Македонија
Последното BMW X1 од бонус-играта „Заврти екоскутер тркало“ ќе се вози низ Скопје
Мартина Стојковиќ од Скопје е добитничка на второто BMW Х1 од бонус-играта „Заврти екоскутер тркало“. Марјана Станојковска и тимот на Државна лотарија ги предадоа клучевите од новиот автомобил на Стефанија, сестрата на Мартина пред салонот М – Кар во Скопје.
Среќната добитничка на прекрасниот автомобил BMW X1 за себе вели дека секојдневно се забавува со игрите на среќа на Државна лотарија. Доказ за нејзината упорност се и претходните помали добивки кои ги остварила од инстант-лотаријата. Иако Мартина не беше присутна на доделувањето поради оправдани причини, во телефонски разговор ни раскажа за нејзиното учество во бонус-играта „Заврти екоскутер тркало“. Имено, Мартина преку веб-страницата на Државна лотарија www.loto.mk регистрирала над 100 недобитни инстант-лозови Екоскутер. Нејзината желба да вози BMW постои од пред една година, кога го положила возачкиот испит. На денот на извлекувањето, Мартина и нејзиното семејство не биле во можност да следат Лото 7 затоа што го реновирале семејниот дом, кога одеднаш се јавиле блиски пријатели да честитаат затоа што токму името на Мартина се појавило на малите екрани после електронското извлекување.
Убава коинциденција е роденденот на Мартина наредниот ден, па како што вели таа, овој атрактивен автомобил е всушност остварување на роденденската желба.
Пресреќна за добивката, на сите играчи на игрите на среќа на Државна лотарија им посака истрајност и упорност, никогаш да не се откажуваат затоа што не знаеме кога среќата ќе ни се насмее.
Државна лотарија преку бонус играта „Заврти екоскутер тркало“ додели околу 2 300 000 денари парични добивки и две возила BMW X1 од кои првото се вози во Тетово, а второто ќе се вози низ Скопје.
Ви подготвуваме уште многу изненадувања наскоро, сè што треба да направите е да не следите на социјалните мрежи. Можеби токму вие ќе бидете следната среќна приказна која ќе ја раскажеме.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мојсоска: Усеини од ДУИ доби 500 000 евра од ДПМНЕ во Охрид
Охридската гимназија, цела година е со раскопан двор. Учениците се заложници на неспособната локална власт, предводена од ДПМНЕ. Парите на изведувачот му се исплатени, а работата ни оддалеку не е завршена.
,,На изведувачот, само за реконструкција на дворот му се исплатени 230.000 евра од страна на Општина Охрид, за моментално оваа слика што ја гледате позади мене да биде ваква – грда, раскопана, каллива, нереконструирана…”, вели Носителот на ИЕ5 и Генерален секретар на Левица, Јована Мојсоска, од местото каде веќе цела година се одвиваат наводните градежни активности.
Според Мојсоска, баснословната сума и тендерот за овој цела година – раскопан двор по кој газат учениците од Охрид, повторно се во рацете на т.н. ,,локален шериф” од ДУИ.
,,Овој тендер заврши во рацете на познатиот Нефи Усеини, кој е рекордер по бројот на дивоградби тука во општина Охрид. Дополнително, истиот овој човек доби 80.000 евра тендер – повторно од Општина Охрид за реконструкција на оградата од дворот на истово училиште. И како тоа да не е доволно, токму Нефи Усеини за оваа иста гимназија доби 50.000 евра за електрична инсталација. Сè на сè, овој познат функционер, Нефи Усеини, доби, речиси, 500.000 евра од страна на власта на ВМРО – ДПМНЕ.
Мојсоска потсети дека во минатото, токму Нефи Усеини, беше симбол на неказнивоста на функционерите на ДУИ.
,,Нефи беше ослободен за нападот на советникот. Нефи Усеини беше ослободен од кривично гонење кога неговата фирма, директно, го загадуваше Охридското езеро. А како симбол на владеењето на овој градоначалник во сенка, остана познатата дивоградба, Пицерија во Чинарот. За жал, и тука се постави дека без разлика кој е на власт, повторно локалните функционери на ДУИ, никој не може да ги допре”, додава Носителот на ИЕ5, Јована Мојсоска.
Македонија
На полноќ настапува молк пред вториот круг од претседателските и парламентарните избори
На полноќ завршуваат кампањите за вториот круг од претседателските избори и за парламентарните.
Кампањата за претседателските избори започна веднаш по првиот круг од изборите, додека дваесетдневната кампања за парламентарните избори на 18 април.
На полноќ започнува молкот пред изборите, кој завршува со затворањето на гласачките места на 8 мај во 19 часот.
Македонија
Во мај уште еден продолжен викенд
Денеска се одбележува вториот ден на Велигден според православниот календар и е неработен за сите граѓани на земјава.
Овој месец ни престои уште еден неработен ден, а тоа е 24 мај (петок) кога се одбележува „Св. Кирил и Методиј“ – Ден на сесловенските просветители.
За граѓаните од православна вероисповед неработен ќе биде 21 јуни (петок), Духовден, петок пред Духовден.
На 23 мај (четврток) се одбележува Националниот ден на Власите и ќе биде неработен за припадниците на оваа националност, додека 16 јуни (недела) муслиманите во земјвата ќе го слават Курбан Бајрам, а неработен ќе биде првиот ден на Курбан Бајрам.