Македонија
Најчевска: Твоја партија предлага изборот на судии и обвинители да го вршат странски независни експерти
Твоја партија предлага сè до воспоставувањето цврст систем на правила, процедури и критериуми, кои ќе оневозможат какво било мешање на политичките партии во изборот на кадрите и во работењето на овие институции, изборот на судии и обвинители да го вршат странски независни експерти врз основа на претходно поставени правила, процедури и критериуми и спроведени тестирања базирани на најдобрите пракси во ЕУ-државите, објави професорката Мирјана Најчевска.
„Имајќи го предвид континуираниот деградирачки тренд во дејствувањето на Републичкиот судски совет и на Советот на јавните обвинители, многуте негативни извештаи за работата на овие институции и неспособноста на актуелната (исто како и на претходната власт) да иницира соодветни промени, Твоја партија бара нивно итно распуштање и префрлање на нивните надлежности на експертски групи делегирани од ЕУ.
Повеќе е од очигледно дека овие институции вака како што се структурирани и особено во ситуација кога изборот на нивните членови е под директен диктат на владејачките политички партии, не само што не придонесуваат за позитивни промени во правосудството туку стануваат извор на неправо и ја продлабочуваат веќе катастрофалната состојба во нашето правосудство“, вели Најчевска.
Според неа, секоја до сега предложена интервенција во моментот ќе претставува само козметичка промена, која, како што додава таа, нема да влијае на актуелната состојба на Републичкиот судски совет и на Советот на јавните обвинители, кои се профилираа како партиски поделени институции, кои не ја остваруваат својата основна надлежност, не ги штитат правата и слободите на граѓаните и наместо да се занимаваат со правораздавање, се исцрпуваат во изнаоѓање начини за поддршка и заштита на политичките партии и, пред сè, на високите функционери во овие партии.
Ова, според Најчевска, мора да биде привремена мерка и треба да послужи, пред сè, за хармонизација не само на нашето законодавство туку, пред сè, нашата пракса со праксата на ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Спасовски: Насилниците од 27 април никако не смее да се нарекуваат уставобранители, ниту пак да бидат помилувани
Денешниот ден 27 април не смее да биде заборавен, ова е најцрниот ден во историјата на македонската демократија, рече денеска на прес-конференција, Оливер Спасовски, носител на ИЕ2 од СДСМ.
„На 27 април 2017 година се случи напад на Собранието, со план да се убијат пратеници, новинари и стручни служби на Собранието. Насилници коишто беа поттикнати од ВМРО-ДПМНЕ влегоа да ја остварат оваа цел. Затоа никако не смееме да дозволиме насилниците да се нарекуваат уставобранители, ниту пак да бидат тие коишто ќе бидат помилувани и на коишто ќе им биде простено за стореното“, рече Спасовски.
„Затоа е многу важно да разбереме сите дека овој десничарски режим во тоа време направи удар врз Уставот, државата и демократијата. Важно е да знаеме дека ваквиот пристап на една политичка партија може да ја сруши демократијата и слободата на граѓани и државата“, изјави тој.
Прес конференцијата се одржа пред Собранието каде беше поставен видео бим на кој се емитуваа снимки од инцидентите во Собранието. Веднаш до видео-бимот беа расфрлани и неколку искршени столчиња и други предмети.
Македонија
Стојаноска: Да се обединиме околу ВМРО-ДПМНЕ, за конечно ДУИ и СДСМ да ги испратиме во опозиција
Носителката на листа од коаилициката Твоја Македонија предводена од ВМРО-ДПМНЕ во изборната единица 6, Дафина Стојаноска се обрати пред тетовчани.
Дафина Стојаноска истакна дека е време за целосно обединување на сите, без разлика на партиска, верска или национална определба. Раката на ВМРО -ДПММЕ е подадена, време е ДУИ и СДС да заминат во опозиција.
Вчерашниот мини-митинг во старо Тетово – Под Балтепе испрати силна порака дека тетовчани ги има и се со одличен резултат во првиот круг претседателски избори. Мотивирани се и за 8-ми мај. Велат дека е редно оваа криминална власт да се испрати во пензија и да дојдат луѓе кои со работа ќе го покажат патриотизмот кон Македонија.
Македонија
Ковачки: 1 милијарда евра ќе се слеат од централниот буџет во општинските буџети
1 милијарда евра ќе се слеат од централниот буџет во општинските буџети, ветува носителот на третата изборна единица на ВМРО-ДПМНЕ, Драган Ковачки.
„Само за Кочани планираме да одвоиме 17 милиони евра во првиот четири годишен мандат. И тука предвидуваме продолжување на експресниот пат Кочани до Делчево, реконструкција на патот Кочани до Зрновци, секако целосна реконструкција на железничката линија Кочани до Велес и во градот Кочани предвидуваме изградба на катна гаража, изградба на старечки Дом и јужниот булевар. Така што ова е еден инвестициски бум кои што ги чека нашите општини после промената на власта. Ги повикувам сите граѓани на 8мај да ни се приклучат, за проекти, реформи и да си ја вратиме Македонија повторно горда и твоја“, изјави Ковачки.