Македонија
Презедовме мерки да го расчистиме случајот со бришење снимки од камерите, се огласи кривичниот суд
Кривичниот суд во Скопје се огласи со соопштение за настанот од минатата недела кога полицајци по налог на обвинителката Ивана Трајчева бришеа снимки од камерите на снимателите.
„Ве информираме дека Основниот суд Скопје 1 – Скопје во целост е посветен на транспарентноста и професионалната соработка со медиумите во Р Македонија и во ниту еден момент нема да отстапи од овие заложби. Затоа во целост ја разбираме вашата реакција за последниот настан од 13.12.2018 година. Но, за волја на вистината, потребно е да напоменеме дека за настанот судот беше дополнително известен, па затоа и не можевме навреме да реагираме“.
„Уште следниот ден на новинарите им беше објаснето дека станува збор за недоразбирање за кое судот не бил информиран и веднаш беа преземени мерки за расчистување на случајот, а на главната расправа по конкретниот предмет, уште следниот ден на снимателите и фоторопортерите им беше дозволено неограничено снимање на стартот од расправата“, се додава во соопштението.
Во соопштението пишува дека Основниот суд Скопје 1 – Скопје останува во духот на транспарентна и отворена соработка со медиумите како претставници на јавноста на судските процеси. Од судот посочија дека за евентуални следни попречувања или проблеми кои претставниците на медиумите може да ги имаат, веднаш да го известат судот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Тензиите што се сега се прават меѓу Македонците и Албанците може да нè вратат назад во грдото минато
СДСМ ја слушна пораката од граѓаните и ја прифаќа, велат од партијата.
„Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен. Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството“, велат од СДСМ.
Како што додаваат, веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество.
„Тензиите што се сега се прават меѓу Македонците и Албанците може да нè вратат назад во грдото минато. Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.