Македонија
Петкоска: Се чукавте во гради со недела неработен ден, а сега им налагате на работниците да работат 72 часа неделно
Да беше денес овде Јагода Шахпаска, поранешна министерска за труд и социјала, ќе ја прашав што стана со оние 92 процента од граѓаните што ќе се одмораа во недела и колку проценти од работниците ќе може да практикуваат семејни, но и социјални дружења, колку се гордее за извојуваната битка за работничките права и за недела слободен ден. Еве сега ја прашувам Јована Тренчевска како битката за работнички права мистериозно исчезна по само една година, нели нивниот труд треба да се вреднува, праша пратеничката од ВМРО-ДПМНЕ, Лидија Петкоска, на денешната собраниска расправа во врска со законските измени поради изградба на коридорите 8 и 10 д.
„Со работна недела од 72 часа кој очекувате да се грижи за децата, што ќе стане со продуктивноста на работниците. Законот за работните односи ја истакнува заштитата поради родителство и работниците имаа права по тој основ, а работодавецот има обврска да го овозможи тоа. Се чукавте во гради за недела неработен ден. По една година, блесокот на еврата ги засени правата на работниците и им налагате да се одречат од своето стекнато уставно право“, рече Петкоска.
Пратеничката праша кои работници ќе ги градат коридорите, слушнавме тоа ќе биле македонските работници, а на странците им давате да работат веднаш без работна дозвола.
„Како ги терате работниците да работат од утро до мрак и го злоупотребувате европското знаме. Кога станува збор за криминалот, веќе ништо не ве интересира, од најдобра работа изградбата на коридорите прерасна во една од најкоруптивните зделки, експресно менувате закони кога треба да ставите народни пари во џебот, кога станува збор за провизии ги прекршивте сите процедури“, заклучи Петкоска.
Според неа, со овој неуставен закон и дискриминаторски закон се губи придобивката 8-часовното работно време, која е од синдикалното движење во далечната 1876, а со ова денес поддржувате присилна работа.
Петкоска заклучи дека се гледа крајот и оти оваа тиранија ќе сопре бргу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски: Ароганцијата на оние кои дозволија отварање на бугарски клубови во Македонија е ненадминлива
Движењето ЗНАМ – За наша Македонија денеска по повод празникот на трудот Први Мај организираше пикник во Пелинце. Претседателот на движењето ЗНАМ, Максим Димитриевски во изјавата за медиумите им го честиташе празникот на сите граѓани и работници и им посака здравје, успех и среќа.
Тој рече дека работничката класа е онаа што ја дигнала Македонија да стане држава.
Димитриевски рече дека истовремено сака да испрати порака до актуелното раководство на СДСМ.
„Истите тие коишто дозволија да се отвараат бугарски клубови кои го содржат името Ванчо Михајлов во текот на нивниот мандат и ја згазија не само социјалдемократијата, туку и илинденските и асномските левичарски вредности и принципи, не обвинија дека сме човек партија. Нивната ароганција е ненадминлива. Ова раководство на СДСМ, со овој арогантен пристап ја доведе партијата до историски најслабиот резултат.
Не само што ја навредија ЗНАМ, лично мене, навредија и уште 84 илјади граѓани кои го дадоа својот глас за движењето ЗНАМ-ЗА наша Македонија. Ниското ниво на комуникација нема да го прифатиме. Но, како и да е, ние позитивно продолжуваме понатаму и чест ми е што
денеска токму овде традиционално во Меморијалниот центар Пелинце- АСНОМ, каде што се удрени темелите на современата македонска држава, гледам голем број на мои поранешни соборци и сопартијци, коишто ни се придружија на овој настан во организација на Движење ЗНАМ – За наша Македонија и нивниот број секојдневно расте.
За разлика од раководството на СДСМ, тие ја прифатија подадената рака. Нашата цел е да продолжиме да ги обединуваме граѓаните и ние ќе работиме исклучиво во интерес на Македонија, државните и националните интереси“, порача Димитриевски.
Македонија
Стојаноска: Со платформата 1198 ќе имаме широк дијалог со синдикатите, жестока борба со корупцијата и економска трансформација
Денес унијата на жени на ВМРО-ДПМНЕ од Брвеница во дворот на црвата Св. Никола во Челопек организираше одличен настан во кој учество имаа земено и млади девојки во поречка носија оттука го честитаме први мај меѓународниот ден на трудот и се обврзуваме како идна влада со програмата платформа 1198 дека ќе имаме широк дијалог со синдикатите, дека ќе направиме економска трансформација од која ќе бидат задоволни сите граѓани на Република Македонија, рече Дафина Стојаноска, носител во изборната единица шест.
„Ветуваме жестока борба со корупцијата и секако конечно завладејување на правото. Македонија мора повторно да биде твоја и повторно да биде горда“, вели Стојаноска.
Македонија
Минимална плата од 450 евра во првите 100 дена од новата влада, побараа синдикалците
Синдикалците бараат минимална плата во износ од најмалку 450 евра, исплата на трошоците за храна во висина од 20 проценти од просечната плата и исплата на трошоците за превоз.
Тие порачаа дека после 8 мај, кој и да дојде во владата, треба да ги исполни нивните барања во првите 100 дена.
„Бараме најниската плата да биде иста како таа во регионот односно минимум 450 евра. Исто така, бараме враќање на загубеното право во 2009 година, додаток за храна и превоз“, рекоа од Синдикатот на работниците.
Оттаму порачаа дека бараат достоинствени плати за да не мора, како што рекоа, својата егзистенција да ја бараат во Хрватска, Црна Гора или други земји.
Синдикатите побараа и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука да им биде одземен Работничкиот дом, појаснувајќи дека со тоа се направени обиди за притисок врз синдикатите.