Македонија
Маричиќ: Подготвени сме за следната фаза од преговорите за која неопходно е завршувањето на обврските
Заменик-претседателот на Владата задолжен за европски прашања, Бојан Маричиќ, денеска се обрати на заедничката седницата на Националниот совет за евроинтеграции и Комисијата за европски прашања при Собранието на Република Северна Македонија, на која се разговараше за успешниот состанокот на Европскиот совет, од кој, како што се очекуваше, стигнаа охрабрувачки пораки за проширувањето на Европската Унија од земјите членки дека европската перспектива на земјите од Западен Балкан е извесна и остварлива.
Заедничката седница на Националниот совет за евроинтеграции и Комисијата за европски прашања го претставува вистинското место за разговор, на која можеме да ја нагласиме успешноста на севкупниот скрининг-процес, која исто така беше нотирано и од Европската комисија во годинешниот извештај за напредок на нашата држава, а и недвосмислено ни беше кажано и минатата недела, на 7 декември во Брисел, кога го затворивме последното Поглавје 31 од скрининг-процесот.
Подготвени сме за следната фаза од преговорите за која неопходно е завршувањето на обврските од преговарачката рамка за пристапување на Република Северна Македонија во Европската Унија, која ја усвоивме на 19 јули 2022 година. „Уставните измени се влог за нашата иднина, без да изгубиме ништо. Напротив, ја прави европската перспектива на земјата реална и остварлива.
Маричиќ се осврна на фактот дека на 13 ноември 2023 година пристигна официјалното писмо од страна на шпанскиот претседавач со КОРЕПЕР во име на претседателство со Советот на ЕУ за условите под кои Северна Македонија може да ги отвори преговорите за Кластерот 1 – Фундаментални вредности.
Во писмото се наведува дека по завршениот скрининг за Кластерот 1, Европската Унија смета дека може да се предвиди отворање на овој кластер откако ќе се заврши фазата на пристапните поговори, во која ќе бидат подготвени и донесени двете одредници: патоказот за реформи во јавната администрација и патоказот за поглавјата за владеење на правото со придружен акциски план.
Како институција задолжена за координација на евроинтегративниот процес, Секретаријатот за европски прашања уште во јуни оваа година почна со активности за подготовка на овие документи преку континуирани средби и консултации со сите надлежни институции. При подготовката на сите документи нашата администрација, пред сѐ, ги имаше предвид скрининг-извештајот за Кластерот 1 и извештајот за напредокот на државата, при што се обидовме да ги адресираме најголмите недостатоци во клучните области.
Паралелно со ова, СЕП во координација со МНР почна со подготовка на нацрт-акциски план за заштита и унапредување на правата на припадниците на малцинствата и заедниците, кој треба да се гледа во корелација со патоказите, пред сѐ, со тој за владеење на правото.
Морам да напоменам дека од самиот почеток нашата администрација е во постојана комуникација со службите на Европската комисија, со цел да дојдеме до заеднички прифатлив документ, кој потоа треба да биде прифатен и од земјите членки.
Во своето обраќање вицепремиерот Маричиќ им се заблагодари на сите вклучени институции, вработените во Секретаријатот за европски прашања, релевантните министерства, кои вредно работеа на скринингот и беа од најголем придонес за успешниот исход.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денес свечено примопредавање на претседателската функција
Во Кабинетот на претседателот денес ќе се одржи официјална церемонија на примопредавање на функцијата Претседател со највисоки државни и воени почести.
По свечената церемонија новоизбраната претседателка Гордана Силјановска Давкова и досегашниот претседател Стево Пендаровски чијшто мандат истекува денес, предвидено е да остварат тет-а-тет средба.
Државната изборна комисија вчера и’ го издаде уверението за избран претседател на Гордана Силјановска-Давкова. Во текот на денешниот ден таа пред пратениците во Собранието ќе даде свечена изјава.
Скопје
Посебен режим на сообраќај во Скопје
СВР Скопје ги известува граѓаните на Скопје дека од 08.30 часот до 10.30 часот, поради одржување на улична трка, од страна на Единицата за безбедност на патниот сообраќај при СВР Скопје ќе бидат преземени мерки за посебен режим на сообраќај и тоа по сообраќајниците по кои ќе се движат натпреварувачите, кои имаат стартна позиција на бул.„Илинден“–локација Фонтана, ќе се движат по бул.„Илинден“ до крстосница со ул.„Никола Парапунов“, потоа до крстосница со бул.„Партизански одреди“, десно (кон населба Ѓорче Петров) до мостот Влајко, каде што вртат полукружно и назад по истиот коловоз до крстосницата со ул.„Љубљанска“, каде вртат полукружно и по истиот коловоз се враќаат назад на ул.„Никола Парапунов“ и по бул.„Илинден“ до целта на локација Фонтана на бул.„Илинден“.
СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
Македонија
Сончево време, попладне со зголемена облачност и температура до 26 степени
Времето претпладне ќе биде сончево со умерена облачност. Попладне наместа ќе има зголемена облачност со краткотраен пороен дожд и услови за ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 11, а максималната ќе достигне од 19 до 26 степени.
Во Скопје сончево со умерена, а попладне зголемена облачност. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 24 степени, јавува УХМР.
Во следните денови времето ќе биде променливо облачно со сончеви периоди. Во попладневните часови ќе има локална појава на нестабилна облачност со пороен дожд и грмежи, особено во вторник, кога дневните температури ќе опаднат за неколку степени.