Македонија
Прва конститутивна седница на Советот на социјална сигурност
Советот за социјална сигурност денеска ја одржа првата конститутивна седница во Министерството за труд и социјална политика.
Министерката Јованка Тренчевска во своето воведно обраќање до членовите на Советот ја истакна улогата на овој Совет која е од големо значење за заштита и промоција на социјалните права и интереси на корисниците на пензија, преку преземање мерки за унапредување на социјалната положба и подобрување на животниот стандард на корисниците на пензија.
„Подобрувањето на квалитетот на живот на старите лица и обезбедување достоинствена старост е еден од приоритетите на Владата на Република Северна Македонија и Министерството за труд и социјална политика. Во таа насока се сите политики и мерки кои заедно со граѓанскиот сектор, ги креираме и имплементираме“, истакна Тренчевска.
Таа се осврна на последните измени на Законот за пензиското и инвалидското осигурување, со кои се воведе нова методологија на усогласување на пензијата, а ќе почне со исплатата на септемвриските пензии. Согласно измените, пензиите ќе се усогласуваат со комбиниран модел од 50% пораст на просечната плата и 50% пораст на трошоци на живот.
Согласно дневниот ред на денешната седница, се изврши избор на претседател и заменик претседател на Советот за социјална сигурност. За претседател на Советот е избран д-р Стојанче Стефановски, а заменик претседател Станка Трајкова.
На седницата беа изгласани и измени на Деловникот за работа на Советот за социјална сигурност, согласно кои седниците ќе се свикуваат најмалку еднаш во годината, замена на отсутен член на Советот и седниците ќе ги отвора претставник на Министерството за труд и социјална политика.
Пред присутните членови на Советот беше образложена и Информацијата за состојбата со средствата за Солидарен фонд, согласно која средствата за посмртнина кои се исплаќаат од Солидарниот фонд, изминатиот период беа намалени, ќе се враќаат кај граѓаните. Притоа беше образложено дека, настаната ситуација е резултат на зголемениот број на починати пензионери во време на пандемија. При што, Одборот на регистрирана организација за Солидарен фонд донесе времена одлука за зголемување на износот за задршка за посмртна помош и намалување на средствата за исплата за посмртнина на 25.000 денари. Со право на исплата од 5000 денари до редовна исплата од 30.000 денари. Разликата од 5000 денари ќе почне да се исплаќа со јулската исплата на пензии.
Министерката Тренчевска на членовите на Советот им посака плодни и конструктивни седници на ова значајно тело чија цел е заштита и унапредување на социјалните права и интереси на корисниците на пензија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Муцунски се сретна со министерот за надворешни работи на Литванија: посебен акцент во разговорот ставен на европските интеграции
Министерот за надворешни работи и надворешна трговија Тимчо Муцунски денес и утре престојува во работна посета на Вилнус, Литванија. Во рамки на првиот ден од посетата, тој оствари средба со својот домаќин, министерот за надворешни работи Кештутис Будрис.
Двајцата министри изразија задоволство што посетата се реализира во годината кога двете држави одбележуваат 30 години дипломатски односи. Притоа, тие ја нагласија подготвеноста за унапредување на партнерството и соработката во повеќе области од заемен интерес.

Разговорите опфатија низа теми, меѓу кои билатералната соработка, координацијата во рамките на мултилатералните организации и партнерството во НАТО. Посебен акцент беше ставен на европските интеграции, при што беше нагласена потребата од заеднички и засилен ангажман за забрзување на процесот, особено во светло на претстојното литванско претседавање со Советот на ЕУ.

Муцунски ја изрази благодарноста за континуираната поддршка од Литванија, како и за солидарноста и помошта што државата ја доби по пожарот во Кочани.

Министрите разговараа и за актуелните безбедносни прашања, вклучително состојбата во Украина и предизвиците поврзани со европската безбедност и стабилност во регионот.
Македонија
Герасимовски: Општина Центар останува отворена за најмладите, учиме како се гради современа заедница
Во Општина Центар се одржа едукативна посета на ученици од повеќе основни училишта, во рамки на наставната програма посветена на локалната самоуправа и нејзиното функционирање.
Градоначалникот Горан Герасимовски на учениците им ја претстави работата на општинските служби, процесите на носење одлуки и начинот на кој локалната самоуправа ги реализира проектите што го подобруваат секојдневието на граѓаните. Децата учествуваа со прашања поврзани со урбанизмот, комуналните услуги и плановите на општината.
„Особено ми е драго кога најмладите покажуваат интерес за тоа како функционира нашата општина. Нивната љубопитност и желба за знаење се доказ дека градиме одговорни и свесни идни генерации. Општина Центар секогаш ќе остане отворена за вакви едукативни средби,“ истакна градоначалникот Герасимовски.
Во рамките на посетата беше реализирана и креативна работилница во соработка со младински и еколошки организации, со која учениците преку цртеж и игра учеа за важноста на заштитата на животната средина и одржливиот развој.
„Општина Центар продолжува да инвестира во младите преку едукативни програми, проекти и активности што ја поттикнуваат нивната вклученост во заедницата и градењето на подобра иднина“.
Македонија
Во Кучевишка Бара се гради нов спортско-рекреативен центар на 2000 метри квадратни
Градоначалникот на Општина Бутел, Дарко Костовски, денес изврши увид во градежните активности за изградба на новиот спортско-рекреативен центар во населбата Кучевишка Бара.
Комплексот ќе се простира на површина од 2000 метри квадратни и ќе вклучува фудбалско игралиште со висококвалитетна вештачка трева, детско игралиште, летниковец, нови клупи, парк и зелени површини.
Од Општина Бутел порачаа дека општината се менува, а маалскиот дух се негува, со цел да се создадат можности за редовно практикување спорт и рекреација за сите граѓани.

