Македонија
Тренчевска: Соработката со Турција е мост што овозможува поголеми пријателски односи
Министерката за труд и социјална политика, Јованка Тренчевска, заедно со делегацијата на Република Северна Македонија во Турција, се сретна со градоначалникот на општина Каршијака, Џемил Тугај. На почетокот од средбата министерката Тренчевска ја искажа благодарноста за поканата делегацијата да биде во нивната земја со цел размена на искуства и потврдување на соработката помеѓу двете држави.
Градоначалникот Тугај на средбата истакна дека Република Северна Македонија е блиска земја со Турција посочувајќи на корените на нивниот основоположник Кемал Ататурк, кој по потекло е од РСМ.
Фокусот на дискусијата на средбата беше на негување на засебноста на македонскиот и на турскиот народ. Тренчевска истакна дека во РСМ има градинки во кои воспитно-образовната програма се изведува на турски јазик и се овозможува негување на нивната култура уште од најрана возраст.
На крајот од средбата беа искажани убедувања дека досегашната поддршка и соработка е само почеток и дека таа во иднина ќе се продлабочува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Топло со умерена облачност, температурата до 25 степени
Времето денеска ќе биде сончево и топло со мала до умерена локална облачност. На североистокот ќе има услови за појава на краткотраен дожд.
Ќе дува слаб до умерен, а долж Повардарието краткотрајно засилен ветер од југоисточен правец. Минималната температура ќе биде во интервал од 6 до 12, а максималната ќе достигне од 20 до 25 степен.
Во Скопје сончево и топло со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 11, а максималната ќе достигне до 23 степени.
Ќе настапи преодно стабилизирање на времето со позначителен пораст на дневната температура. Од сабота кон крајот на денот повторно се очекува нестабилно време со локален пороен дожд и грмежи, локално во форма на невреме. Повремена претежно попладневна нестабилност со пороен дожд и грмежи, со променлив интензитет, ќе има се до средината на следната недела.
Скопје
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење на мобилен телефон при возење, осум санкции за некористење на сигурносен појас…“, извести МВР.
Од таму додаваат дека сообраќајните контроли продолжуваат и во наредните денови.
Македонија
Нема подолги задржувања за влез и излез од државата
Сообраќајот на државните патишта се одвива непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.