Македонија
Студентите го симулираа НАТО-самитот во Брисел, Македонија стана 30-та земја членка
Атлантскиот совет на Македонија традиционално ја организира седмата по ред НАТО-студентска симулација: „Македонија во пресрет на НАТО-самитот во Брисел“. На симулацијата учествуваа четириесет студенти од 11 факултети, како и млади професионалци од областа на општествените науки.
На овој настан студентите имаа можност да се најдат во улогата на претседатели и премиери на државите членки на НАТО, да дискутираат високополитички и стратешки прашања и да научат многу за самата алијанса, нејзината организациска структура и политиките.
Настанот го отвори Исмет Рамадани, претседател на Евро-атлантскиот совет, кој истакна дека овој голем одѕив на младите за НАТО-симулацијата само докажува дека процентот на граѓани што позитивно гледаат кон членството на Република Македонија во НАТО е сè поголем. Заменик-министерот за одбрана, Беким Максути, ја поздрави иницијативата на Евро-атлантскиот совет на Македонија за инволвирање и запознавање на младите со суштината на НАТО и изјави дека, според него, Македонија е спремна за покана во алијансата.
Капетанот Горазд Бартол, шеф на НАТО при Канцеларијата за врски во Скопје, уште еднаш ја потенцира потребата на Република Македонија од членство во НАТО, а со него се согласи и д-р Стево Пендаровски, координатор за НАТО во Владата на Република Македонија, и додаде дека Македонија нема подобра алтернатива од оваа организација од аспект на безбедноста на државата.
Најинтересен беше делот на донесување на декларацијата во која стои дека Македонија станува триесетата земја членка на НАТО. Оваа одлука беше поздравена со аплауз од присутните, а студентите по добивањето сертификат за учество, заминаа со многу поголеми знаења.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.
Македонија
Боки-13 за операцијата „Бумеранг“: поднесе кривични против Заев, Спасовски, Русковска
Бојан Јовановски-Боки 13 поднел кривични пријави против поранешниот премиер Зоран Заев, ексминистерот за внатрешни, Оливер Спасовски, и двајцата генерални секретари на СДСМ, поранешниот Александар Кирацовски и актуелниот Миле Зачевиќ, како и против поранешната шефица на Јавното обвинителство за гонење организиран криминал и корупција, Вилма Русковска.
Тој дошол во Обвинителството на покана на актуелниот шеф на оваа институција, Ислам Абази.
Најави дела кривично-правната операција е наречена „Бумеранг“.
„Сите мои наводи и описот на настаните ќе бидат материјализирани со докази што потекнуваат од мојот телефонски уред, кој ми беше одземен при моето апсење во предметот ‘Рекет’. Се работи за кривични дела што се однесуваат на злоупотреба на службената положба и овластувањето, за изборни измани, незаконско финансирање политичка партија, злоупотреба на јавните набавки“, додаде тој.
Најави и продолжение на предавање докази во писмена форма.
„Поднесена е кривична пријава и против Вилма Русковска за злоупотреба на службената положба, примање поткуп, примена на тортура. Зоран Заев е речиси во секоја пријава“, рече Јовановски.