Македонија
Пендаровски: Останувам посветен на интегративните процеси, членството во НАТО е наследство што ќе го оставиме на идните генерации

Кандидатот за претседател, Стево Пендаровски, денеска се повлече од учеството во Комитетот за интеграција на Република Северна Македонија во НАТО-алијансата.
„Ми беше голема чест и задоволство да го предводам процесот за влез на нашата држава во НАТО-алијансата. Денеска официјално се повлекувам од Комитетот за интеграција во НАТО. Како претседател ќе продолжам посветено да работам за приближување на нашата земја до меѓународната заедница и одржување на односите со нашите соседи и земјите во регионот. Подготвен сум уште попосветено на работам на остварување на врвните државни и национални интереси како што е целосната интеграција во ЕУ и НАТО“, порача Пендаровски.
Тој посочи дека влезот во НАТО е навистина важен и долгоочекуван чекор, којшто освен безбедност и стабилност значи и посилна економија, повеќе странски инвестиции, повеќе и подобри работни места.
„Веќе се видливи резултатите од членството во НАТО. Во 2018 година имавме рекордна сума од 625,5 милиони евра странски инвестиции, што е најмногу во последните 9 години. Членството во НАТО е наследство што ќе го оставиме на идните генерации и истовремено е важен чекор за успешно решавање на сите внатрешни и надворешни предизвици“, заклучи Пендаровски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.