Македонија
Отворен стечај за „Еуроникел“, 670 вработени побаруваат 2,1 милион евра за четири неисплатени плати

Основниот суд Кавадарци отвори стечајна постапка за фабирката „Еуроникел индустри“ откако барања за стечај поднесоа компанија од Прилеп за долг од 10.000 евра, јавно претпријатие од Кавадарци и вработените преку Синдикатот за четири неисплатени плати. За стечаен управник е назначен Ацо Петров, кому ова нема да му биде прва стечајна постапка за фабриката, а стечајна судијка е Елизабета Петковска.
Привремената стечајна управничка, Љубица Зајкоска, на денешното рочиште презентираше извештај за финансиската состојба на фабриката според кој фабриката од 2019 до 2022 година била во добивка, но последната година добивката била 26 пати помала отколку добивката во 2019 година. За 2022 година фабриката има вкупни побарувања од 5,7 милијарди денари, а обврски во висина од 4,8 милијарди денари.
Вкупно 670 вработени во „Еуроникел“ имаат побарување од 130 милиони денари или 2,1 милион евра за четири неисплатени плати.
Според извештајот, „Еуроникел“ нема недвижен имот оти сега е сопственост на банката, но има возила, готови производи од никел, канцелариска опрема со залихи и авто-делови.
И по отворањето на стечајот вработените стравуваат околу исплатата на четирите неисплатени плати.
„Стечајот се отвори, но во исто време ни потврдија дека компанијата нема никаков недвижен имот. Што ќе продаде стечајниот управник за да ни ги исплати платите? Сиот движен имот нема да ги покрие платите, има резевни делови кои вредат, но ќе треба многу долго време за тие да се продадат. Единствен начин, реален за нас за брзо да ни исплатат е ако се продаде никелто во печката. Тој е вреден 5-6 милион евра, но не знеме дали Комерцијална банка ќе го куши од стечајот оти печката е во нивна сопственост и се уште се грее, се одржува во работна состојба. Не знаеме дали Комерцијална банка или некој друг ќе го купи тој никел за да може брзо да ги змемеме платите“, прашуваат вработените во „Еуроникел“.
Стечајниот управник Петров не беше достапен за изјава по рочиштето за да објасни каков план има за исплата на платите. Тој и претходно беше стечаен управник на „Фени“, во времето кога фабриката беше државна сопственост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Карпош, Студеничани, Ѓорче Петров и Сопиште денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 07:30 до 14:00 часот, дел од корисниците од населба Бардовци, (во околината на фирмата СВИСЛИОН), општина Карпош;
· од 09:00 до 11:00 часот, корисниците од селата: Елово, Црн Врв и Малчиште, општина Студеничани;
· од 09:00 до 15:30 часот, корисниците од дел од ул. Трајко Бошковски, општина Ѓорче Петров;
· од 13:00 до 15:00 часот, корисниците од дел од село Добри Дол, општина Сопиште.
Македонија
Изменет сообраќаен режим во наредните четири дена во Скопје кај кањонот Матка-реката Треска

Секторот за внатрешни работи Скопје ги известува граѓаните дека поради одржување на Европските младински игри Скопје 2025 во кајак на реката Треска-кањон Матка, ќе биде воведен посебен сообраќаен режим во тој дел од градот Скопје и тоа во понеделник, вторник и среда од 08 до 14 часот, а во четврток од 08 до 16.30 часот.
„Апелираме до граѓаните да ги почитуваат наредбите на полициските службеници, со цел да се обезбеди безбедно одвивање на сообраќајот“, велат од МВР.
Македонија
(Видео) Спасувачка мисија на полицискиот хеликоптер во струмичко

Вчера полициски хелиокптер од типот Бел-412 од Одделот за воздухопловни единици дејствуваше на пожар во Василево, село Нивичино.
Поради разгорување на пожарот и опасност кон викендици и лица што дејствуваат во гаснење на пожарот полицискиот хеликоптер со прецизни налети дејствуваше во близина на патот и објектите кои што беа обиколени со пожар за да се обезбеди безбеден премин и да можат екипите од терен на безбедно да извршат евакуација на загрозените лица и да се повлечат на безбеден терен.