Македонија
Поради спор со името, ПСК „Чеплес“ четири години одбиван за членство во Федерацијата на планинари
Планинарскиот спортски клуб (ПСК) „Чеплес“ од Велес четири години се обидува да стане член на Федерацијата на планинарски спортови на Македонија. Барањата за членство им се одбиваат оти имаат исто име како и Планинарскиот дом „Чеплес“ за кај Федерацијата води судски спор со Општина Чашка, која домот го легализирала па го продала. Членовите на Планинарскиот клуб се револтирани од ставот на Федерацијата од каде им кажале дека поради истото име, можно е да биде утврден конфликт на интереси ако станат членови додека трае судскиот спор.
„Не не примаат во Федерацијата, а ни ги земаат парите што ги плаќаме за обуките за водичи. Ова е апсурд. Ако е во прашање членство во Федерацијата името е проблем, а кога е во прашање земање пари, нема проблем“, се пожалија членови на клубот на вчерашното изборно собрание на Федерација, пред да почне изборот на новото претседателство.
Членовите на „Чеплес“ кои вчера беа на седницата, велат дека немаат како да им ја објаснат состојбата на вкупно 100 членови што ги има клубот кои бараат членски книшки во кои ќе им се бележи секое искачување. Велат дека веќе го изгубиле трпението и подготвени се да преземат радикални мерки во однос на барањето за членство кои не исклучуваат судска постапка.
Јовица Угриновски, претседател на Федерацијата, кој вчера доби трет мандат на оваа функција, уште еднаш ги повика на трпение.
„Вашето барање за членство не е одбиено туку е одложено. Имајте трпение. Судскиот спор би требало да заврши за 15-16 дена и барањето ќе биде прифатено. Ви образложивме дека прифаќање додека трае судскиот спор може да се протолкува како конфликт на интереси“, рече претседателот Угриновски.
Велешкио „Чеплес“ е активно планинарско друштво чии членови ги посетуваат сите маршови но немаат печати оти немаат членски книшки од Федерацијата. Членови на „Чеплес“ имаат лични подвизи како што се искачувања на Арарат (5137), Дамаванд (5671), Елбрус (5642), Килиманџаро (5895), Монт Блан (4810) и многу други врвови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно, наместа со повремени врнежи од дожд
Времето денеска ќе биде променливо облачно, наместа со повремени врнежи од дожд. Ќе дува умерен, а долж Повардарието и во источните делови повремено засилен ветер од северен правец. Минималната температура ќе биде во интервал од 4 до 11, а максималната ќе достигне од 14 до 21 степен.
Во Скопје ќе биде променливо облачно со повремени врнежи од дожд. Ќе дува умерен ветер од северен правец. Минималната температура ќе се спушти до 8, а максималната ќе достигне 19 степени.
Во недела и понеделник времето ќе биде претежно сончево и потопло. Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.
Македонија
Џафери: Северна Македонија, европска земја со европски вредности и стандарди за сите граѓани
Претседателот на Владата на Република Северна Македонија, денеска присуствуваше и се обрати на гала настанот со кој се одбележува отворањето на новата музичка сцена во Тетово, односно, основањето на најновата институција на Албанците, Националната установа Музички ансамбл на Република Северна Македонија – Тетово.
Основањето на оваа установа претставува реализација на долгогодишното барање на кадрите кои откако ќе завршеа факултет по музика, немаа каде да го продолжат својот професионален пат. Сега, во рамките на оваа установа во која ќе се негува и развива вокалната и инструменталната сериозна музика, како и популарната и џез музика, ќе можат да го негуваат и усовршуваат својот талент и својата пасија сите љубители на овој жанр, соопшти Владата.
Премиерот Џафери имаше свое поздравно обраќање на настанот и притоа, истакна дека „оваа национална културна институција ќе го збогати културниот живот во Тетово, меѓутоа и во земјата“.
Меѓу другото, пЏафери информираше за одлуката на владината седница на предлог на Министерството за култура со која на оваа установа и се доделуваат на трајно користење простории кои се сега во државна сопственост, и додаде дека – „со основањето на Музичкиот ансамбл, придонесуваме кон подобрувањето на демократската рамноправност во нашата заедничка држава, Република Северна Македонија и во оваа област од општествениот живот“.
Македонија
Лукаревска од Кочани: Сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат
“На 8 мај само вие, со моќта на вашиот глас одлучувате во каква држава ќе живееме сите, ве повикувам на масовен одзив на двојните избори, на активно учество во креирањето на сопствената иднина бидејќи во демократијата најчесто гласовите на оние кои не излегуваат на гласање го одредуваат победникот. На дофат ни е членството во Европската унија, не дозволувајте да не тргнат од тој пат, алтернативата на тој пат е погубна за Македонија. И сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат и да не забораваме дека секогаш најтешките битки ги водел СДСМ, од осамостојувањето до денес, рече вечерва во Кочани Сања Лукаревска, носителка на листа на СДСМ и Коалицијата за европска иднина во третата изборна единица.
СДСМ е одговорна, граѓанска, државотворна партија. Секогаш сме тука и за државата и за граѓаните и во добро и во лошо, тоа е патриотизам, како што е патриотизам да ја преземете одговорноста за тешките одлуки во тешки времиња, рече Лукаревска.
“ Немам намера да ги покривам или минимизирам нашите пропусти, не ги сокриваме под тепих и не ги подметнуваме на друг и никогаш не сме дозволиле државата да биде на коленици, никогаш. И во оваа изборна програма наш приоритет над приоритетите е стабилна, безбедна, сигурна и просперитетна Македонија чии граѓани ќе имаат предвидлива, спокојна иднина. Следете нè, не се откажуваме, тргнавме по патот на трпението, пат без насилство, со разум, со работа и дијалог до богата држава со задоволни граѓани и затоа на 8 мај, заедно, за број 1 и во Кочани и во третата изборна единица и во целата држава”.