Македонија
Спасовски: Прва работа по формирањето на Владата ќе биде расчистување со груевизмот

Покажавме дека знаеме да се бориме за правдата и срушивме режим. Исправивме многу неправди, овозможивме луѓето слободно да се изразуваат, вработуваат, да ги остваруваат своите права што им следуваат по закон. Следува расчистување и во правосудството кое работи според нарачки од груевизмот, се некои од пораките на носителот на листа во ИЕ 2, Оливер Спасовски, на вечерашната централна граѓанска трибина на коалицијата Можеме, во Скопје.
„ Денеска бев во моето родно Куманово, имав многу средби и со млади луѓе, ми остави впечаток еден говор на еден млад човек, кој рече -`се ова што го бараат моите врсници е базирано на слобода. И сега ми одѕвонува во мислите. Сработивме и на полето на правдата и полето на правичноста.
Денес нема одлука некој како Томче Кежаровски, да го ставите во затввор за напишан текст – тоа никогаш повеќе нема да го дозволиме. Правда е да го решите прашањето на 12.000 стечајни работници да земат по 8.000 денари за егзистенција. Правда е текстилните работнички наместо 6.000 илјади плата, да земаат 14.500 денари.
Правда е и да не ви се закануваат и уценуваат – да добиете работно место какво што заслужувате, а не преку партиска книшка. Правда е и да не ве апсат со пиштол во уста како Љубе – и тоа никогаш повеќе нема да се случи“ посочи Спасовски.
Тој рече дека денес е правда и да не се носат одлкуки по принципот „Ало судија“ и неправедно да се разрешуваат судии како што се случи со Виолета Дума.
„ Но ќе се случи разрешување на сите судии кои работат со нарачки од остатоците од груевизмот. Ред дицсиплина и правда е еден од нашите столбови на којшто се обврзуваме.
Мора да има ред во институциите, во администрацијата, мора да има и дисциплина, да се почитуваат законите“ рече Спасовски кој додаде дека правдата се зацврстува со донесениот Закон за јавно обвинителство што стапи на сила, а за којшто режимот претставен преку Мицкоски правеше `се што е можно за да не се донесе.
„Сите криминалци да одговараат беше нашата цел и со овој закон успеавме во тоа. Првата работа што ќе ја направиме – ќе ја испитаме имотната состојба на секој судија и јавен обвинител, колку имале и колку имаат. Правда е и да бидат разрешени судии по автоматизам кои намерно застаруваат предмети. Ќе има и ревизија во работењето на 5 проценти од судиите, по случаен избор – како и на кој начин пресудиле, дали правдата била пресудна или се јавиле Михајло, Филимена, Груевски или некој друг од режимот“, најави Спасовски.
Тој повика да излеземе на изборите на 15 јули затоа што се носи важна одлука.
„Изборите се безбедни. Секој знае дека оваа коалиција Можеме, предводена од СДСМ, е сигурниот иден победник на 15 јули, но работата не е завршена сега, ќе биде завршена на во 21 часот во среда, да излеземе сите заедно и да гласаме за Можеме и број 3, за победа“ порача Спасовски од граѓанската трибина вечерва во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Бендевска: Да го продолжиме заветот од Илинден и пораката од АСНОМ

По повод 2 Август – Денот на Републиката, во име на претседателот на Собранието на Република Северна Македонија, Африм Гаши, потпретседателката на Собранието на Република Северна Македонија, Весна Бендевска, заедно со собраниска делегација во состав: Бране Петрушевски, Никола Коњановски, Даниела Николова и Даниел Стојчевски, одбележа 81 година од Првото заседание на АСНОМ, во Меморијалниот центар АСНОМ во Пелинце.
„На хероите на двата Илиндена кои се жртвуваа за денес да можеме да бидеме свои на своето, да им ветиме уште еднаш дека денешните генерации нема да го заборават заветот што ни го оставија. Да ги насочиме нашите погледи, стремежи и напори од заедничкото минато, кон заедничката сегашност и иднина. Да го продолжиме заветот од Илинден и пораката од АСНОМ“ – порача потпретседателката Бендевска.
Македонија
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република

Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во Крушево.
Во својот говор, Сиљановска-Давкова рече дека е „време за нова пролет на нашата македонска република, за навраќање на републиканските корени“.
„Што значи тоа? Македонските граѓани од својата република очекуваат барем две нешта ̶ слобода и правда. Кога зборувам за слобода, не мислам само на политичката, туку и на економската, на академската, на културната, на социјалната… Кога зборувам за правда, не мислам само на правосудството, туку и на социјалната, еколошката и на генерациската правда. Не смееме да изумиме дека предуслови за слободата и за правдата се владеењето на правото и еднаквоста пред законот“, истакна претседателката.
Таа додаде дека „мора да го искорениме плевелот на корупцијата и на криминалот“.
„Никој не смее да биде недопирлив, независно дали е поранешен или актуелен политичар или функционер, судија или влијателен бизнисмен. За правдата да биде неселективна и навремена, потребни се забрзани и длабоки реформи во правосудството, а тие почнуваат со европска правна рамка, но и со европски критериуми на регрутирање, како и со европски стандарди на функционирање и одговорност“, вели Сиљановска-Давкова.
Според неа, потребен ни е здравствен систем по мерка на здравјето на пациентите и на нацијата. За креативните умови, потребни се инвестиции во образованието и науката, во истражувањето, во развојот и дигитализацијата.
Претседателката се осврна и на пожарите.
„Деновиве, републиката ни е во пламен. За помалку шумски пожари, потребен е не само правен, туку и ефикасен институционален систем, вистински луѓе на важни позиции, вградена превентивна и волонтерска димензија, стимулативни мерки за пожарникарите, пожарникарството и за волонтерите. И овие активности се во ек. За да се заштити здравјето на луѓето и на природата, мора да ставиме крај на дивите депонии и на нивното палење, но и да имаме контрола врз палењето“, вели претседателката.
Сиљановска-Давкова истакна дека имаме потреба од длабоки и суштински реформи во секоја област по европска мерка: со заштитени слободи и права, со владеење на правото и бескомпромисна борба со корупцијата; со стратегиски партнерства со државите со заеднички вредности и интереси; со независни и функционални институции; со компетитивна економија и со капитални инвестиции; со партиципативна политичка култура.
„Ние не сме стебло без корен. Нашата слобода и нашата република се вкоренети во европската пролет на народите, во демократските и хумани визии на „Млада Европа“. И затоа, на оној што ќе ни рече „вие сте млад народ со млада држава“, ќе му одговориме дека сме чеда на Гоцевата визија за „Млада Европа“ обединета Европа, и за светот како поле за културен натпревар на народите!
Колку и да ни е тешко, не треба да се обесхрабруваме од пречките и препреките. Сме опстоиле и сме надминале и потешки проблеми. Не сме сами. Имаме пријатели – демократи кои го почитуваат нашето право на национален и културен идентитет, на граѓански дигнитет и интегритет зашто и самите го сакаат и уживаат. Верувам во нивната поддршка и помош. Тие не се плашат да укажат и да се спротивстават на двојните стандарди и на анахроните обиди за ревизија на историјата.
Ние не се откажуваме од природниот пат кон членството во ЕУ, оти отсекогаш сме дел на Европа: географски, историски и културно, зошто да не и политички. Едноставно, ние балканските народи и нации сме биле, сме и ќе останеме Европејци.
Цврсто сме решени како што беше европски зацртано да стигнеме до целта до 2030 година, европеизирани по словото на Копенхагенските критериуми!“, рече претседателката Сиљановска-Давкова.
Македонија
Филков од Пелинце: АСНОМ нека ни биде потсетник – патот на правдата бара храброст, истрајност и одговорност

Министерот за правда, Игор Филков, беше дел од владината делегација која оддаде почит по повод 81 година од Првото заседание на АСНОМ, во Меморијалниот центар АСНОМ во Пелинце.
„Денес сме овде, во Меморијалниот центар АСНОМ во Пелинце, за да оддадеме почит на државничката визија и храброста на генерациите кои пред 81 година го поставија темелот на нашата државност.
Првото заседание на АСНОМ не е само историски момент, туку жив доказ дека борбата за правда, слобода и достоинство е темел на нашето постоење како народ и држава.
Како министер за правда, должност ми е да го чувам тој завет – да се грижам за правна држава, за независни институции и за заштита на човековите права.
Нека ни биде потсетник – патот на правдата бара храброст, истрајност и одговорност. АСНОМ ни остави обврска, а ние имаме должност таа обврска да ја преточиме во дела“, истакна министерот Филков.