Македонија
(Видео) Павле Богоевски најави оставка
![](https://makfax.com.mk/wp-content/uploads/2019/05/60740786_1297977200350586_757137077119746048_n.jpg)
Пратеникот Павле Богоевски најави дека ќе поднесе оставка по скандалот со аудиоснимката објавена на руската мрежа „Вконтакте“, а на која се тврдеше дека Богоевски е снимен како нарачува кокаин. Богоевски потврди дека тоа е неговиот глас, но рече дека не нарачувал кокаин, туку масло од канабис.
Богоевски ја најави оставката на Комисијата за мандатно-имунитетни прашања, со која претседава, а на која денеска на дневен ред е одземањето на пратеничкиот мандат на поранешниот премиер Никола Груевски, откако ВМРО-ДПМНЕ побара прва точка на дневен ред да биде аферата на Богоевски во согласност со етичкиот кодекс на пратениците.
Тој во емотивен говор порача дека одлуката за оставка ја донел веднаш по скандалот, во моментот кога самиот се пријавил во полицијата, но чекал Собранието да ги изгласа безбеднoсните рефрми, а тој да биде присутен, а втората причина е седницата за одземањето на мандатот на пратеникот во бегство, Никола Груевски.
Оставката што ја најави Богоевски ќе важи по гласањето на седница за предлогот за одземање на мандатот на Груевски.
Богоевски ги повика своите колеги од пратеничката група на ВМРО-ДПМНЕ етички да гласаат за одземање на мандатот на Груевски.
„Сега не е прашањето веќе за Павле Богоевски, туку дали пратениците од ВМРО-ДПМНЕ ќе постапат етички и ќе гласаат за одземање на мандатот на Никола Груевски бидејќи ако нема место во Собранието за пратеник што нарачувал масло од канабис за медицинска употреба на блиска личност, тогаш сигурно нема место во Собранието за некој што со парите на граѓаните избега во Унгарија“, рече Богоевски.
По завршувањето на обраќањето, тој ја прекина седницата и рече дека во продолжение ќе претседава неговата заменичка.
Говорот беше проследен со аплауз од пратениците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Перински во Ѓорче Петров: Заедно со граѓаните ќе ги надминеме сите предизвици од секојдневното живеење
![](https://makfax.com.mk/wp-content/uploads/2025/02/9-10.jpg)
Во рамки на теренските посети „Каде што срцето е дома“, министерот за локална самоуправа, Златко Перински, и неговиот заменик, Ерџан Селими, вечерва во Домот на културата во Ѓорче Петров, остварија средба со граѓаните, претставниците на невладиниот сектор, спортските и културните работници, со цел да ги слушнат нивните идеи и предлози во насока на понатамошниот развој на општината.
Во конструктивна и отворена дискусија, граѓаните изнесоа конкретни предлози во повеќе области, од подобрување на инфраструктурата, преку поддршка за спортските и културните иницијативи, до засилување на механизмите за партиципативно учество на жителите во носењето на одлуките на локално ниво.
Министерот Перински ја истакна важноста на ваквите директни средби со граѓаните и потенцираше дека Министерството за локална самоуправа останува посветено на поддршката на општините преку програми кои обезбедуваат балансиран локален развој.
„Нашата обврска е да бидеме постојано на терен и да ги слушнеме реалните предизвици со кои се соочуваат граѓаните. Само преку ваков пристап можеме да создадеме одржливи решенија кои ќе одговараат на вистинските потреби на локалното население. Ѓорче Петров е општина со голем потенцијал, а Владата ќе продолжи да работи на создавање подобри услови за нејзините жители“, истакна Перински.
Еден од клучните приоритети кои граѓаните ги посочија беше подобрувањето на локалната патна инфраструктура, обновата на тротоарите и осветлувањето во одредени делови од општината. Жителите апелираа и за поефикасно одржување на јавните површини, како и за изградба на нови рекреативни зони и детски игралишта.
Претставниците на спортските клубови побараа зголемена поддршка за младинскиот спорт, подобрување на спортските капацитети и поедноставени процедури за добивање финансиска поддршка од страна на институциите. Културните работници, пак, побараа повеќе можности за организирање на културни настани и проекти кои ќе ја зајакнат локалната уметничка сцена и ќе овозможат поголема видливост на младите уметници.
Македонија
Од март повисоки плати за 7% за наставниците и професорите
![](https://makfax.com.mk/wp-content/uploads/2020/09/119643133_359936905376919_4020642988019799548_n.jpg)
Верувам дека многу скоро ќе се случи потпишувањето на новиот колективен договор за подобрување на правата на вработените во основните и средните училишта, а во оваа прилика сакам да информирам, тие во март годинава ќе го добијат второто покачување на платите за 7%, откако во октомври минатата година го добија првото за 5%, истакна министерката за образование и наука проф. д-р Весна Јаневска на средбата со претседателот на СОНК, Јаким Неделков.
Оваа средба е продолжение на конструктивниот социјален дијалог, во насока на усвојување нов колективен договор за основното и средното образование.
-Постигнат е голем исчекор напред, усогласени сме по однос на поголемиот дел од прашањата кои ги засегаат вработените во училиштата, а денес нашите преговори продолжуваат за да ја завршиме целосно работата на која се обврзавме ние како Влада од една страна и СОНК од друга страна, изјави Јаневска.
Министерката потенцираше дека за прв пат растот на платата е поврзан со степенот на инфлација, за да се обезбеди реално зголемување на приходите на вработените во основното и средното образование.
Македонија
Платформата на „СКОПСКО” продолжува со својата мисија за заштита на нашите природни богатства
![](https://makfax.com.mk/wp-content/uploads/2025/02/3-17.jpg)
Платформата за општествена одговорност на „СКОПСКО“, „Наша гордост. Наша одговорност. “ докажа дека заедничката акција носи вистински промени. Во изминатите две години, во кои во фокус беше Охридско Езеро, преку многубројни еколошки иницијативи – од чистење на природното богатство до поттик за селектирање – граѓаните се мобилизираа за позелена иднина.
„СКОПСКО“ во 2024 година организираше две големи акции за чистење на Охридско Езеро. Во јуни, 170 волонтери и нуркачи собраа 120 кубни метри отпад од брегот и дното на езерото.
Во октомври, со поддршка од нуркачкиот клуб „Амфора“, беа отстранети 3.800 метри напуштени рибарски мрежи, кои го загрозуваа езерскиот екосистем. Со чистење на овие т.н, мрежи духови се обновуваат местата каде што порано се мрестеле пастрмките што придонесува кон враќањето на ендемските видови во нивната природна средина.
Оваа платформа, меѓу другото, има цел да ги едуцира и да ги поттикне граѓаните да селектираат и самите да направат промена со која ќе ги заштитат нашите природни убавини.
Преку апликацијата „Екомак “, „СКОПСКО“ воведе промотивна акција “Поен за тебе, поен за природата!“, која им овозможува на граѓаните да селектираат амбалажа и да собираат „зелени поени“. За таа цел Пивара Скопје преку „СКОПСКО“ донираше две нови вендинг машини во Охрид и Струга. За два месеца беа собрани 120.000 парчиња амбалажа, а иницијативата продолжи низ целата држава.
Оваа година „СКОПСКО“ продолжува со активности во рамки на платформата, овој пат со фокус на нашите планини.
Од март ќе почнуваме со кампања „Заедно се грижиме за планините“ преку која, од секое продадено шише „скопско“ или „скопско смут“ со специјална етикета, ќе се собираат средства за активности посветени на чистење и обезбедување урбана инфраструктура на нашите планини.
ПР текст