Бизнисменот Зоранчо Митревски, кој е сведок во „Рекет“, а се претстави како почесен конзул на Латвија, рече дека бил зачуден кога во медиумите слушнал оти е осомничен во случај на СЈО.

Митревски рече дека за непосредното барање пари од него нерезидентниот амбасадор на Латвија го известил Министерството за надворешни работи.

„Побарав во СЈО да пријдам, да прашам за да не трпам повеќе штета. Компаниите секогаш се врзуваат со газдите. Бев зачуден кога се споменуваше цело име и презиме во медиумите. Нарушувањето на честа и угледот не се надоместува. Кога СЈО не ме удостои да ме прими за да дадам документи и да престане голготата, почна кокетирањето со мене, добронамерни посредници, па ми кажуваа дека не е страшно. Сето тоа го елиминирав, решив да одиме со законска процедура“, рече бизнисменот Митревски.

„Ние стискавме палци дека СЈО ќе донесе правда во Македонија, а за мене се претвори во кошмар. Во ноември мислам дека ми пристапи адвокатот Сашко Бошков и ми кажа што му кажал Бојан Јовановски, кој не беше опасност за мене, но сфатив дека приказната е многу поголема и сериозно се исплашив“, рече Митревски додавајќи дека го пријавил непосредното барање пари од него.

За барањето пари, Митревски го известил непосредниот амбасадор на Латвија во Македонија.

„Кога му кажав што се случило, беше непријатно. Амбасадорот го известил министерот за надворешни работи по што замина од државата. Од Министерството се обидоа да стапат во контакт на непосреден начин, а јас одлучив дека нема потреба да разговарам со нив бидејќи контактот е непосреден“, рече Митревски.

Митревски потенцира дека не размислувал да ги даде тие 2 милиона, кои, како што рече неговиот адвокат Бошков, му биле барани од Бојан Јовановски за да запрат истрагите што ги водело СЈО против него.

Додека бизнисменот Зоранчо Митревски сведочеше, обвинетиот Бојан Јовановски му се смееше. Бизнисменот потенцира дека Катица Јанева му влијаела на Бојан Јовановски.