Македонија
Пресуда за Вељаноски, Ристовски, Јанакиески и Атанасовски – осудените плански го организирале упадот со цел да се зачува власта
Судот ги изрече пресудите за организаторите за упадот во Собранието на 27 април – поранешниот претседател на Собранието Трајко Вељаноски е осуден на шест години и шест месеци затворска казна, поранешните министри за транспорт и врски и за образование, Миле Јанакиески и Спиро Ристовски, на шест години и три месеци, а поранешниот директор на УБК, Владимир Атанасовски, на шест години.
„Виновни се затоа што по неуспешните преговори за формирање Влада, изготвиле план со намера да го загрозат уставниот поред и безбедност на Македонија со акти на насилство за да не се предаде мирно власта. Како отежителни околности се тежината на кривичното дело е позицијата на обвинетите, умислата на обвинетите, општествената опасност од таквиот вид кривични дела бидејќи се повреди сржта на претставничката демократија, степенот на кривична одговорност кои делувале како организатори, што се посегна по редовното функционирање на Собранието. Според судот, овој кривично правен настан е плански мотивиран, смислен, реален за да се зачува власта. Судот ги ценеше како отежителна околност и загрозувањето на животот на пратениците, дејствијата кои биле преземени. Ваквите отежителни околности ги доведе во корелација со олеснителните околности дека се родители на малолетни деца, фактот дека против обвинетите Ристовски, Вељановски, Атанасовски не се водат други кривични дела, однесувањето на обвинетите во постапката, соработката со судот, обезбедување голем број сведоци со оглед на краткиот рок на доставување судска постапка, изразеното жалење за настаните. Судот не можеше да не ја земе предвид дадената амнестија дадена со Законот за амнестија. Дел од амнестираните лица беа исто така високи лица во државата. Ова упатува за ублажување на казната“, рече судијата Илија Трпков читајќи дел од обвинението.
Тој даде објаснување за причините поради кои ја Судот ја донел пресудата.
„Случувањата на 27.4.2017 ќе бидат запаметени како настани без преседан. Четири години по настанот има правосилна пресуда за лицата кои извршија упад и насилно влегоа во Собранието. Во ова обвинение главен организатор е наведен Никола Груевски, кој е во бегство и бара азил. Да се врши насилен упад во пармалентот кој е испланиран и во тоа да учествуваат високи функционери е застрашувачко. Државата се брани со срце, ум, правилни потези. Времето и историјата ќе покажат што било правилно а што не. Државата не се гради, ниту брани со насилство. Дали ќе се случеше насилниот упад ако не беше испланиран? Се разбира дека не. Само со план можеше тоа да се случи. Советот ги ценеше сите докази на странките, секој поединчено. Само целината на доказите може да даде одговор на многу прашања. Не се суди на ВМРО-ДПМНЕ, СДСМ, друга партија, туку на конкретни лица“, рече Илија Трпков.
Судијата праша како судечкиот совет да подари верба на сведоците од ВМРО-ДПМНЕ, кога од пораките покажуваат нешто спротивно, потенцирајќи дека сведоците дале сведочење под заклетва.
„Како советот да поклони верба на сведоците, кога од изведените докази произлезе сосема поинакво нешто. Се изведоа пораки од кои се гледа како се барале труби и свирчиња. Загрозен беше уставниот поредок. Дали овие обвинети се терористи или не, истакнувам дека законот е тој што дава дефиниција и определба за дејствијата на лицата. Доколку некој биде осуден за ова кривично дело, како ќе биде нарекуван е најмалку важно. Најважно е да се утврди дали бил загрозен уставниот поредок, со акт на насилство преку дејствијата. Сите дејствија на обвинетите треба да се разгледуваат конкретно. Дали обвинетите се познаваат меѓу себе е прашање кое го наметна одбраната, но важно е дали нивните дејствија го исполниле битието на кривичното дело. Судската пракса на национално ниво тврди дека нема потреба организацијата да биде со добро организирана структура и континуирано комуницирање“, додаде Илија Трпков.
За Трпков, постапувањето на Трајко Вељановски било осмислен чин насочен кон загрозување на уставниот поредок.
„Според судот, тоа што не се преминало на друга точка во минатото, тоа за судот покажува дека немало потреба од тоа. Дека деловниот треба да се применува за да се обезбедат сите права на пратениците. Начинот на кој ја водел седницата, целта која сакал да ја постигне, последиците од настанот, активностите кои ги преземал, а произлегуваат од доказите, претставуваат дејствија директно насочени кон загрозување на уставниот поредок, како основа за исполнување на битието на кривичното дело. Постапувањето на обвинетиот било осмислен чин со намера да не се формира влада“, рече Трпков.
За Јанакиески и Ристовски пресудни за судот биле пораките кои ги разменувале, а беа докази во постапката, а даде верба и на сведоците Александар Василевски-Нинџа, Стефан и Михаил Младеновски.
„Кривичната одговорност на Миле Јанакиески и Спиро Ристовски не е во фактот само дека организирале собир со граѓаните и барале говорници да одржат говор за граѓаните да ја штитат Македонија од Тиранската платформа. Јанакиески и Ристовски давале насоки кон пратениците. Спиро Ристовски викал: ‘Појачајте од секаде до максимум’, а Јанакиески: ‘Качете се горе е Заев’. Од пораките кои беа презентирани, видна е комуникацијата меѓу Јанакиески и Канческа-Милевска. Пораките не одат во правец на одбраната на Јанакиески и Ристовски. Одбраната сакаше да докаже дека овие пораки се испратени многу порано од случувањата во собранието. Но, судот, освен што доказите ги цени секој засебно, ги цени и во целина. Ваквите пораки се во корелација на сведочењата на сведоците Стефан и Михаил Младеновски и Александар Василевски-Нинџа. Судот размислуваше дали да поклони верба на Александар Василевски-Нинџа. Постојат доволно докази, материјали и вербални од кои произлегува дека Василевски-Нинџа бил запознаен што се случува во седиштето на партијата, имал доволно информации кој бил таму“, рече судијата Трпков.
Судијата Трпков рече дека Атанасовски требало да преземе сè што може за да го спречи упадот.
„Неспорно се гледаат и дејствијата на Владимир Атанасовски. Обвинетиот тогаш како директор на УБК и обвинетиот Никола Бошкоски вработен во УБК ги мобилизирале членовите за да се спречи мирно предавање на власта. Па така, Василевски рече: ‘Сакам да нагласам дека известував на тие протести колку луѓе протестираат, можам да посочам каде се собираа некои групи. Тоа беа луѓе од градинки, училишта, а се потпишуваа кај претседателот на општинскиот комитет’. Неспорно е дека обвинетиот бил на чело на УБК, со работно искуство во МВР, па со самото тоа што имал сознанија упатува на тоа дека бил свесен за последиците од насилното влегување во Собранието. За него било јасно што значи влегувањето на толпа народ во Собранието. Кога располагал со информации за влез во Собранието, требало да преземе сè што е во рамки на негова надлежност“, рече Трпков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Влен: „Безбеден град“ не казнува минимална грешка, туку ги штити животите
„Влен“ соопшти дека Законот за „Безбеден град“ е еден од најважните закони донесени во државата, бидејќи во својата суштина ги штити животите на граѓаните и гарантира безбедност на јавните простори.
Според „Влен“, законот не е насочен конказни, туку кон создавање услови секој граѓанин да се движи без страв и без ризик по животот. „Безбеден град“, како што наведуваат, значи побезбедни улици за пешаци, велосипедисти, корисници на електрични тротинети и лица со попреченост, како и јавни простори што им служат на луѓето, а не на сообраќаен хаос.
Во соопштението се истакнува дека законот има за цел директно да ги намали смртоносните сообраќајни несреќи и да ја подобри безбедноста на патиштата, особено на автопатите, регионалните патишта и градските булевари, каде што ризикот е секојдневен и реален. „Влен“ наведува дека „Безбеден град“ претставува модерна алатка за управување со јавната безбедност, која одговара на современите предизвици и ја доближува државата до европските стандарди.
Се посочува дека современите европски градови користат интегрирани системи за следење и брз одговор, со цел зголемување на безбедноста, намалување на прекршоците и поефикасна работа на институциите, а „Безбеден град“ е чекор во таа насока.
„Денес, современите градови во Европа користат интегрирани системи за следење и брз одговор, бидејќи тие ја зголемуваат безбедноста, го намалуваат просторот за прекршоци и ги прават институциите поефикасни и попрофесионални. “Безбеден град“ е токму таков чекор кон држава која функционира подобро за своите граѓани. Во врска со имплементацијата на системот, нагласуваме дека толеранциите на камерите ќе бидат идентични со оние што веќе ги применуваат полициските радари: толеранција од 6 км/ч за брзини до 100 км/ч и 8 км/ч за брзини над 100 км/ч. Ова јасно покажува дека целта не е казнување, туку спречување на прекршоци што ги загрозуваат животите на луѓето. Толеранцијата се однесува само на помали прекршоци и не се однесува на случаи на кривични сообраќајни прекршоци“, велат од „Влен“.
„Правилата постојат за да се почитуваат и да го заштитат животот. Безбедноста не е казна, безбедноста е колективна одговорност“, порачуваат од „Влен“, додавајќи дека „Безбеден град“ е закон за побезбедно, поуредно и похумано општество.
Македонија
ВМРО-ДПМНЕ: Криминалните шеми ги обединуваат Филипче и Ахмети и во опозиција
Од ВМРО-ДПМНЕ обвинуваат дека Венко Филипче и Али Ахмети биле обединети во криминални шеми додека биле власт, а сега, како опозиција, дејствуваат координирано против безбедноста и интересите на граѓаните.
Во соопштението се наведува дека за време на седумгодишното владеење на СДСМ и ДУИ државата била оставена без систем, без одговорност и со високо ниво на криминал и корупција во сите пори на општеството.
Според ВМРО-ДПМНЕ, Ахмети се поврзува со повеќе криминални афери, меѓу кои и случаите поврзани со неговиот внук Дрин Ахмети, купувањето на трговскиот центар „Соравија“, како и концесијата добиена од државната ЕСМ за ископ на варовник.
Во соопштението се наведува дека Филипче се поврзува со тешки трагедии и несреќи, меѓу кои пожарот во модуларната болница во Тетово, како и сообраќајните несреќи во Бугарија и кај Ласкарци, при што, како што се тврди, поради неодговорност и пропусти загинале 75 лица.
Од ВМРО-ДПМНЕ тврдат дека Филипче и Ахмети повторно се обединети заради сопствени цели и заштита, наведувајќи дека пред десетина дена имале средба во Мала Речица, каде се координирале за идно политичко делување.
Во соопштението се посочува и дека нивните пратеници гласале против системот „Безбеден град“, што, според партијата, значи гласање против безбедноста на граѓаните во сообраќајот и заштитата на човечките животи.
Се наведува дека единствена грижа на Филипче е задржувањето на лидерската позиција во СДСМ, додека на последниот партиски конгрес, според ВМРО-ДПМНЕ, не присуствувала една третина од делегатите, што било доволно за покренување барање за негова смена, а дел од пратениците не присуствувале на седници што тој ги водел.
„Интересот на Филипче и Ахмети не се граѓаните, туку зачувување на нивните политички и бизнис интереси“, се наведува во соопштението.
Од ВМРО-ДПМНЕ порачуваат дека партијата останува доследна на политики во интерес на граѓаните, со фокус на заштита на човечките животи, безбедноста на граѓаните и безбедноста на улиците.
Македонија
Колку милиони народни пари требаше да завршат во џебовите на Заев и Филипче со планот за преземање на болницата Жан Митрев, прашува ВМРО-ДПМНЕ
„Секојдневно на виделина излегуваат нови факти дека на СДС и Венко Филипче за време на 7 годишното владеење приоритет не им биле граѓаните туку сопствените лукративни цели и интересите на тесен круг луѓе блиску до врхушката на СДС како и бизнис зделките договорени со менторот Заев“, соопшти ВМРО-ДПМНЕ.
„Во низата афери најскандалозен е случајот со планот на Филипче и Заев за преземање на болницата Жан Митрев кој во јавноста доби потврда и од самиот доктор Жан Митрев.
Филипче и Заев имале точно разработен план како да ја преземат болницата Жан Митрев. Класичен модел на делување на кланот Заеви и Филипче преку притисоци, уцена, закани, злоупотреба на институциите и влијание врз судски постапки да остварат лични цели и огромен профит.
За таа цел Филипче и Заев имале добро подготвен план за што говори фактот со зголемувањето на сумата од ФЗО која се префрла на Болницата. Сумата во 2020 година достигнала околу 11 милиони евра, што е скоро дупла за разлика од сумата одвоена за болницата во 2015 година.
Планот за преземање на приватна болница не им поминал, што буквално би значело приватизирање на народни пари.
Филипче да не молчи и да одговори дали навистина имал за цел со преземање на болницата Жан Митрев да си приватизира за лична корист, пари од народот?
Колку ќе профитирале Филипче и Заев од зделката за планот што го скроиле и колку народни пари ќе завршеле во нивните џебови?
ЈО да го истражи случајот со Клиничката болница Жан Митрев.
ВМРО-ДПМНЕ останува посветена за заштита на јавниот интерес и борба против криминалот и корупцијата“, се наведува во соопштението на ВМРО-ДПМНЕ.
Америка ѝ нуди на Украина гаранции и оружје, но бара многу болни отстапки кон Русите
Администрацијата на Доналд Трамп ѝ соопшти на Украина дека безбедносните гаранции на САД се условени од тоа Киев да се...
(Видео) Зимската бура ги парализираше САД, стотици илјади без струја, најмалку 30 мртви
Силна зимска бура што ги зафати Соединетите Американски Држави донесе нови снежни врнежи на североисток, додека југот е замрзнат, оставајќи...
Трамп: Иран сака договор
Доналд Трамп рече дека Иран сака да склучи договор, бидејќи американски носач на авиони и придружна борбена група пристигнаа на...
Британскиот премиер оди во Кина: „Нема да бирам меѓу две страни“
Премиерот Сер Кир Стармер изјави дека нема да биде принуден да „избира помеѓу“ својот однос со САД и со Кина,...
Францускиот парламент ја поддржа забраната за социјалните медиуми за лица под 15 години
Националното собрание на Франција во понеделник го поддржа законот со кој се забранува користењето на социјалните медиуми од страна на...
Црна Гора го затвори 13-то поглавје од преговорите со ЕУ
Црна Гора го затвори преговарачкото поглавје 32 – Финансиски надзор вчера, на Меѓувладината конференција меѓу Црна Гора и Европската Унија...
Дрога чувана под шанк во кафеана: четири лица под истрага за илегална препродажба на марихуана и хашиш во Валандовско
Основното јавно обвинителство Гевгелија донесе Наредба за спроведување истражна постапка против осомничен кој во временскиот период од октомври 2025 година...
Во „Пулс“ влегол со билет за кој не добил фискална, никој не му побарал лична карта, а од стампедото го спасил обезбедувачот Столе, сведочеше Иван Данаилов
Дваесетипетгодишниот Иван Данаилов, гостин во „Пулс“ вечерта кога се случи пожарот, на денешното судење сведочеше дека во клубот влегол со...
МВР ги објави казните за „Безбеден град“: што ќе се санкционира и колку ќе плаќаат возачите кои ќе направат прекршок
Во насока на зголемување на безбедноста во сообраќајот и доследна примена на законите, Министерството за внатрешни работи ги информира граѓаните...
Николоски предлага три решенија за проблемот со шенгенските правила за превозниците
Вицепремиерот и министер за транспорт Александар Николоски на граничниот премин Блаце им даде поддршка на домашните транспортери, кои од денеска...
Келнер, кој непријавен работел во „Пулс“, сведочи дека клубот имал само еден влез, имало малолетници, а пред пожарот со 63 жртви имало танчерки кои вртеле факели
Првиот сведок на Обвинителството, 20 – годишниот Кристијан Панов, на денешното судење за пожарот во кочански „Пулс“ во кој загинаа...
Две монтажни катни гаражи добива Клиничкиот центар во Скопје, најави Орце Ѓорѓиевски
Градоначалникот на Град Скопје, Орце Ѓорѓиевски, денеска најави отпочнување на процесот за изградба на две монтажни катни гаражи во рамки...
(Видео) Филипче ја критикуваше Владата дека го кочи европскиот пат и нема волја за уставни измени
Претседателот на СДСМ, Венко Филипче, на седница на Националниот совет за евроинтеграции изрази сериозна загриженост поради, како што рече, целосниот...
Судењето за „Пулс“ почна со предупредување за родителите на загинатите дека ќе бидат исклучени, по тензиите со бранителката на Јованови
Денешното судење за пожарот во кочанскиот клуб „Пулс“ со 63 жртви и над 200 повредени почна со предупредување за родителите...
Три лица тешко повредени во сообраќајка помеѓу три возила во тетовско
Три лица се тешко повредени во сообраќајна несреќа што се случила вчера вечер во 22:50 часот на регионалниот пат Јажинце...
Не е тајна дека Мицкоски има работено во бизнис секторот и има добро заработено, велат од ВМРО-ДПМНЕ за скапите часовници на премиерот
Не е никаква тајна тоа дека претседателот Мицкоски пред да влезе во политиката има работено во бизнис секторот во делот...
Блокадите на границите не се решение, загубите ќе бидат големи, смета Стопанската комора
Проблемот со примената на правилото од 90/180 дена за професионалните возачи во товарниот патен транспорт (евиденцијата на влез и излез...
Прекин на товарниот сообраќај на граничните премини, МВР ќе обезбеди непречен сообраќај за патничките возила и автобусите
Министерството за внатрешни работи – Оддел за гранични работи и миграција информира дека до МВР е доставена најава за одржување...
150 минимални плати чинат часовниците на Мицкоски, велат од СДСМ
„Премиерот Христијан Мицкоски се најде на врвот на листата на политичари од земји членки на НАТО со најскапи часовници“, велат...
Пијана со нож го прободела сопругот, а потоа го гребела по вратот и телото: жена од Хрватска осомничена за семејно насилство во Кавадарци
Основното јавно обвинителство Кавадарци поведе постапка против 30-годишна државјанка на Хрватска со привремен престој во Кавадарци, која е осомничена дека...
