Македонија
Спасовски да го уапси Бектеши поради саботажа врз Владата и државата, бараат од Единствена Македонија
Од Единствена Македонија го повикаа министерот за внатрешни работи Оливер Спасовски да го уапси министерот за економија Крешник Бектеши за, како што велат, опасната саботажа против Владата и државата.
„Поминаа два дена од скандалозното признание на министерот за внатрешни работи, Оливер Спасовски, и министерката за одбрана, Славјанка Петровска, дека министерот за економија, Крешник Бектеши, ги лажел во Владата во врска со рудникот ‘Иловица-Штука’ во Струмичкиот Регион.
Министерот Бектеши со ваквото противзаконско дејство смислено го попречил и го довел во опасност правилното работење на Владата. Ова е класична саботажа од министерот Бектеши против Владата и државата“, изјави Јакимовски.
Според него, изненадува однесувањето на министрите Спасовски и Петровска, кои, како што рече, плачат во медиумите дека министерот Бектеши ги лажел во Владата наместо да постапат во согласност со своите уставни и законски овластувања.
„Дотолку повеќе, Спасовски и Петровска не се какви било министри, туку министри на луѓето во униформа, на полицијата и војската, кои треба да го штитат редот и поредокот во државата. Цела Македонија гледа дека министерот Бектеши ја лажел Владата за рудникот. Народот чека акција, а од министерот на полицијата Спасовски – молк.
Затоа, го повикуваме Спасовски веднаш да реагира и да го уапси Бектеши за опасната саботажа против Владата и државата бидејќи само со плачање на Спасовски во медиумите може да настапат тешко отстранливи последици врз Републиката“, порача Јакимовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.
Македонија
Боки-13 за операцијата „Бумеранг“: поднесе кривични против Заев, Спасовски, Русковска
Бојан Јовановски-Боки 13 поднел кривични пријави против поранешниот премиер Зоран Заев, ексминистерот за внатрешни, Оливер Спасовски, и двајцата генерални секретари на СДСМ, поранешниот Александар Кирацовски и актуелниот Миле Зачевиќ, како и против поранешната шефица на Јавното обвинителство за гонење организиран криминал и корупција, Вилма Русковска.
Тој дошол во Обвинителството на покана на актуелниот шеф на оваа институција, Ислам Абази.
Најави дела кривично-правната операција е наречена „Бумеранг“.
„Сите мои наводи и описот на настаните ќе бидат материјализирани со докази што потекнуваат од мојот телефонски уред, кој ми беше одземен при моето апсење во предметот ‘Рекет’. Се работи за кривични дела што се однесуваат на злоупотреба на службената положба и овластувањето, за изборни измани, незаконско финансирање политичка партија, злоупотреба на јавните набавки“, додаде тој.
Најави и продолжение на предавање докази во писмена форма.
„Поднесена е кривична пријава и против Вилма Русковска за злоупотреба на службената положба, примање поткуп, примена на тортура. Зоран Заев е речиси во секоја пријава“, рече Јовановски.
Македонија
Мицкоски на средба со коалицијата: доби поддршка за почнување преговори за состав на идната влада
Претседателот на ВМРО-ДПМНЕ, Христијан Мицкоски, денеска оствари средба со претседателите на партиите во состав на коалицијата „Твоја Македонија“.
Беше констатирано дека коалицијата оствари успешен и историски резултат, кој создава и одговорност за реализирање на очекувањата.
Мицкоски доби поддршка од претседателите на коалициските партии за почнување преговори за состав на идната влада.
Според заклучокот на состанокот, разговорите треба да се водат врз основа на постулати за забрзан економски развој на Македонија, силна борба против криминалот и корупцијата и европските интеграции врз база на принципи и вредности, соопштија од партијата.