бројката да порасне на скоро дваесеттина.
Колку за илустрација, во април во екот на короната во соседна Србија во првиот момент кога се дијагностицираше поголем број на заразени со корона во Геријатрискиот дом во Ниш, веднаш реагираше владиниот кризен штаб и ја утврди причината. Министерството за внатрешни го уапси директорот поради основан сомнеж дека извршил тешко казнено дело против здравјето на луѓето во врска со пренесувањето на заразна болест.
Многу е јасно, ако Геријатрија Скопје, веднаш постапеше според протоколите ситуацијата ќе беше поинаква. Во меѓувреме, министерот за здравство, Филипче вели корона вирусот нема граници кога е во прашање возраста, да во право е, а тоа веќе и се покажа на дело. Во Геријатрија Скопје за неколку дена има скоро дваесеттина заболени. Ова е прашање за истрага, но и за одговорност.
Веќе вчера требаше да има истрага и резултати од истата. Но, владата веќе неколку дена се обидува да го заташка случајот. Со ова само се потврдува дека победата прогласена од владата на СДСМ врз корона вирусот е лажна“ порача Костовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Непречен сообраќај по претежно влажни коловози
Сообраќајот на државните патишта се одвива непречено, по претежно влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Падна дрво во населбата „Автокоманда“ во Скопје
Преку Единствен повикувачки број за итни случаи 112 во ЦУК е добиена пријава за паднато дрво на булеварот „Александар Македонски“ близу паркингот на влезот на фабриката „Железара и Железарија Јоле“ во населбата „Автокоманда“.
Од ЦУК, веднаш по добиената информација од страна на Сектор за операции и координација, покрај МВР, беа известени ЈП „Паркови и зеленило“ на Град Скопје, коишто испратија екипи и истите интервенираа во расчистување на паданатото дрво.
Македонија
Променливо облачно и посвежо време со повремени врнежи од дожд
Променливо облачно и посвежо со повремени врнежи од дожд. Во јужните делови наместа врнежите ќе бидат пообилни, локално проследени со грмежи и засилен ветер. Минималната температура ќе биде во интервал од 6 до 13, а максималната ќе достигне од 14 до 20 степени.
Во Скопје променливо облачно со повремени врнежи од дожд и со слаб до умерен северен ветер. Минималната температура ќе се спушти до 12, а максималната ќе достигне до 20 степени.
Во сабота ќе има преодно стабилизирање на времето, а потоа во следните денови во попладневните часови ќе има локална појава на краткотраен пороен дожд и грмежи. Дневната температура ќе биде во пораст.