Македонија
НСДП: Да ги потиснеме емоциите, да дозволиме да надвладее разумот за името
Новиот Извршен одбор на НСДП на својата конститутивна седница што ја одржа вчера даде целосна поддршка на постигнатиот договор помеѓу владите на Република Македонија и Република Грција за решевање на 27-годишниот спор за името.
„По повеќе години изгубени во изолација, авторитарно владеење, нарушени односи со соседите, националромантичарски манипулации со чувствата на народот, популизам, зад кој се криеја лукративни и коруптивни интереси на политички елити, Македонија дојде до точка на пресвртница. Еден од најтешките проблеми со кои се соочувавме од осамостојувањето до денес, кој нè држеше на маргините од демократските политички текови на Европа, со потписите на премиерите на Македонија и Грција се направи првиот чекор за негово надминување. Со потпишувањето на спогодбата за решавање на проблемот за името пред Македонија се отворија перспективи за воведување цивилизациски и европски вредности во управувањето со државата. Решението е повеќе од билатерално, во себе носи стабилизација на регионот и градење пошироко регионално стратегиско партнерство во напорите за зачленување во ЕУ и НАТО.
Македонскиот јазик и идентитет се загарантирани, добиваат меѓународен легитимитет. Посебноста на македонскиот народ не е на ниту еден начин загрозена, генерирањето стравови кај граѓаните дека се загрозува опстанокот на македонскиот народ, е производ само на рудиментирани и компромитирани политики на центри, кои своето политичко егзистирање го темелат на национализам и политичка митологија свртена кон минатото, кон изолацијата“, е ставот на партијата.
Стратешките определби за ЕУ и НАТО по потпишувањето на спогодбата наметнуваат императив од брзо спроведување на сите формално-политички процедури за нејзино целосно имплементирање. Пред нас е историски момент, нов Илинден, се отвораат европските перспективи пред Македонија, се отвора ново поглавје во историјата на државата, што бара од сите политички фактори, без одложувања и какви било пролонгирања, да се вклучат во донесувањето на сите неопходно одлуки што ќе значат спроведување на решението на проблемот за името.
НСДП смета дека од одговорноста на сите политички партии и политички фактори во овие денови зависи дали ќе си ја завршиме преземената обврска во пресрет на Советот на ЕУ и самитот на НАТО. Сите политичките партии што партиципираат во Собранието, вклучително и на претседателот, во овие моменти потребно е да пристапат кон рационално согледување на политичките и економските перспективи кои се отвораат за идните генерации, неопходно е да демонстрираат нов начин на водење на политиката во земјата, начин што значи изградено чувство за подабар квалитет на живот за сите граѓани на Македонија. Себичните политички калкуции, проследени со реторика на поттикнување ирационални стравови кај граѓаните дека некој нешто сака да им земе, да ги поништи, не е ништо друго, тука отворање на вратата кон пропаста на државата.
„Пред нас се два клучни датума, на кои историската одговорност на актуелната политичката генерација за зачувување на државата ќе биде верификувана на 28 јуни од страна на Советот на ЕУ со добивање датум за почеток на преговорите и на 12 јули со самитот на НАТО. Со отворањето на вратите на НАТО и ЕУ за Македонија, освен безбедносни гаранции, ќе се стекнеме и со институции што гарантираат демократија, владеење на правото, човекови права и слободи и, секако, економски бенефици. Македонија ќе ја заокружи својата државност. Граѓаните ќе имаат фер шанса на референдум да преземат дел од историската одговорност и да одлучат за тоа во каква држава ќе живеат идните генерации. Во пресрет на оваа одлука граѓаните треба да ги потиснат емоциите, да дозволат да надвладее разумот затоа што само на тој начин може да се изгради реален однос кон оваа прашање и да се согледа дека патриотизмот во 21 век, век на растечка политичка и економка меѓузависност на државите, се состои во препознавањето на фактот дека егзистенцијата на нациите, односно на државите, нè води преку патот на самоизолација од модерните политички текови“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Премиерот од Форино, ако до сега не знае дека сам треба да си го уреди сопствениот двор, таа лекција ни денес нема да ја научи“, велат од Град Скопје
На денешната прес-конференција во Владат6а, в.д. премиерот Талат Џафери избегнува одговорност и манипулира со некакви процедури само за него познати лажејќи дека сопственост и надлежност на Град Скопје и ЈП „Паркови и зеленило“ било да се грижат за зеленилото во Владата, реагираат од Град Скопје.
„Талат Џафери, ако до сега не знае дека сам треба да си го уреди сопствениот двор, таа лекција ни денес нема да ја научи сигурно. Од в.д. премиерот од Форино, кој кога излегува од дома до Владата ги гаси попатно сите семафори и прави хаос во градот, не е ни очекувано дека би требало да знае која е неговата обврска, тој само знае какви бенефиции може да искористува.
ЈП „Паркови и зеленило“ ги одржува градските булевари и парковни површини, кои се надлежност на претпријатието во согласност со законот, а ако сака в.д. премиерот Талат од Форино да ги ангажира да работат во Владата, за тоа треба да си склучи договор, исто како и секоја друга институција во Македонија“, се наведува во реакцијата на Град Скопје.
Техничкиот премиер Талат Џафери, по денешниот отчет за сработеното во првите 100 дена од Владата што ја предводи, даде објаснување за порасната трева околу Владата за што имаше многу реакции од граѓаните. Одговарајќи на новинарско прашање за тревата, Џафери објасни дека тоа е обврска на Град Скопје, па од таму и изборниот резултат на партијата што ја предводи градоначалничката на Скопје, Данела Арсовска.
Скопје
Посебен режим на сообраќај в недела во Скопје
СВР Скопје ги известува граѓаните на Скопје дека на 12.5.2024 (недела) од 8.30 до 10.30 часот, поради одржување улична трка, од страна на Единицата за безбедност на патниот сообраќај при СВР Скопје ќе бидат преземени мерки за посебен режим на сообраќај, и тоа на сообраќајниците по кои ќе се движат натпреварувачите, кои имаат стартна позиција на булеварот Илинден – локација Фонтана, ќе се движат по булеварот Илинден до крстосницата со улицата Никола Парапунов, потоа до крстосницата со булеварот Партизански одреди, десно (кон населбата Ѓорче Петров) до мостот „Влајко“, каде што вртат полукружно и назад по истиот коловоз до крстосницата со улицата Љубљанска, каде што вртат полукружно и по истиот коловоз се враќаат назад на улицата Никола Парапунов и по булеварот Илинден до целта на локација Фонтана на булеварот Илинден.
СВР Скопје апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Македонија
Пеевски до Мицкоски: Од вас се очекува правилно да го исполните договорот, Бугарија направи голема работа
Нема да дозволиме Бугарија да се користи за внатрешнополитички цели во Северна Македонија, наведува претседателот на ДПС од Бугарија, Дељан Пеевски.
„Зборовите на лидерот на партија со тврдења од нашата соседна земја дека ќе чека поразумен премиер се апсолутно недозволиви и неприфатливи. Нема оправдување Северна Македонија да се оттргне од свјот евро-атлантски пат“, вели Пеевски и му се обраќа на претседателот на македонската партија ВМРО-ДПМНЕ, Христијан Мицкоски:
„Сакам да му се обратам на господинот Миткоски: нема да има бугарски премиер што ќе оди спротивно на интересите на Бугарија. Од вас се очекува правилно да го исполните договорот потпишан со Бугарија. Ве потсетуваме дека Бугарија како држава направи многу со поддршката за Северна Македонија, чие место треба да биде членка на ЕУ“, вели Пеевски.