Македонија
Силјановска-Давкова: Наука со 0,1 проценти не може да имаме, со „Обнова“ следуваат сериозни реформи во образованието

Вчера, при средбата со граѓаните, Гордана Силјановска-Давкова, носител на Изборната единица 1 посочи дека по 15 јули, кога ВМРО-ДПМНЕ ќе победи на изборите, ќе почнат сериозни реформи во образовниот систем бидејќи се неопходни.
„Во образованието на сите нивоа имаме залутани луѓе. Наука со 0,1 проценти не може да имаме. Срамота. Во програмата е првиот чекор кон обновата. Зголемување на финансиите. Да не ни ги земаат најдобрите студенти странците“, појасни Силјановска-Давкова.
Силјановска-Давкова додаде дека шесте државни универзитети не треба да се фабрики за вработување во јавната администрација.
„Новата влада, која ќе ја предводи ВМРО-ДПМНЕ, се обврзува дека ќе плати за објавување во web of science и ќе има зголемување на платата 50 %“, истакна Силјановска-Давкова.
Таа посочи дека во програмата има предвидено и стипендии за ученици и студенти.
„Не сите имаат компјутери, не може во време на Ковид-19 сите да се онјалн. Мора државата да помогне и обновата тоа го нуди“, рече вчера Силјановска-Давкова.
Силјановска-Давкова додаде дека, за жал, странците ништо не знаат за нас, затоа мора да имаме наша литература.
За крај, таа вети дека кога ВМРО-ДПМНЕ ќе ја предводи новата влада, сигурно еден од нашите универзитети ќе биде меѓу првите 1.000 на Шангајската листа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Влен“: Бујар Османи го вети автопатот Скопјe-Блаце, но донесе само лаги

„Поминаа 5 години, 7 месеци и 8 дена од свеченото потпишување на договорот за „првите 2 километри“ на автопатот Скопје – Блаце, а ветувањето на Бујар Османи со кое се фотографираше и политички се фалеше остана нереализирано“, велат од „Влен“.
„ФБ сесии, фотографи, изјави, скапи видеа, но резултати нула. Тоа е Бујар Османи. Ветуваа автопати, оставија само албуми со слики. Ветуваа нови болници, оставија семејни трагедии. Ветуваа водоводи, оставија пустош.
Бујар Османи беше министер во владата на Груевски, вицепремиер за европски прашања и министер за надворешни работи кај Заев и Ковачевски, вкупно повеќе од една деценија на највисоки државни функции. За тоа време немаше резултати за овој проект, ниту за албанските општини за кои најмногу ветуваше. Имаше Фејсбук сесии, снимени видеа и лажни ветувања, а резултати нула.
Доста беше со промотивни настани на лажни големи ветувања. Бујар Османи нема што да покаже како резултат зад себе, нема реализирани проекти, нема изградено ништо, нема помогнато никому.
Бујар Османи е политичар кариерист, без резултати. Неговите ветувања денес за Чаир се исти како ветувањето за автопатот кон Блаце пред пет и половина години. Празни“, се наведува во соопштението на „Влен“.
Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.