Македонија
Спасовски: Санацијата на колекторот по должината на Охридското Езеро ќе биде завршена во предвидениот рок
Работите за санација и реконструкција на колекторскиот систем по должината на крајбрежјето на Охридското Езеро, што почнаа во декември минатата година, се одвиваат според планот и уште ова лето езерото ќе има чиста и безбедна вода за капење, е констатирано на увидот во напредокот на работите на чистење и реконструкција на колекторскиот систем во Охридско-струшкиот Регион, што денеска го направија претседателот на Владата, Оливер Спасовски, заедно со министерот без ресор, Едмонд Адеми, кој е задолжен за координација на активностите за исполнување на обврските што произлегуваат од препораките на УНЕСКО за заштитеното подрачје на Охридскиот Регион, и со директорот на Јавното претпријатие „Колекторски систем“, Владимир Алексијоски.
Работите за санација и реконструкција на колекторскиот систем почнаа на потегот од тунелот на патот Охрид – Пештани, кај Свети Стефан, до Билјанини Извори, и во должина од повеќе од 2 километра цевките на колекторот се исчистени од корења, градежен шут и друг талог. На овој потег дури 80 отсто беше намалена функцијата на колекторскиот систем и затоа на местата каде што цевките беа скршени или сериозно оштетени, се пристапи кон санација според системот „цевка во цевка“ и со тоа се обезбеди нормален, целосен проток на водите за прочистување.
„За системот за прочистување на отпадните води во Охридското Езеро не се водеше грижа со години и тој беше уништен. Несеопфатната реализација и негрижата за одржувањето на колекторскиот систем создадоа сериозни еколошки штети и закани за Охридското Езеро и за природните убавини и реткости во неговото опкружување. Во наредните 5 месеци, ќе го поправиме тоа што со години беше запуштено од негрижа и недејствување. За оваа намена се обезбедени 4,2 милиони евра од буџетот на граѓаните на нашата земја“, истакна во изјавата за медиумите премиерот Спасовски, кој увидот во работите за санација на колекторскиот систем го направи како дел од агендата на 7. седница на Владата, која денеска се одржува во Охрид.
Во активностите до крајот на овој месец се вклучени работите на санацијата на делниците од Лагадин кон Пештани, како и од населбата Далјан до Подмоле. Веднаш потоа ќе почнат и работите по целата останата должина на колекторот на охридско-струшкиот брег.
Паралелно со овие реконструкциски и санациски работи се сервисираат и редукторите на пумпите на пречистителните станици за обезбедување на целосната функција на колекторскиот систем.
„Охридското Езеро и заштитеното подрачје опфатено со УНЕСКО се наша гордост, но и грижа на сите нас, и затоа следува комплетна санација на колекторскиот систем. Нашата намера е да покажеме дека знаеме и дека се грижиме за нашите природни и културни вредности и тоа оваа Влада ќе го докаже“, нагласи претседателот на Владата на Северна Македонија, Оливер Спасовски.
Министерот без ресор, Едмонд Адеми, кој е задолжен за координација на активностите за исполнување на обврските што произлегуваат од препораките на УНЕСКО за заштитеното подрачје на Охридскиот Регион, и директорот на Јавното претпријатие „Колекторски систем“, Владимир Алексијоски, во изјавите за медиумите потенцираа дека ќе бидат преземени сите претходно утврдени активности предвидени во Планот за управување со заштитеното подрачје на Охридското Езеро, меѓу кои се и санацијата и реконструкцијата на колекторскиот систем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Градоначалникот Георгиевски на увид во реконструкцијата на игралиштето за мал фудбал во Текија, општина Илинден
Увид во работните активности за реконструкција на игралиштето за мал фудбал во рамки на подрачното општинското основно училиште во населено место Текија направи градоначалникот на општина Илинден, Александар Георгиевски.
Како што истакна градоначалникот Георгиевски и на ова фудбалско игралиште целосно ќе биде обновен асфалтниот слој, проширување на теренот, ќе биде поставено лед осветлување, обновување на заштитната ограда, а ќе бидат поставени нови голови, клупи, корпи за отпадоци, просторот ќе биде партерно уреден. Со обновувањето на игралиштето ќе се создадат услови за реализација на часовите по физичко образование како и комплетно реконструиран, убаво уреден простор каде младите во спортски дух ќе го поминуваат слободното време, соопшти општина Илинден.
Покрај реконструкцијата на игралиштето за фудбал ќе се обнови и детското игралиште во рамки на училиштето, односно оштетените реквизити ќе бидат заменети со нови.
Со цел уредување на секое населено место како и создавање квалитетни и безбедни услови за жителите, општина Илинден продолжува со реконструкција на постоечките и изградба на нови спортски терени и во останатите населени места, се наведува во соопштението.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.