Македонија
Стотици договори за закуп на државно земјиште истекуваат, земјоделците ќе го изгубат правото на субвенции ако итно не се донесат законските измени, алармира Николовски
Од крајот на минатата година почнаа да истекуваат договорите на земјоделците за закуп на државно земјиште склучени во 2007 година и ако не се донесат измени на Законот за земјоделското земјиште, тие ќе го изгубат правото на субвенции, алармира министерот за земјоделство, Љупчо Николовски. За да склучат нови договори, постојниот закон предвидува сложени и долги административни процедури, кои се олеснуваат со предложените измени. Министерот бара предложените измени веднаш да бидат донесени оти, освен тоа што веќе има 172 истечени договори за закуп, во следните месеци ќе истечат уште стотици.
„Повеќе од еден месец претседателот на собраниската Комисија за земјоделство не ја закажува седницата за да поминат измените на Законот за земјоделското земјиште предложени од пратениците со кои се олеснуваат многу постапки за земјоделците. Измените во законот, предложен во скратена постапка уште од 19 февруари, а со кој се превидува можност земјоделците што имаат истечен закуп за земјоделско земјиште во државна сопственост да може непречено да го користат земјиштето сè до склучување нов договор и за него да го остваруваат правото на субвенции во периодот токму и на изборен процес“, рече министерот Николовски.
Предложените измени министерот Николовски тврди дека не се популистички, туку се системски и пополнуваат правна празнина на законот донесен во Собранието во 2007 година, а кои засегаат над 10.000 закупци на државно земјоделско земјиште.
„Земјоделците не се виновни што токму во овој период ќе има избори. Повикувам и пратениците и претседателот на Комисијата на да не ги блокираат овие измени, кои им ги кратат маките на земјоделците. Договорите се склучувани на 15 години и ова се први договори што истекуваат. Во следните месеци, април, мај и јуни, период потребен за формирање нова влада, ќе истечат уште договори“, рече министерот Николовски.
Тој извести дека секторите во Министерството ги подготвиле потребните информации и одлуки за склучување нови договори, кои ќе им гарантираат сигурност на земјоделците и нема да ги доведат во ризик за добивање субвенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: 1.764 повици на бројот за итни случаи 112 во последното деноноќие
Центарот за управување со кризи (ЦУК) информира дека имало вкупно 1 764 повици на Единствениот повикувачки број за итни случаи 112 во ЦУК во последното деноноќие, од коишто „реални“ повици биле 52,44%, а 47,56% биле за други потреби на граѓаните што не биле итни. Кон Полиција биле упатени 62,93%, кон Итната медицинска помош 33,59%, а кон пожарникарите 2,32% од реалните повици кон 112 во ЦУК. Инаку, имало 842 повика за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (1,16%) и на тие што се именувани како „неитни повици“(47,56%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).
Во последното деноноќие немаше евидентирани пожари на отворен простор. Имало само урбани.
Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи.
Македонија
СДСМ: 27 април е крвав потсетник на режимот на ДПМНЕ
27 април е најцрниот датум во историјата на македонската демократија, 27 април е крвав потсетник на режимот на ДПМНЕ, велат од СДСМ.
„Вооружени насилници на 27 април 2017 година, поттикнати од ДПМНЕ, упаднаа во Собранието обидувајќи се да убијат пратеници, да повредат новинари и вработени во парламентот, да го загрозат уставниот поредок, ја доведоа државата пред амбис, на раб на граѓанска војна. Сеќавањата на крвавите лица на пратениците, нападнати со шипки и столици, влечењето за коса, дивеењето на насилниците, кои кршеа и уништуваа се пред себе во храмот на демократијата, се свежи и по седум години. Насилниците поддршка имаа и од Христијан Мицкоски, кој тој ден беше пред македонското собрание. Наместо извинување и осуда, Мицкоски стои во одбрана на осудените насилници за крвавиот четврток“, пишуваат од партијата.
„Ништо не е сменето во ДПМНЕ. Тоа е истата партија која сака одново да гази врз слободата, врз демократијата, да се пресметува со неистомисленици, да шири омраза и поделба меѓу граѓаните. СДСМ, заедно со граѓаните нема да дозволи да се заборави 27 април, нема да дозволи никогаш да се повтори. Со глас за СДСМ и Коалицијата на 8 мај граѓаните гласаат за слобода, демократија и европски вредности“, се вели во соопштението на СДСМ.
Сервисни информации
Сончево со мала до умерена облачност, од пладневните часови со услови за локална нестабилност со краткотраен пороен дожд
Времето денеска, ќе биде сончево со мала до умерена облачност. Од пладневните часови ќе има услови за локална нестабилност со краткотраен пороен дожд и појава на грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 17 до 23 степени.
Во Скопје сончево со мала до умерена облачност и во делови од регионот со услови за краткотарен пороен дожд. Минималната температура ќе се спушти до 6, а максималната ќе достигне до 22 степен.
Од недела следува период на стабилно и топло време, а дневните температури ќе бидат повисоки за 3 до 5 степени.